Lugu 8:10 - Maktub gə́ To gə Kəmee

¹⁰ Yeḛ tel ila dee keneŋ pana: Seḭje lé d’ar kəm sí inja mba kar sí gərje ne ta ɓeeko̰ lə Ala gə́ to loo-kiya’g ya. Nɛ njé gə́ raŋg lé d’ula dee gə gosota ɓa mbata d’oo gə kəm dee ya nɛ d’aa gə́ kaa mbə̰ ləm, d’oo gə mbi dee nɛ ɓar mbi dee’g gə́ ɓar ɓó gər ginee el ləm tɔ.

Lugu 8:10 ပူးပေါင်းရင်းမြစ်များ

Pakɔsje 25:14

Takə̰ji lə Njesigənea̰ gə́ to loo-kiya’g lé To mbata deḛ gə́ ɓəlee, Mba kar dee gər ne ta manrɔ ləa lé.

Esai 29:14

Gelee gə́ nee ɓa m’a tel ra nédumkooje Gə némɔrije kəm koso-dəwje’g neelé, Ndá kəmkàr lə njékəmkàrje a tuji ləm, Négər lə njégoso négərje lə dee kara a sané pá ləm tɔ.

Esai 44:18

Dəwje neelé gər né el ləm, Deḛ d’oo ta el ləm tɔ, Mbata deḛ libi kəm dee Mba kar dee d’oo loo el ləm, D’ar meḛ dee ndər Mba kar dee gər ne gin né el ləm tɔ.

Esai 6:9

Yen ŋga yeḛ pana: Maji kam m’aw ndá m’ula koso-dəwje neelé m’pana: Seḭ a kooje gə mbi sí ya Nɛ a ɓar mbi sí’d gə́ ɓar Ɓó a gərje ginee el ləm, Seḭ a kooje gə kəm sí ya Nɛ a kaaje gə́ kaa mbə̰ ləm tɔ.

Jeremi 5:21

Ooje ta nee, Seḭ koso-dəwje gə́ gosonégər lal sí! Kəm sí to gən nɛ seḭ ooje ne loo el ləm, Mbi sí to gən nɛ seḭ ooje ne ta el ləm tɔ.

Ejekel 12:2

Ma ŋgon-dəw lé m’isi mbuna dəwje gə́ to njékɔsta-rəwje gə́ kəm dee to keneŋ mba kar dee d’oo ne loo ya nɛ d’oo ne loo el ləm, mbi dee to keneŋ mba kar dee d’oo ne ta ya nɛ d’oo ne ta el ləm tɔ, mbata deḛ to gel-bɔje gə́ to njékɔsta-rəwje.

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Matiyo 16:17

Jeju ulá pana: Simo̰, ŋgon Junas, dɔi ai səgərə, mbata darɔ dəw əsé məs dəw ɓa ar kəmi inja dɔ né gə́ neelé el nɛ Bɔm gə́ si dara ɓa riba səi dəa bèe.

Mark 4:11

Yeḛ ula dee pana: Seḭ nja Ala ar kəm sí inja gə mba kar sí gərje ne ta lə ɓeeko̰ lə Ala gə́ to loo-kiya’g ɓəi, nɛ deḛ gə́ raŋg lé d’oo taje lai gə gosotaje ba.

Mark 4:12

Mba kar dee d’oo gə kəm dee ya nɛ d’aa gə kaa mbə̰ ləm, Deḛ d’oo gə mbi dee ya nɛ ɓar mbi dee’g gə́ ɓar ɓó gər ginee el ləm tɔ, Ɓa nà d’a kɔs ne badm tel kar mee Ala oso lemsé dɔ dee’g.

Tagə́maji gə́ Ja̰ ndang 12:40

Yeḛ ar kəm dee tɔ sum-sum ləm, Yeḛ ɔm meendər dɔ dee’g ləm tɔ, Ɓa nà d’a koo gə kəm dee ləm, D’a kḛji meḛ dee’g gər ginee ləma, D’a kɔs badm tel kam m’aji dee ləm tɔ.

Njé gə́ Rɔmə 16:25

Yeḛ gə́ askəm ma̰a gɔl sí naŋg gə goo Tagə́maji’g ləm gə ta lə Jeju Kristi gə́ m’ila mberee lé gə́ aw na̰’d kára ba gə tandər gə́ deḛ riba dəa nɛ to loo-kiya’g kédé gə́ dɔtar saar lé

1 Njé gə́ Kɔrḭtə 12:11

Néje lai neelé to kula ra Ndil gə́ kára ba kiao neelé ya. Nénojije lé yeḛ kai ar nana kara aree to gə́ mée-yeḛ ndigi.

Tel tura Godndu 29:4

Ma lé m’ɔr no̰ sí dɔdilaloo’g as ləb rɔ-sɔ, kubuje lə sí ŋgisi rɔ sí’g el ləm, négɔlje lə sí kara ŋgisi gɔl sí’g el ləm tɔ,

Njé gə́ Kolosə 2:2

mba kar meḛ dee a koso ne naŋg po̰ ləm, mba kar meenoji a kɔm dee na̰’d sad ləma, mba kar kəmkàr a rusu ne meḛ dee njḭ-njḭ kar kəm dee inja ne dɔ ta lə Ala gə́ wɔji dɔ Kristi gə́ to gə ndəree ləm tɔ.

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.