Lugu 8:47 - Maktub gə́ To gə Kəmee

⁴⁷ Dené neelé loo gə́ yeḛ oo to gə́ né gə́ yeḛ ra gə ŋgəḭ lé to raga təsərə ndá ɓəl undá badə gaŋgee aree unda bala tigi-tigi. Yeḛ ti oso naŋg gɔlee’g, teggin kɔrɔ gə́ yeḛ ɔrɔ ne rəa kəm koso-dəwje’g neelé ləm, ulá ne loo kaji gə́ yeḛ aji lé gə́ léegəneeya ləm tɔ.

Lugu 8:47 ပူးပေါင်းရင်းမြစ်များ

Pakɔsje 2:11

Maji kar sí raje né arje Njesigənea̰ Ɓəleje ne ləm, Alje rɔ sí ndəbje ne pəd-pəd nea̰’g ləm tɔ.

Pakɔsje 38:9

Siŋgam godo am m’iri njigi-njigi, Meem gə́ pélé wəs-wəs lé am m’tuma̰ ne ŋgururu-ŋgururu tɔ.

Pakɔsje 66:16

Seḭje lai gə́ ɓəlje Ala Gə́ reeje urje mbi sí gèŋ Amje m’ɔr sor né gə́ yeḛ ra mbata ləm lé m’ar sí ooje.

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Ojee 13:1

Loo gə́ Eprayimje d’isi pata ndá To né gə́ to ɓəl kədm-kədm: Deḛ d’ar ri dee oso gə loo mbidi-mbidi mee ɓee gə́ Israɛl. Nɛ d’ar ta wa dɔ dee mbata lə magə-Baal ndá d’wəi ne.

Ojee 5:3

Eprayimje lé ma m’gər dee gao ləm, Israɛlje kara d’askəm kiya rɔ dee kəm’g el ləm tɔ. Mbata ɓasinè seḭ Eprayimje Seḭ ubaje Ala yá̰je ləm, Israɛlje lé d’ar rɔ dee mina̰ ne jɔmri-jɔmri ləm tɔ.

Habakuk 3:16

Ma m’oo bèe ... ndá kaarm ɓar ɗigi-ɗigi. Gə goo ndu gə́ ɓar neelé tam ɓar ɓəg-ɓəg ləm, M’unda ndolè ləma, Ar no̰ kəjimje kara d’unda ne bala ləm tɔ: M’isi mundu m’ŋgina ne ndɔ néurti, Ndɔ gə́ njekula kəm loo ndòo a njaa kaw rɔ gə koso-dəwje.

Matiyo 28:8

Denéje neelé sa rɔ dee gə ŋgwɔd gə kəm ɓəl ləm, gə rɔlel gə́ boo ləm tɔ ndá d’aḭ d’aw d’ula njékwakiláje taree.

Mark 5:33

Dené neelé ɓəl unda badə gaŋgee aree unda bala tigi-tigi mbata yeḛ gər né gə́ teḛ neelé gao, to gə́ wɔji dəa-yeḛ nja ndá yeḛ ti oso naŋg gɔlee’g teggin néje lai neelé wad-wad.

Lugu 8:46

Nɛ Jeju ila dee keneŋ pana: Dəw kára ɔrɔ rɔm ya mbata ma m’gər to gə́ siŋgam teḛ ɓəl.

Lugu 8:48

Jeju ilá keneŋ pana: Ŋgonəm gə́ dené, meekun ləi taa né ari aji ne ya. Ɔd aw loo ləi gə meekulɔm tɔ.

Néra Njékaḭkulaje 16:29

Yen ŋga njeŋgəm kəi-daŋgai lé ɓar-ɓar pər gə mba koo ne loo ndá ɔd uru kəi gə kaa kəmee bura, oso naŋg rəb gɔl Pool gə Silas’g unda bala tigi-tigi.

1 Njé gə́ Kɔrḭtə 2:3

Ma nja m’aar no̰ sí’g kédé asəna gə yɔ-dəw ləm, gə njeɓel ləma, gə njekunda bala ləm tɔ.

2 Njé gə́ Kɔrḭtə 7:15

Loo gə́ mée olé dɔ ŋgonkoji gə́ seḭ lai ilaje dəa’g ləm, gə kwa gə́ seḭ wáje gə́ rɔ sí’g gə ɓəl gə kaar gəd ləm tɔ ndá ndigi gə́ yeḛ ndigi sí lé ɔs né dɔ nan-nan tɔ.

Njé gə́ Pilibə 2:12

Togə́bè ɓa, seḭ gə́ m’unda sí dan kəm’g lé to gə́ seḭ raje torndum ta-ta ndá raje kula gə́ wɔji dɔ kaji lə sí gə kaar gəd ləm, ndəbje ndəbee mba karee to lée’g ləm tɔ, raje mbata kəm-ma ɓa el, nɛ ɓasinè loo gə́ ma m’godo mbuna sí’g kara raje maji unda nje gə́ kédé tɔ.

Ǝbrəje 12:28

Gelee gə́ nee ɓa jeḛ gə́ j’iŋga ɓeeko̰ gə́ a yə el lé ar sí j’ar ta ra oiyo neelé ɔr wur sí’g el, ar sí j’ar rəw kwa Ala meḛ sí’g lé to ne gə́ taa kəmee rəgm ləm, ar sí n’ra gə meenda londoŋ gə kaar gəd ləm tɔ,

1 Samel 16:4

Samel ra to gə́ Njesigənea̰ ulá lé ndá yeḛ ɔd aw Betlehem. Ŋgatɔgje gə́ mee ɓee-boo’g neelé d’aḭ ree rəa’g gə ɓəl mee dee’g pana: See i ree gə meelɔm ya wa.