Lugu 7:8 - Maktub gə́ To gə Kəmee

⁸ Mbata ma lé m’to gə́ njera torndu dəw dɔmje ləm, njérɔje kara d’isi gelm’g d’isi ra torndum ləm tɔ. Ɓó lé m’ula yeḛ gə́ kára m’pana: Aw! ndá yeḛ ɔd aw ya tɔ. Ɓó lé m’ula yeḛ gə́ raŋg m’pana: Gə́ ree! ndá yeḛ ɔd ree ya tɔ, əsé m’ula kura ləm m’pana: Ra né gə́ nee! ndá yeḛ ra nja tɔ.

Lugu 7:8 ပူးပေါင်းရင်းမြစ်များ

Lugu 7:7

Yee gə́ bèe ɓa m’oo ne rɔm gə́ dəw gə́ askəm kaw njal teḛ rɔi’g el. Nɛ maji kari pata gə tai kára ba nja ndá kura ləm a kaji ne ya.

Lugu 7:9

Loo gə́ Jeju oo ta lə ɓé-njérɔje lé kaaree wa paḭ ndá yeḛ tel təa gə́ rɔ boo-dəwje gə́ ndɔm na̰ gée’g lé pana: Ma m’ula sí təsərə, mee ɓee gə́ Israɛl ya kara ma m’oo gar boo-meekun gə́ togə́bè keneŋ kəm kára el ɓəi.

Néra Njékaḭkulaje 23:17

Yen ŋga Pool ɓar njekɔrno̰ njérɔje gə́ tɔl-tɔl lé kára ulá pana: Aw gə basa neelé rɔ ɓé-njérɔje’g mbata yeḛ aw gə ta gə mba kulá.

Néra Njékaḭkulaje 23:23

Gée gə́ gogo yeḛ ɓar njékɔrno̰ njérɔje gə́ tɔl-tɔl joo lé ula dee pana: Waje dɔ gɔl rɔ sí mbata loo gə́ loondul gə́ d’a gə kɔm ɓi yəm ndá a kawje gə njérɔje tɔl-joo ləm, gə njékundaje rɔ-siri ləma, gə njéɓandaŋje tɔl-joo ləm tɔ, mba kaw sə dee Sejare.

Néra Njékaḭkulaje 23:26

Ma Klodə Lisias m’ndaŋg maktub nee m’ari-i Pelis, njeguburuɓee gə́ maji dum, m’rai lapia ɓoo.

Néra Njékaḭkulaje 23:31

Togə́bè njérɔje d’aw gə Pool lé loondul’g gə goo torndu ɓée deeje d’aw səa saar teḛ səa Antipatris.

Néra Njékaḭkulaje 24:23

Yen ɓa yeḛ un ndia ar njekɔrno̰ njérɔje gə́ tɔl-tɔl lé gə mba karee ŋgəm Pool nɛ kəmee ɓa a kunda gée’g ɓó a kɔg njé’g ləa gə́ d’a gə ree gə mba ra né la ne səa lé el.

Néra Njékaḭkulaje 25:26

Ma m’oo ta kára kara gə́ to kəm karm m’ndaŋg ne maktub m’wɔji ne dəa m’ar mbai lé el. Gelee gə́ nee ɓa ma m’ɓaree ne no̰ sí-seḭ’g ləm, gə nɔḭ-i mbai Agripa’g ləm tɔ ɓó gə mba kar loo gə́ d’a dəjee ta mba̰ ndá m’a koo ne né gə́ kəm ndaŋg mee maktub’g lé.

Njé gə́ Kolosə 3:22

Seḭ kuraje lé né gə́ rara kara ilaje ŋgonkoji dɔ ɓée síje gə́ dɔ naŋg nee, seḭ a raje togə́bè gə mba kəm dee goo kára ba əsé gə mba taa ne kəm dəwje el nɛ seḭ a raje gə meenda ɓəlje ne Mbaidɔmbaije ya.