Lugu 8:1 - Maktub gə́ To gə Kəmee

¹ Gée’g gogo Jeju ɔd keneŋ aw gə́ ɓee boo-boo gə ŋgan ɓee-ɓee ila ne mber tagə́maji gə́ wɔji dɔ ɓeeko̰ lə Ala lé tegginee ar dee.

Lugu 8:1 ပူးပေါင်းရင်းမြစ်များ

Matiyo 11:1

Loo gə́ Jeju tɔji njékwakiláje gə́ dɔg-gir-dee-joo ta neelé lai mba̰ ndá yeḛ ḭ keneŋ aw mee ɓee-booje’g lə ɓee neelé mba ndoo dəwje ləm, gə ndəji dee ləm tɔ.

Matiyo 13:19

Loo gə́ dəw oo ta lə ɓeeko̰ lé nɛ yeḛ gər ginee el ndá njegosoyèr ree ɔr kandə né gə́ oso mée’g ho̰d ndá mee dəw neelé to asəna gə kag-rəw gə́ kandə kər lé wa naŋg keneŋ.

Matiyo 4:23

Jeju gugu mee ɓeeko̰ gə́ Galile ndá yeḛ ɔr goo tagə́maji gə́ wɔji ne dɔ ɓeeko̰ lé ndoo dee ne mee kəi-kwa-dɔ-na̰je’g lə dee ləm, rɔko̰ gə́ rara gə néyooje gə́ rara gə́ ra dəwje lé kara yeḛ ɔr rɔ dee’g ləm tɔ.

Matiyo 9:35

Jeju aw gə dɔɓee-dɔɓee, mee ɓee-booje gə ŋgan-ɓeeje ndoo dee ta mee kəi-kwa-dɔ-na̰’g lə dee. Yeḛ tɔji dee ta gə́ wɔji dɔ ɓeeko̰ lə Ala lé ləm, rɔko̰ gə́ rara kara yeḛ aree ḭ rɔ dee’g kə̰geŋ ləm tɔ.

Mark 1:39

Togə́bè yeḛ ɔd aw mee kəi-kwa-dɔ-na̰’dje lə deḛ gə́ wɔji dɔ ɓeeko̰ gə́ Galile bura. Yeḛ ndoo dee ta keneŋ ləm, yeḛ tuba ndilje gə́ yèr lé ləm tɔ.

Lugu 1:80

Ŋgon neelé ra tɔg pir-pir ar rəa to kəmba ŋgəŋ ŋgəŋ-ŋgəŋ lə ndil tɔ. Tɔɓəi yeḛ si dɔdilaloo’g saar teḛ ne ndɔ gə́ yeḛ nduba ne rəa gə́ raga kəm Israɛlje’g lé.

Lugu 20:1

Ndɔ kára bèe loo gə́ Jeju si ndoo koso-dəwje ta mee kəi-Ala’g ləm, yeḛ ɔr goo tagə́maji ar dee ləm tɔ ndá mbai dɔ njékinjanéməsje-je ləm, gə njéndaji-maktubje ləma, gə ŋgatɔgje ləm tɔ lé rəm pər gə́ rəa’g

Lugu 4:18

Ndil Mbaidɔmbaije dəb dɔm’g Mbata yeḛ nja wa dɔm gə ubu Mba karm m’ila mber tagə́maji lé m’ar njéndooje ya. Yeḛ ulam gə mba karm m’ila mber ta kɔr ɓər dɔ deḛ gə́ d’wa dee ɓər ləm, Mba karm m’ula njékəmtɔje ta kəm deḛ gə́ a gə kinja kar dee d’oo ne loo ləm, Mba kar deḛ gə́ d’udu dee kəi lé d’a kila rɔ dee ləma,

Lugu 9:6

Deḛ d’ɔd d’aw gə kudu ɓee kudu ɓee d’ila mber tagə́maji lé keneŋ ləm, d’ɔr rɔko̰ rɔ njérɔko̰je’g ləm tɔ.

Néra Njékaḭkulaje 10:38

Seḭ gərje gao, Ala lé ar siŋgamoŋ lə Ndilmeenda ɔm dɔ Jeju gə́ Najaret’g lé aree aw gə loo-loo ra ne néje gə́ maji ləm, aree aji ne deḛ lai gə́ d’isi gin ɓee’g lə njekurai’g lé ləm tɔ mbata Ala lé nai səa ya.

Néra Njékaḭkulaje 13:32

Tɔɓəi jeḛ nja jeḛ j’ula sí tagə́maji neelé, ndukun gə́ Ala un ar ka síjeḛ lé

Njé gə́ Rɔmə 10:15

Ɓó lé d’a kɔr dəw gə mba karee ula dee taree el ndá see dəw a kula dee wa. To gə goo ta gə́ deḛ ndaŋg mee maktub gə́ to gə kəmee lé pana: Deḛ gə́ njékaw kula mar deeje ta gə́ maji lé gɔl dee to njam-njam.