Lugu 8:18 - Maktub gə́ To gə Kəmee

¹⁸ Undaje kəmkàr dɔ rɔ sí’g loo koo ta’g lé mbata yeḛ gə́ si gə né jia’g ndá d’a karee maree dɔ’g ya, nɛ yeḛ gə́ si gə né ɓa iŋga maree dɔ’g el ndá d’a kwá taa jia’g tɔ.

Lugu 8:18 ပူးပေါင်းရင်းမြစ်များ

Gosota-Kəmkàrje 14:12

Rəwje gə́ na̰je dəw oo gə́ rəw gə́ maji, Nɛ loo kɔs bo̰ ləa to yoo.

Matiyo 13:12

Mbata dəw gə́ si gə né jia’g ɓa d’a kɔm maree dɔ’g mba karee si danee’g pubag. Nɛ dəw gə́ si gə né ɓa iŋga maree dɔ’g el ndá d’a kwá taa yee gə́ jia’g lé.

Matiyo 25:29

Mbata dəw gə́ né to jia’g ɓa d’a karee maree dɔ’g mba karee sí danee’g ɓəi, nɛ dəw gə́ né godo jia’g lé d’a taa né ləa ya.

Mark 13:14

Loo gə́ seḭ a kooje né gə́ mina̰ gə́ ka̰ tuji ne loo gə́ kəm karee teḛ keneŋ el lé (maji kar yeḛ gə́ tura ta neelé ndá ra kəmee ra kaa keneŋ ya) yen ndá maji kar deḛ gə́ d’isi Jude lé d’aḭ d’aw dɔ mbalje’g ləm,

Lugu 19:26

Nɛ mbai lé ula dee pana: Ma m’ula sí təsərə, yeḛ gə́ si gə né jia’g ndá d’a karee maree dɔ’g ya, nɛ yeḛ gə́ si gə né ɓa iŋga maree dɔ’g el ndá d’a kwa taa jia’g tɔ.

Lugu 9:44

Seḭje ɓa yḛ̀, né gə́ m’a gə kula sí taree neelé maji kar sí ooje maji. Ŋgon-dəw lé d’a gə kulá ji dəwje’g.

Tagə́maji gə́ Ja̰ ndang 15:2

Barkəm nduú gə́ rara gə́ uba kaarm’g ɓa andə el ndá yeḛ tuga badə-badə gaŋg, nɛ barkəm gə́ rara ɓa gə́ andə ndá yeḛ rəa bur-bur gə mba karee andə unda njé gə́ kédé.

Néra Njékaḭkulaje 10:33

Léegəneeya ma m’ula-kula m’ɓari ndá i ra maji ɔd ree tɔ. Ɓasinè lé jeḛ lai j’isi no̰ Ala’g gə mba koo né gə́ Mbaidɔmbaije un ndia ari gə mba kari ula sí lé ŋga.

Néra Njékaḭkulaje 17:11

Jibje neelé takə̰ji lə dee inja paw unda ka̰ njé gə́ Tesalonik, deḛ taa kankəmta lé rəgm gə ndɔ dee ndɔ dee. Deḛ tura maktub gə́ to gə kəmee tɔs kəm dee dɔ’g bao-bao gə mba koo see ta gə́ d’ula dee lé see to gə goo rəbee ya wa.

Njé gə́ Rɔmə 12:3

Mbɔl dɔ noji gə́ Ala wa səm lé m’ndəji sí mba kar dəw kára kara mbuna sí’g to gə́ njekəsta kwɔji dɔ rəa-yeḛ el, nɛ maji kar sí-seḭ lai ə̰jije goo kula ra sí gə takə̰jije gə́ as lée ɓa gə goo meekun lə sí gə́ Ala wɔji ar sí lé.

1 Njé gə́ Kɔrḭtə 14:37

Ɓó lé dəw kára la̰ji mée’g pana: Neḛ n’to njetegginta əsé neḛ n’to gə́ dəw gə́ Ndil ula ta mee neḛ’g ndá maji karee gər gao to gə́ ta gə́ ma m’ndaŋg m’ar sí lé to torndu Mbaidɔmbaije ya.

1 Njé gə́ Kɔrḭtə 3:18

Maji kar nana kara əsta dɔ rəa’g el. Ɓó lé dəw kára ə̰ji ta mée’g pana: Neḛ n’to gə́ njekəmkàr gə goo kəmkàr lə dəwje gə́ dɔ naŋg nee ɓasinè ndá maji kar njea tel mbə ɓa gə mba tel njekəmkàr gə́ gəd ɓəi.

1 Njé gə́ Kɔrḭtə 8:2

Ɓó lé dəw kára pidi rəa pana: Né neelé neḛ n’gər kəmee maji ndá né gə́ kəm gər lé yeḛ gər ginee njai el ɓəi.

Njé gə́ Pilibə 3:4

Nɛ ma lé m’a kaskəm kɔm məəm dɔ dakasrɔm’g ya. Ɓó lé dəw gə́ raŋg oo loo mba kɔm mée dɔ dakasrea’g ndá ma kara m’oo loo mba kɔm məəm dɔ dakasrɔm’g unda kea̰-yeḛ ɓəi.

Ǝbrəje 2:1

Gelee gə́ nee ɓa ta néje gə́ jeḛ j’oo lé maji kar sí n’reḛ́ keneŋ rḛ́-rḛ́ nà j’a ndəm kigi loo gə́ əw’g.