Lugu 9:11 - Maktub gə́ To gə Kəmee

¹¹ Loo gə́ boo-dəwje d’oo nea̰ lé ndá deḛ d’ɔr na̰ ndolè gée. Jeju wa dee gə́ rəa’g ndoo dee ta gə́ wɔji dɔ ɓeeko̰ lə Ala ləm, yeḛ ɔr rɔko̰ rɔ deḛ gə́ d’aw ndòo njekaji dee lé ləm tɔ.

Lugu 9:11 ပူးပေါင်းရင်းမြစ်များ

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Matiyo 12:15

Jeju oo gao ndá yeḛ ḭ keneŋ aw gə́ raŋg. Boo-dəwje ndolè gée. Yeḛ aji njérɔko̰je lai ar rɔ dee to kari péd-péd

Matiyo 14:14

Loo gə́ yeḛ ḭ mee to’g al uru naŋg ndá yeḛ oo boo-dəwje d’aar digi-digi. Yeḛ oo kəmtondoo lə dee ndá ɔr ne rɔko̰ rɔ njérɔko̰je’g.

Matiyo 21:31

Ŋga see yeḛ gə́ ra ɓa mbuna dee’g ɓa to njera torndu bɔbeeje lé wa. Deḛ tel ndigi təa’g pana: Yeḛ gə́ dəa ɔs naŋg kédé lé nja. Jeju ila dee keneŋ pana: Ma m’ula sí təsərə, njétaa lar-gədɓeeje ləm, gə kaiya-denéje ləm tɔ lé d’a teḛ ɓeeko̰’g lə Ala lé gə́ ŋgaw ta sí kédé ɗo̰joŋ ya.

Matiyo 21:43

Gelee gə́ nee ɓa ma m’ula sí ne m’pana: Ɓeeko̰ lə Ala lé d’a taa ji sí’g kula ji ginkoji dəwje gə́ kudu kára gə́ néra dee wa bua ɓeeko̰ lé.

Lugu 1:53

Yeḛ ar njéɓooje kila kɔd-kɔd loo ɓoo’g lə dee. Nɛ yeḛ un baoje tuba dee ji dee kari kari-kari.

Lugu 5:31

Jeju un ta ula dee pana: Njé gə́ rɔ dee to kari lé deḛ ndiŋga njekuma̰ el nɛ njérɔko̰je ɓa d’a ndiŋga njekuma̰ ya.

Lugu 8:1

Gée’g gogo Jeju ɔd keneŋ aw gə́ ɓee boo-boo gə ŋgan ɓee-ɓee ila ne mber tagə́maji gə́ wɔji dɔ ɓeeko̰ lə Ala lé tegginee ar dee.

Lugu 8:10

Yeḛ tel ila dee keneŋ pana: Seḭje lé d’ar kəm sí inja mba kar sí gərje ne ta ɓeeko̰ lə Ala gə́ to loo-kiya’g ya. Nɛ njé gə́ raŋg lé d’ula dee gə gosota ɓa mbata d’oo gə kəm dee ya nɛ d’aa gə́ kaa mbə̰ ləm, d’oo gə mbi dee nɛ ɓar mbi dee’g gə́ ɓar ɓó gər ginee el ləm tɔ.

Lugu 9:10

Njékaḭkulaje lé tel d’ula Jeju goo néje lai gə́ deḛ ra lé. Ndá yeḛ ɔr dee ɔm dee gée’g ar dee sa rɔ dee d’aw par gə́ ɓee gə́ ria lə Besayida.

Lugu 9:12

Loo gə́ kàr rəm ler gə́ naŋg ndá deḛ gə́ dɔg-gir-dee-joo lé rəm pər gə́ rəa’g d’ulá pana: Maji kari ya̰ boo-dəwje neelé ar dee tel d’aw mee ɓeeje’g ləm, gə dɔ kɔr ndɔje gə́ gugu dɔ loo neelé ləm tɔ gə mba kar dee d’iŋga loo-to keneŋ ləm, gə mba kiŋga nésɔ keneŋ sɔ ləm tɔ. Mbata loo gə́ j’isi keneŋ ɓasinè lé to dɔdilaloo’g gə mḭdé ba.

Lugu 9:2

Yeḛ ula dee gə mba kar dee d’aw d’ɔr goo ta ɓeeko̰ lə Ala ləm, gə mba kɔr rɔko̰ rɔ njérɔko̰je’g ləm tɔ.

Tagə́maji gə́ Ja̰ ndang 4:34

Jeju ula dee pana: Ra torndu yeḛ gə́ njekulam gə kɔr suna kula lé yee ɓa gə́ nésɔm ya.

Tagə́maji gə́ Ja̰ ndang 6:37

Néje lai gə́ Bɔm am lé ndá a teḛ rɔm’g ya ndá yeḛ gə́ ree rɔm’g lé m’a kyá̰ raga nda̰ el.

Néra Njékaḭkulaje 28:31

Yeḛ ula dee ta gə́ wɔji dɔ ɓeeko̰ lə Ala lé ləm, yeḛ ndoo dee ta gə́ wɔji dɔ Mbaidɔmbaije Jeju Kristi lé ləm tɔ, ar né ilá kag keneŋ el ləm, dəw kára ɔgee dɔ’g el ləm tɔ.

Njé gə́ Rɔmə 10:14

Ɓó lé deḛ d’ɔm meḛ dee dəa’g el ndá see d’a ɓar ria to gə́ banwa. Ɓó lé deḛ d’oo ta ləa el ndá see d’a kɔm meḛ dee dəa’g loo gə́ ra wa. Ɓó lé njekɔrgoota neelé kar dee godo ndá see d’a koo ta ləa loo gə́ ra wa.

Njé gə́ Rɔmə 10:17

Togə́bè ɓa korè mbi dɔ ta’g ɓa gə́ kuma̰ kar dəw un ne mée ləm, kɔr goo ta lə Kristi ɓa gə́ kuma̰ kar dəw orè ne mbia dɔ’g lé ləm tɔ.

Njé gə́ Rɔmə 15:3

Mbata Kristi kara saŋg rɔlel gə́ wɔji dəa gə karee el nɛ to gə goo ta gə́ ndaŋg mee maktub’g pana: Deḛ gə́ d’ula sul dɔi’g lé ta ndɔlje lə dee lé kara oso dɔm’g ya ləm tɔ.

2 Timote 4:2

Ila mbər Tagə́maji lé ula ne ta meḛ dee’g loo gə́ kul’g ləm, gə loo gə́ nuŋga’g ləm tɔ, ndaŋg dee ləm, gə ndəji dee ləma, gə gɔl dee gə ndu noji ndoo dee ne ləm tɔ ɓó ya̰ gée lal ra ndɔ kára el.

Ǝbrəje 4:16

Bèe ndá maji kar sí n’ges pər gə́ mbɔr kalimbai noji’g ləa gə meendakaḭ mba kar mée oso lemsé dɔ sí’g ləm, karee wa sə sí noji la ne sə sí dɔ né gə́ ndée ra sí ləm tɔ.