Lugu 8:43 - Maktub gə́ To gə Kəmee

⁴³ Dené kára bèe aw sə dee na̰’d, to dené gə́ məs tal rəa’g saar-saar as ləbee dɔg-giree-joo ŋga. Yeḛ jɔg rəa rɔ njékuma̰je’g loo bula, sané némajije ləa kɔ lai, nɛ njekuma̰ gə́ kára kara askəm kajee el.

Lugu 8:43 ပူးပေါင်းရင်းမြစ်များ

2 Sôrta Gḭka Israɛlje 16:12

Ləb ko̰ɓee ləa gə́ njekɔm’g rɔ-munda-giree-jinaikara lé Asa oso gə rɔko̰ gɔleeje’g ar rəa ndiri njigi-njigi, nɛ lé yeḛ si gə rɔko̰ togə́bè kara yeḛ ndolè goo Njesigənea̰ el, nɛ njékuma̰je ɓa yeḛ saŋg goo dee tɔ.

Maktub gə́ wɔji dɔ Jɔb 13:4

Seḭ lé taŋgɔm ɓa gə́ takə̰ji lə sí ləm, Seḭ lai lé toje njékuma̰ kaji rɔje gə́ gə mḭdé ba ləm tɔ.

Pakɔsje 108:12

Ǝi Ala, see to i nja ɓa ɔs sí ŋgərəŋ ləm, I teḛ aw gə bao-rɔje lə sí na̰’d el ləm tɔ lé el wa.

Esai 2:22

Ǝwje rɔ sí kɔmje meḛ sí dɔ dəw’g, Ndu kəmə gə́ kára ba to rəw əmee’g Mbata yeḛ lé to gə́ ɗi ɓa i a kɔm məəi dəa’g wa.

Mark 12:44

Mbata deḛ lai neelé dḭ ta néje lə dee gə́ as dee nag ɓa dḭ d’ɔm keneŋ ɓəi, nɛ yeḛ neelé bai nékiŋga gə́ a gə ŋgəm ne rəa nja odo lɔd ɔm kən ndá.

Mark 9:18

Loo gə́ rara gə́ ndil gə́ yèr lé wá ilá keneŋ kara aree sɔ ŋgaŋgee pəgərə-pəgərə ləm, ar əm uba təa’g ndugu-ndugu ləma, ar darəa tudu mə̰dərə-mə̰dərə ləm tɔ. Bèe ɓa m’ra ndòo rɔ njékwakilaije’g gə mba kar dee tuba ndil gə́ yèr neelé ndá lée dum dee təs.

Lugu 13:11

Aa ooje, dené kára bèe gə́ ndil gə́ yèr to mée’g aree to gə́ yɔ-dəw as ləbee dɔg-giree-jinaijoo ləm, wá rugee koŋgoŋ aree oo loo kɔr rəa gə́ tar el ləm tɔ lé si keneŋ.

Lugu 13:16

Nɛ dené nee gə́ to gə́ ŋgon Abrakam gə́ Njekurai teá naŋg jo̰dɔrɔ as ləbee dɔg-giree-jinaijoo lé see tudu kúla lar rəa’g gə ndɔ-kwa-rɔ lé see to né gə́ kəm ra el wa.

Lugu 8:27

Loo gə́ Jeju unda loo mee to’g teḛ raga ndá dəw kára gə́ mee ɓee’g neelé gə́ ndilje gə́ yèr to mée’g lé teḛ tila kəmee. Dəw neelé ləw-ləw ba saar lé yeḛ ula kubu rəa’g ndɔ kára el ləm, yeḛ oso mee kəi’g mbɔg kara to keneŋ ndɔ kára el ləm tɔ, nɛ dɔɓar ɓa to gə́ loo gə́ yeḛ ra ɓee keneŋ ya.

Lugu 8:42

mbata ŋgonee gə́ dené gə́ to ŋgon kára gə́ jia’g gə́ ləb kojee aḭ dɔg-giree-joo lé a gə kwəi. Loo gə́ Jeju si aw gə́ keneŋ ndá boo-dəwje buŋga na̰ gée’g d’aḭ kaaree’g yəg-yəg.

Lugu 8:44

Yeḛ teḛ gir Jeju’g ula jia ɔrɔ ne ta kubu ləa ndá léegəneeya məs gə́ tal rəa’g lé ginee gaŋg ŋgaji.

Tagə́maji gə́ Ja̰ ndang 9:1

Jeju si dəs tar, nɛ aa loo oo dəw kára gə́ d’ojee gə́ njekəmtɔ.

Tagə́maji gə́ Ja̰ ndang 9:21

Nɛ né gə́ aree oo loo ləm, əsé gə yeḛ gə́ ar kəmee inja aree oo ne loo ləm tɔ lé ŋga ɓa jeḛ kara n’gərje el tɔ. Maji kar sí dəjeje yeḛ nja ooje, yeḛ nja tɔg kaŋ-kaŋ a pata né gə́ wɔji dəa kar sí ooje səa.

Néra Njékaḭkulaje 3:2

Deḛ d’iŋga diŋgam kára gə́ d’ojee gə́ gudugur. Gə ndɔje kára-kára lai lé d’unee d’undá ta kəi-Ala’g, to takəi gə́ d’unda ria lə Kura Yaa̰ gə mba karee kwɔi né deḛ gə́ d’isi d’andə kəi-Ala’g gə kəmndoo.

Néra Njékaḭkulaje 4:22

Mbata dəw gə́ d’ɔr rɔko̰ rəa’g gə mɔri neelé ləb kojee dum rɔ-sɔ ya.