Lugu 8:22 - Maktub gə́ To gə Kəmee

²² Ndɔ kára bèe, Jeju gə njékwakiláje d’uru mee to’g. Yeḛ ula dee pana: Ar sí n’dəsje j’awje kel tura nu bèe ɓa. Togə́bè d’ɔd d’aw.

Lugu 8:22 ပူးပေါင်းရင်းမြစ်များ

Matiyo 14:22

Léegəneeya yeḛ ula njékwakiláje ar dee d’ḭ kédé d’ɔm na̰ mee to’g mba gaŋg mán kaw turá. Yeḛ nai gogo mba kula boo-dəwje kar dee sanéna̰ tel d’aw ɓéeje lə dee.

Matiyo 8:18

Jeju oo koso-dəwje kiri na̰ dəa’g yir ndá yeḛ un ndia mba kar dee gaŋgee d’aw səa kel tura.

Mark 5:21

Jeju uru mee to’g gaŋg mán teḛ kel tura ndá boo-dəwje d’ḭ kəmlə-kəmlə ree mbo̰ dɔ na̰ rəa’g. Yeḛ si dɔ koŋgo baa-boo’g.

Mark 6:45

Waga ndá yeḛ ar njékwakiláje d’uru mee to’g mba gaŋg mán kaw kel tura par gə́ Besayida, nɛ darəa-yeḛ nja ŋga ɓa nai gə boo-dəwje gogo gə mba kula dee kar dee d’ḭ d’aw ɓee.

Mark 8:13

Tɔɓəi yeḛ ḭ uba dee ya̰ dee mba gaŋg mán kaw gə́ kel turá.

Lugu 5:1

Loo gə́ Jeju aar ta mán baa-boo gə́ ria lə Genesaret ar boo-dəwje d’aw dɔ na̰’d wur-wur rəa’g mba koo ta lə Ala lé

Lugu 8:23

Loo gə́ d’isi nun to ndá Jeju oso gə ɓi pərəg. Lel-boo ula mbḭ-mbḭ ar paŋgəm mán tuga ndá mán rusu to lə dee ar ta yoo dee nai ndḛ́ bèe.

Lugu 8:33

Yen ŋga ndilje gə́ yèr neelé d’unda loo mee dəw’g teḛ d’aḭ d’aw d’ɔm mee bər-kosoje’g ndá bər-kosoje lé buŋga na̰ d’aḭ ndida koŋgo puduru-puduru ɓugu mán wɔlɔg nai dan baa-boo’g ho̰d.

Tagə́maji gə́ Ja̰ ndang 6:1

Gée gə́ gogo Jeju ɔd aw kel tura gir baa-boo gə́ Galile gə́ deḛ ɓaree Tiberiad.

Néra Njékaḭkulaje 27:2

Jeḛ j’uru mee bato gə́ ḭ Adramitə gə́ a gə kaw gə kaar koŋgo-koŋgo ɓeeko̰ gə́ Asi lé j’ɔd j’aw, Arisitarekə, dəw gə́ Masedoinə gə́ ɓee-kojee to gə́ Tesalonik aw sə sí na̰’d tɔ.