Lugu 8:13 - Maktub gə́ To gə Kəmee

¹³ Njé gə́ teḛ ɔm dɔ mban-ər’g lé wɔji dɔ deḛ gə́ d’oo ta lé gə mbi dee ndá deḛ taa gə rɔlel tɔ, nɛ ŋgira ŋgəŋ lə dee godo ar dee d’ɔm meḛ dee dɔ’g waga ba ndá loo gə́ né teḛ dɔ dee’g aḭ meḛ dee ndá d’ɔr ne moŋgyo̰ d’oso yal mba̰.

Lugu 8:13 ပူးပေါင်းရင်းမြစ်များ

Maktub gə́ wɔji dɔ Jɔb 19:28

Yen ŋga seḭ a paje pana: See gelee ban ɓa jeḛ j’un gée wa. Mbata meekarabasur ləm a to raga ndəgəsə.

Gosota-Kəmkàrje 12:12

Njemeeyèr lé kəmee əḭ dɔ né mee gum’g lə njémeeyèrje, Nɛ kaar njaŋg lə njémeekarabasurje lé Ar dee d’andə gə kandə dee njim-njim.

Gosota-Kəmkàrje 12:3

Néra gə́ majel a kar dəw aar ne njaŋg el, Nɛ ŋgira njémeekarabasurje a yə el.

Esai 58:2

Ndɔje kára-kára lai deḛ saŋgəm, Deḛ ndigi gər rəwje ləm, Asəna gə ginkoji dəwje gə́ ra né gə́ gə dɔ najee Gə́ d’uba godndu Ala lə dee d’ya̰ el ləm, Deḛ dəjim gə mba karm m’ar dee ndukun Gə́ ka̰ gaŋgta gə́ gə dɔ najee ləma, Deḛ d’wɔji mba kar Ala rəm pər gə́ rɔ dee’g ləm tɔ.

Ejekel 33:32

Aa oo, i to asəna gə pa gə́ lel ləm, gə́ ɓar maji ləma, gə pa gə́ d’ɔs gə goso-nékim ləm tɔ kəm dee’g. Deḛ d’oo ta gə́ ḭ tai’g ya nɛ deḛ ra née kára kara el.

Ojee 6:4

Ǝi seḭje gə́ Eprayim, See ɗi ɓa m’a ra sə sí wa. Ǝi seḭje gə́ Juda, See ɗi m’a ra sə sí wa. Kundam dan kəm sí’g lé To asəna gə mum gə́ oso gə ndɔ bèe ləm, To asəna gə mán tàl gə́ wa ɓa gəḭ gə ndɔ bèe ləm tɔ.

Mark 6:20

Nɛ yeḛ askəm tɔlee el mbata Herɔdə lé ɓəl Ja̰ ləm, yeḛ gəree gə́ dəw gə́ njemeekarabasur gə njemeenda ləm tɔ. Yeḛ aḭ bada dəa’g tɔɓəi loo gə́ yeḛ ɓaree gə mba koo ta ləa lé ndá ta ləa lelee ya nɛ yeḛ maḭ gə́ rəa dəa’g ta-ta tɔ.

Lugu 8:12

Njé gə́ teḛ ɔm naŋg kag-rəw’g lé wɔji dɔ deḛ gə́ d’oo ta gə mbi dee, nɛ léegəneeya njekurai lé ree, ɔr ta lé meḛ dee’g ho̰d, nà banelə d’a kɔm meḛ dee dɔ’g kaji ne.

Lugu 8:14

Njé gə́ teḛ ɔm naŋg mee kunje’g lé wɔji dɔ deḛ gə́ d’oo ta lé ndá d’ɔd par d’aw d’ar mal néje gə́ ɓəd-ɓəd ləm, gə nébaoje gə́ dɔ naŋg ləma, gə rɔlelje gə́ dɔ naŋg nee ləm tɔ lé d’udu dɔ ta neelé lusu d’aree to asəna gə kandə né gə́ andə gə́ kuree bèe ya.

Tagə́maji gə́ Ja̰ ndang 15:2

Barkəm nduú gə́ rara gə́ uba kaarm’g ɓa andə el ndá yeḛ tuga badə-badə gaŋg, nɛ barkəm gə́ rara ɓa gə́ andə ndá yeḛ rəa bur-bur gə mba karee andə unda njé gə́ kédé.

Tagə́maji gə́ Ja̰ ndang 15:6

Nana ɓa gə́ nam kaarm’g el ndá d’a kilá kɔrɔ asəna gə barkəm nduú ndá yeḛ a tudu kurum-kurum. Tɔɓəi d’odo barkəm nduúje gə́ tudu lé d’ɔm dee dɔ na̰’d roo dee dula-dula tɔ.

Tagə́maji gə́ Ja̰ ndang 5:35

Ja̰ lé to gə́ néndogó gə́ o̰ ndogó bən ndá si gə́ seḭ sije waga kəm pər’d ləa gə́ ndogó lé lel sí ya.

1 Njé gə́ Kɔrḭtə 13:2

Ɓó lé m’to gə́ njetegginta m’ɔr ne gin néje lai gə́ to loo-kiya’g ləm, əsé m’to bao-gosonégər gə m’ɔr ne gin gosɔnégərje lai ləma, əsé ma m’to gə́ njeboo-meekun m’as kɔr ne mbal gə ŋgira kunda raŋg ləm tɔ ɓa ɓó lé meenoji godo məəm’g ndá ma m’to né gə́ əḭ el.

1 Njé gə́ Kɔrḭtə 15:2

Ɓó lé seḭ undaje meḛ sí dɔ taree’g bururu to gə́ ma m’ndoo sí lé ndá mbɔl dəa ɓa seḭ a kajije ne ya. Ɓó lé bèe el ndá meekun lə sí a to né gə́ gə mḭdé ba ya.

Njé gə́ Galati 3:1

Ǝi Galadje, seḭ gə́ kəmkàr na meḛ sí tas lé see na̰ ɓa tel kəm sí wa. Seḭ gə́ deḛ ria sə sí dɔ ɗar gə́ deḛ ɗar Kristi kaar kag’d lé d’aree to raga kəm sí’g pai-pai ya.

Njé gə́ Galati 3:4

See néurti gə́ ra sí lé ra sí gə mḭdé ba wa. Ɓó lé a gə to gə mḭdé ɓəi lé.

Njé gə́ Epesə 3:17

gə mba kar Kristi uru kəi meḛ sí’g gə goo meekun lə sí ləm tɔ. Bèe ɓa seḭ a kɔmje jam sí dan meenoji’g

Njé gə́ Kolosə 1:23

Nɛ kar sí-seḭ naije dan meekun’g lə sí njaŋg, lal yəje rɔ sí keneŋ ləm, meekundayel gə́ wɔji dɔ Tagə́maji gə́ seḭ ooje mba̰ lé seḭ a tɔje pum kubaje kya̰je el ləm tɔ lé yee ɓa gə́ kuma̰. Tagə́maji neelé d’ila mberee d’ar nékundaje lə Ala lai gə́ d’isi gin dara’g d’oo ya ləm, ma Pool kara d’undam gə́ njekɔrgoo gée ya ləm tɔ.

Njé gə́ Kolosə 2:7

Ulaje ŋgira sí naŋg rəa’g kiŋ-kiŋ, ɓa meekun lə sí a ɓəbərə ne dɔ’g kaw-kaw ɓəi gə goo ta gə́ deḛ ndoo sí ləm, arje ta ra Ala oiyo oji ne na̰ ta sí’g dḛ̀gé-dḛ̀gé ləm tɔ.

1 Njé gə́ Tesalonikə 3:5

Togə́bè ɓa, loo gə́ m’oo loo mba kila məəm po̰ el ŋga ndá m’ula kula goo sí’g mba koo see meekun lə sí to ban wa. Ma m’ɓəl nà banelə njesula dəwje lé a sula sí ɓa a kar kula ra sí lé tel to né gə́ gə mḭdé ba.

1 Timote 1:19

kari aar dɔ meekun’g njaŋg gə goo takə̰ji gə́ maji gə́ to məəi’g ləm tɔ. Njé gə́ na̰je meḛ dee unda pudum dɔ takə̰ji gə́ maji’g neelé ar meekun lə dee ndii ne mán.

Ǝbrəje 10:39

Jeḛ lé jeḛ n’to dəwje gə́ njésa rɔ deeje gə mba tuji ne el. Nɛ jeḛ n’to dəwje gə́ j’aar dɔ meekun’g lə sí njaŋg mba kaji ne ya.

Maktub gə́ Jak ula ne ar ngan-Allaje 2:26

To gə́ darɔ gə́ kankəmrɔ godo keneŋ wəi mba̰ ndá meekun gə́ lal ra née kara to né gə́ wəi mba̰ tɔ.

2 Piɛrə 2:20

Tɔgərɔ ya, deḛ gə́ gər Mbaidɔmbaije lə sí Jeju Kristi, yeḛ gə́ Njekaji sí ɓa d’ḭ ne dan néje gə́ mina̰ gə́ dɔ naŋg nee d’unda ne loo teḛ lé ɓó lé deḛ tel d’unda rɔ dee keneŋ d’aree dum dee tɔɓəi ndá tel dɔ néra dee gə́ gogo lé a ree majel dɔ dee’g unda nje gə́ kédé ŋga.

2 Piɛrə 2:22

Néra dee lé gosota ɔr taree aree to njai ya pana: Bisi lé tel o̰ tɔmé ləa gogo lé ləm, ko̰ bər kara ndogo mán sugu-sugu mba̰ ɓa tel aw ula rəa dan bɔrɔ mán’g gə́ ḭ njem-njem’g rogo rəa keneŋ ɓəi ləm tɔ.

1 Ja̰ 2:19

Deḛ d’ḭ mbuna sí’g teḛ mba̰, nɛ deḛ to gə́ ka̰ síjeḛ el, mbata ɓó lé deḛ to gə́ ka̰ síjeḛ ndá d’a nai sə sí. Né neelé teḛ dɔ sí’g mba kar sí n’gər deḛ gə́ to gə́ ka̰ síjeḛ el təsərə.

Jude 1:12

Dəwje neelé rɔ dee tila ɓal mbuna sí’g loo-nésɔ-noji’g lə sí ləm, né gə́ rii ta’g ɓa deḛ d’ə̰ji gée gə mba mbula meḛ dee’g ləm tɔ. Deḛ to ndi gə́ lel biree aree unda-dɔ ləm, deḛ to kagje gə́ rɔ dee ndòlé naḭ kàrá gə́ kandə dee godo keneŋ gə́ d’wəi gɔl joo ɓa lel ɔr dee gə ŋgira dee bura moŋgoŋgo̰ ila dee naŋg ɓəi ləm tɔ.