Lugu 8:52 - Maktub gə́ To gə Kəmee

⁵² Dəwje lai no̰ ra né birim-birim mbata lə ŋgon gə́ wəi lé. Jeju ula dee pana: Ǝwje rɔ sí no̰je, ŋgon lé wəi el, nɛ toɓi ɓa yeḛ to ya.

Lugu 8:52 ပူးပေါင်းရင်းမြစ်များ

Gḭ-Néje 23:2

Sara wəi ɓee gə́ Kirjat-Arba gə́ to Ebro̰ dɔ naŋg ɓee gə́ Kana̰. Ndá Abrakam ree mba kwa ndòo yoo Sara ləm, gə mba no̰ neán ləm tɔ.

Teḛ-Raga 24:17

Kəm Israɛlje’g lé rɔnduba lə Njesigənea̰ to asəna gə pər gə́ o̰ bilim-bilim bèe sém mbal gə́ tar.

Jakari 12:10

Tɔ ɓəi n’a kar ndil gə́ ka̰ noji ləm, gə́ ka̰ ra ndòo ləm tɔ ɔm dɔ gel-bɔje’g lə Dabid ləm, gə dɔ njé gə́ Jerusalem’g ləm tɔ. Ndá d’a tel kəm dee gə́ rɔ neḛ-neḛ’d gə́ d’ɔs neḛ gə niŋga lé. D’a no̰ no̰ neḛ’g to gə́ no̰ ne ŋgon kára lə kea̰ bèe ləm, d’a no̰ sii mbigi-mbigi to gə́ no̰ ne ŋgondər bèe ləm tɔ .

Matiyo 11:17

Jeḛ j’im tébé nɛ seḭ làje ne el ləm, jeḛ j’un pa yoo nɛ seḭ no̰je ne el ləm tɔ.

Lugu 23:27

Koso-dəwje gə́ bula digi-digi d’ɔm na̰ goo Jeju’g ləm, denéje kara ndolè gée kunda ne kaar dee no̰ ne no̰ Jeju wəl-wəl ləm tɔ.

Lugu 23:48

Dəw-bulaje gə́ d’aar keneŋ mba koo gə́ koo lé loo gə́ deḛ d’oo né gə́ teḛ lé ndá deḛ tel d’aw gə́ ɓée ndá kunda kaar dee ta-ta.

Lugu 8:51

Loo gə́ deḛ ree kəi mba̰ ndá Jeju un ndia ar Piɛrə gə Ja̰ gə Jak ləm, gə bɔ ŋgonje gə ko̰ ŋgonje ləm tɔ ɓa d’aw səa kəi.

Lugu 8:53

Deḛ kogee dɔ ŋgaŋ dee’g ŋgwɔi-ŋgwɔi mbata deḛ gər gao ŋgon lé wəi jib mba̰.

Tagə́maji gə́ Ja̰ ndang 11:4

Loo gə́ Jeju oo ta neelé ndá yeḛ tel pana: Rɔko̰ neelé to rɔko̰ yoo el, nɛ to mba kula ne rɔnduba dɔ Ala’g lé ləm, mba kar Ŋgon-Ala lé kara iŋga ne rɔnduba keneŋ ləm tɔ.