Lugu 8:2 - Maktub gə́ To gə Kəmee

² Njékwakiláje gə́ dɔg-gir-dee-joo lé d’aw səa ləm, denéje gə́ na̰je gə́ Jeju tuba ndilje gə́ yèr meḛ dee’g ləm, gə ɔr rɔko̰je gə́ ɓəd-ɓəd rɔ dee’g tɔ lé deḛ nja kara d’aw sə dee na̰’d ya tɔ. Deḛje lé nja ɓa ri dee to nee: Mari gə́ ḭ Magdala gə́ ndilje gə́ yèr siri teḛ mée’g lé ləm,

Lugu 8:2 ပူးပေါင်းရင်းမြစ်များ

Matiyo 4:24

Nea̰ oso loo mbidi-mbidi ɓeeko̰ gə́ Siri. Deḛ d’odo njérɔko̰je, gə deḛ gə́ d’isi gə meeko̰ gə́ gə ria-ria ləm, gə deḛ gə́ ndilje gə́ majel to meḛ dee’g d’ula kəm dee ndòo ləm, gə deḛ gə́ kɔr ra dee ləma, gə deḛ gə́ yoo-ndag unda dee ləm tɔ, d’odo dee lai-lai ree sə dee rəa’g ndá yeḛ aji dee ya.

Mark 16:1

Loo gə́ ndɔ-kwa-rɔ lé dəs mba̰ ndá Mari gə́ Magdala ləm, gə Mari gə́ ko̰ Jak ləma, gə Salome ləm tɔ lé ndogo ubu gə́ ə̰də sululu d’aw mba kɔm dɔ Jeju’g.

Mark 16:9

Jeju unda loo teḛ gə ndɔ gə́ doŋgɔr gə́ orè goo ndɔ-kwa-rɔ lé ndá yeḛ teḛ dɔ Mari gə́ Magdala gə́ yeḛ tuba ndilje gə́ yèr mée’g siri kédé lé.

Lugu 23:27

Koso-dəwje gə́ bula digi-digi d’ɔm na̰ goo Jeju’g ləm, denéje kara ndolè gée kunda ne kaar dee no̰ ne no̰ Jeju wəl-wəl ləm tɔ.

Lugu 23:49

Deḛ lai gə́ gər Jeju ləm, gə denéje gə́ d’ḭ səa Galile dan gée ləm tɔ lé d’aar ŋgərəŋ d’aar d’aa loo sɔmɔmo̰ d’oo ne loo né gə́ teḛ neelé tɔ.

Lugu 23:55

Denéje gə́ d’ḭ gə Jeju Galile dan gée lé d’aw gə Jisəb na̰’d d’oo bolè mbal lé ləm, gə d’oo loo kula gə́ deḛ d’ula nin Jeju keneŋ lé ləm tɔ

Lugu 8:30

Jeju dəjee pana: See rii lə nawa. Yeḛ ndigi təa’g pana: Rim to Bula-dig. Mbata ndilje gə́ yèr bula to mée’g.

Tagə́maji gə́ Ja̰ ndang 19:25

Ko̰ Jeju gə njegoo kea̰je gə́ ria lə Mari gə dené lə Klopas gə Mari gə́ Magdala, deḛ ɓa d’aar mbɔr kag-dəs’g lé dəb.

Néra Njékaḭkulaje 1:14

Deḛ lai neelé d’ɔm meḛ dee na̰’d sad ləm, d’ai meḛ dee sam-sam gə mba ra tamaji ləm tɔ ar denéje gə́ na̰je ləm, gə Mari, ko̰ Jejuje ləma, gə ŋgako̰ Jejuje ləm tɔ lé d’isi sə dee na̰’d tɔ.