Lugu 8:14 - Maktub gə́ To gə Kəmee

¹⁴ Njé gə́ teḛ ɔm naŋg mee kunje’g lé wɔji dɔ deḛ gə́ d’oo ta lé ndá d’ɔd par d’aw d’ar mal néje gə́ ɓəd-ɓəd ləm, gə nébaoje gə́ dɔ naŋg ləma, gə rɔlelje gə́ dɔ naŋg nee ləm tɔ lé d’udu dɔ ta neelé lusu d’aree to asəna gə kandə né gə́ andə gə́ kuree bèe ya.

Lugu 8:14 ပူးပေါင်းရင်းမြစ်များ

Matiyo 13:22

Kandə kər gə́ oso mee kun’g lé to asəna gə dəw gə́ oo ta neelé ya nɛ tor ta gə́ wɔji dɔ naŋg nee gə takə̰ji gə́ wɔji dɔ nébaoje ɓa yeḛ la̰ji mée’g aree tuji ta neelé ɔgee ne loo teḛkɔr ŋgia̰ ne ŋgɔsɔrɔ.

Mark 4:19

nɛ tor ta gə́ dɔ naŋg nee ɓa deḛ la̰ji ləm, tor nébaoje gə́ dɔ naŋg nee ɓa deḛ la̰ji ləma, mal néje gə́ ɓəd-ɓəd ɓa wa meḛ dee ləm tɔ ndá d’ula ne sul dɔ ta’g neelé d’ɔgee ne loo teḛkɔr, ŋgina ne ŋgɔsɔrɔ.

Lugu 16:13

Dəw kára as ra kula kar ɓéeje joo el. Mbata yeḛ a kaw gə yeḛ gə́ kára mée’g, nɛ a kunda yeḛ gə́ kára dan kəmee’g tɔ, əsé yeḛ a kii rəa kər-kər gə́ rɔ nje gə́ kára’g nɛ a ɓar yeḛ gə́ kára tɔ. Seḭ asjekəm raje né kar Ala ləm, gə raje néhulaije gə́ dɔ naŋg nee ləm tɔ, korè dee na̰’d el.

Lugu 21:34

Meḛ sí dɔ rɔ sí’g nà banelə meḛ sí a to dɔ nésɔ’g gə dɔ nékai’g ya ɓa bururu ləm, gə dɔ néje lai gə́ dɔ naŋg nee gə́ njékar meḛ sí pélé wəs-wəsje ləm tɔ ɓa ndəa neelé a kuba sí naŋg bus.

Lugu 8:13

Njé gə́ teḛ ɔm dɔ mban-ər’g lé wɔji dɔ deḛ gə́ d’oo ta lé gə mbi dee ndá deḛ taa gə rɔlel tɔ, nɛ ŋgira ŋgəŋ lə dee godo ar dee d’ɔm meḛ dee dɔ’g waga ba ndá loo gə́ né teḛ dɔ dee’g aḭ meḛ dee ndá d’ɔr ne moŋgyo̰ d’oso yal mba̰.

Lugu 8:15

Njé gə́ teḛ ɔm dɔ naŋg gə́ maji’g lé wɔji dɔ deḛ gə́ d’oo ta gə meendakaḭ ləm, gə meemaji ləm tɔ ndá d’wa meḛ dee dɔ’g bururu ləm, d’ai meḛ dee dɔ’g sam-sam ləm tɔ ndá d’andə gə kandə dee njim-njim.

Lugu 8:7

Njé gə́ na̰je teḛ wa naŋg mee kunje’g, ar kunje d’ḭ turu dəa d’udee lusu.

Tagə́maji gə́ Ja̰ ndang 15:6

Nana ɓa gə́ nam kaarm’g el ndá d’a kilá kɔrɔ asəna gə barkəm nduú ndá yeḛ a tudu kurum-kurum. Tɔɓəi d’odo barkəm nduúje gə́ tudu lé d’ɔm dee dɔ na̰’d roo dee dula-dula tɔ.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

2 Timote 4:10

Demas lé ubam ya̰’m mba̰ mbata néje gə́ naŋg nee ɓa wa mée aree ḭ əd Tesalonik mba̰. Kresens əd Galati ləm, Titə kara əd Dalmati sèn ləm tɔ.

Ǝbrəje 6:1

Gelee gə́ nee ɓa ar sí j’ya̰ néndoo gə́ dɔtar gə́ wɔji dɔ ta lə Kristi ɓa j’aw ne gə́ kédé-kédé dɔ néndoo gə́ ɔr ne dɔ njoroŋ ɓəi ɓó ar sí n’tum gin ta néje neelé gogo el: yee ɓa to ta gə́ wɔji dɔ kya̰ goo néra sí gə́ ləw gə́ unda naŋg ndəs ləm,