Lugu 8:17 - Maktub gə́ To gə Kəmee

¹⁷ Mbata né gə́ rara gə́ a kiya rəa kar dee lal tegginee gə́ raga lé godo ləm, əsé né gə́ rara gə́ d iya gə ŋgəḭ gə́ d’a lal gəree əsé teḛ ne gə́ raga lé godo ləm tɔ.

Lugu 8:17 ပူးပေါင်းရင်းမြစ်များ

Gosota-Kəmkàrje 26:26

Ɓó lé yeḛ iya dɔ kḛji loo bəḭ-bəḭ mée’g su ne kəm loo lé ndá Meeyèr ləa a teḛ raga loo-mbo̰-dɔ-na̰’g lə koso-dəwje ya.

Njekillamber 12:14

Mbata Ala a ree gə kula ra síje lai loo-gaŋg-rəwta’g kwɔji ne dɔ néje lai gə́ to loo-ŋgəḭ’g lé, lé to né gə́ maji əsé né gə́ majel ya kara ləm tɔ.

Matiyo 10:26

Bèe ndá arje dɔ sí to̰ keneŋ kəw el, mbata né gə́ to loo-kiya’g gə́ a lal kila rəa gə́ raga lé godo ləm, ta gə́ to loo-ŋgəḭ’g gə́ d’a tegginee gə́ raga el lé kara godo ləm tɔ.

Mark 4:22

Né gə́ rara gə́ to loo-kiya’g lé d’a tegginee gə́ raga ləm, né gə́ rara gə́ to loo-ŋgəḭ’g kara d’a teḛ ne gə́ raga ləm tɔ.

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.