Lugu 8:8 - Maktub gə́ To gə Kəmee

⁸ Nɛ njé gə́ na̰je teḛ wa naŋg dɔ naŋg gə́ maji’g, loo gə́ yee ḭ ndá andə tɔl-tɔl. Loo gə́ Jeju pata neelé togə́bè mba̰ ndá yeḛ ila boo-ndia naŋg pana: Nana ɓa gə́ mbia to gən gə mba karee oo ne ta ndá maji karee oo ne ya.

Lugu 8:8 ပူးပေါင်းရင်းမြစ်များ

Gḭ-Néje 26:12

Isaak dubu kó dɔ naŋg’d neelé ndá mee ləb gə́ neelé yeḛ iŋga kó aree uru kugu. Mbata Njesigənea̰ tɔr ndia dəa’g saar-aar ya.

Gosota-Kəmkàrje 20:12

Mbi gə́ oo ta gə kəm gə́ oo loo lé Njesigənea̰ ɓa gə́ njera dee joo bɔr.

Gosota-Kəmkàrje 8:1

See kəmkàr ɓar-ɓar el wa. See gosonégər ɔr ndia gə́ tar wəl el wa.

Jeremi 13:15

Urje mbi sí ooje ne ta! Maji kar sí toje njébeeleje el! Mbata Njesigənea̰ pata.

Jeremi 25:4

Njesigənea̰ ula kuraje ləa lai gə́ njéteggintaje lé rɔ sí’g, yeḛ ula dee gə ndɔ rad ya. Nɛ seḭ unje mbi sí rəw dɔ’g ləm, seḭ tugaje mbi sí ooje ne ta lé el ləm tɔ.

Matiyo 11:15

Nana ɓa mbia to gən mba koo ne ta neelé ndá maji karee oo ne ya.

Matiyo 13:23

Kandə kər gə́ oso dɔ naŋg gə́ maji kó’g lé to asəna gə dəw gə́ oo ta neelé ləm, gə gər ginee ləm tɔ. Dəw neelé nai gə́ kər gə́ andə tɔl əsé rɔ-misa̰ əsé rɔ-munda tɔ.

Mark 4:20

Kandə kər gə́ oso dɔ naŋg gə́ maji kó’g lé to asəna gə deḛ gə́ d’oo ta neelé ləm, deḛ taa gə meḛ dee ləm tɔ. Kandə ta neelé gə́ oso meḛ dee’g lé andə, yee gə́ nà ndá andə rɔ-munda ləm, yee gə́ nà ndá andə rɔ-misa̰ ləma, yee gə́ nà ndá andə tɔl ləm tɔ.

Mark 4:23

Lé nana ɓa mbia to keneŋ gə mba koo ne ta ndá maji karee oo ne ta neelé ya.

Mark 4:8

Njé gə́ na̰je teḛ pə ɔm dɔ naŋg gə́ maji’g lé ndá yeḛ gə́ nà ndá andə rɔ-munda, yee gə́ nà ndá andə rɔ-misa̰, yee gə́ nà ndá andə tɔl ləm tɔ.

Mark 7:16

Ɓó lé nana ɓa gə́ mbia to gən ndá maji karee unda mbia oo ne ta neelé ya.

Lugu 14:35

Lée d’ɔm dɔ naŋg’d loo kára ba ndá naŋgee a majel ləm, əsé dɔ ɓiri-ɓisi’g kara majel ləm tɔ, nɛ d’a kunda gə mee loo pə-pə ɓa. Nana ɓa gə́ mbia to gən ndá maji karee ur mbia oo ne ta nee ya.

Lugu 8:15

Njé gə́ teḛ ɔm dɔ naŋg gə́ maji’g lé wɔji dɔ deḛ gə́ d’oo ta gə meendakaḭ ləm, gə meemaji ləm tɔ ndá d’wa meḛ dee dɔ’g bururu ləm, d’ai meḛ dee dɔ’g sam-sam ləm tɔ ndá d’andə gə kandə dee njim-njim.

Lugu 8:7

Njé gə́ na̰je teḛ wa naŋg mee kunje’g, ar kunje d’ḭ turu dəa d’udee lusu.

Njé gə́ Epesə 2:10

Mbata jeḛ gə́ j’ɔm na̰’d gə Kristi lé jeḛ n’toje nékundaje lə Ala gə́ yeḛ unda sí mba kar sí n’ra ne néraje gə́ maji gə́ Ala nja wa dəa gɔl-gɔl kédé mba kar sí n’raje.

Njé gə́ Kolosə 1:10

Togə́bè ɓa, seḭ a njaaje mba kar néra sí wa bua ka̰ Mbaidɔmbaije taa ne kəmee rəgm ləm, mba kar néra maji lə sí gə́ gə ria-ria oji maree gə́ kédé-kédé ləma, mba kar négər gə́ wɔji dɔ ndaa Ala kara a kɔs dɔ maree’g gə́ kédé-kédé meḛ sí’g ləm tɔ.

Loo gə́ killa rea kəm Ja̰’g 13:9

Ɓó lé nana ɓa gə́ mbia to gən ndá maji karee oo ne ta nee lé ya

Loo gə́ killa rea kəm Ja̰’g 2:11

Yeḛ gə́ mbia to gən ndá maji karee oo ne ta gə́ Ndil ɓa ula Eglisəje: Nana ɓa gə́ un baŋga ndá yoo gə́ joo a kula kəmee ndòo el ŋga.

Loo gə́ killa rea kəm Ja̰’g 2:7

Yeḛ gə́ mbia to gən ndá maji karee oo ne ta gə́ Ndil nja ɓa ula Eglisəje. Dəw gə́ a kun baŋga ndá m’a karee sɔ kandə kag kəmə gə́ to mee paradis’g lə Ala lé ya.

Loo gə́ killa rea kəm Ja̰’g 3:13

Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje.

Loo gə́ killa rea kəm Ja̰’g 3:6

Nana ɓa gə́ mbia to gən ndá maji karee oo ta gə́ Ndil ɓa ula Eglisəje.