Lugu 9:12 - Maktub gə́ To gə Kəmee

¹² Loo gə́ kàr rəm ler gə́ naŋg ndá deḛ gə́ dɔg-gir-dee-joo lé rəm pər gə́ rəa’g d’ulá pana: Maji kari ya̰ boo-dəwje neelé ar dee tel d’aw mee ɓeeje’g ləm, gə dɔ kɔr ndɔje gə́ gugu dɔ loo neelé ləm tɔ gə mba kar dee d’iŋga loo-to keneŋ ləm, gə mba kiŋga nésɔ keneŋ sɔ ləm tɔ. Mbata loo gə́ j’isi keneŋ ɓasinè lé to dɔdilaloo’g gə mḭdé ba.

Lugu 9:12 ပူးပေါင်းရင်းမြစ်များ

Ejekel 34:25

N’a manrɔ neḛ mba kar dee d’isi ne gə meelɔm ləm, n’a kar daje gə́ majel godo mee ɓee’g neelé ləm tɔ. D’a si dɔdilaloo’d gə́ majee ləm, d’a toɓi mee kag-kɔr’d gə́ majee ləm tɔ.

Ojee 13:5

Dɔdilaloo gə́ tudu kurum-kurum lé Ma m’gər sí keneŋ təsərə.

Matiyo 14:13

Loo gə́ Jeju oo taree ndá yeḛ ḭ uru mee to’g mba sa rəa kaw dɔdilaloo’g. Boo-dəwje lé d’oo soree ndá d’ḭ gə ɓee-booje ndolè gée gə gɔl dee.

Matiyo 15:23

Jeju teḛ təa ja̰ el. Njékwakiláje rəm pər gə́ rəa’g d’ɔs kudee ɓɔḭ-ɓɔḭ pana: Tubá aree aw, mbata yeḛ uru kii goo sí’g pénéné-pénéné boi.

Matiyo 15:32

Jeju ɓar njékwakiláje ula dee pana: Meem tɔsəm gə no̰ mbigi-mbigi mbata lə boo-dəwje neelé. Mbata as ndɔ munda d’ya̰’m d’aw raŋg el nja saar ndá nésɔ dee godo ŋga. Ma m’ndigi kya̰ dee kar dee d’aw meḛ dee ɓoo el nà d’a guru rəbə.

Lugu 9:11

Loo gə́ boo-dəwje d’oo nea̰ lé ndá deḛ d’ɔr na̰ ndolè gée. Jeju wa dee gə́ rəa’g ndoo dee ta gə́ wɔji dɔ ɓeeko̰ lə Ala ləm, yeḛ ɔr rɔko̰ rɔ deḛ gə́ d’aw ndòo njekaji dee lé ləm tɔ.

Lugu 9:13

Jeju ila dee keneŋ pana: Seḭ nja ar deeje nésɔ d’usɔ. Deḛ tel d’ilá keneŋ pana, Pil muru mi gə ka̰jije joo ba to nee. Nɛ see jeḛ nja j’a kaw ndogo nésɔ gə́ kəm karee as koso-dəwje lai neelé nja wa.

Tagə́maji gə́ Ja̰ ndang 6:1

Gée gə́ gogo Jeju ɔd aw kel tura gir baa-boo gə́ Galile gə́ deḛ ɓaree Tiberiad.

Njé gə́ Pilibə 1:19

Mbata ma m’gər gao mbɔl dɔ tamaji gə́ seḭ raje ləm, gə dɔ Ndil lə Jeju Kristi gə́ la səm lé ləm tɔ lé ɓa né neelé a tel ne kajim ya.