Lugu 7:7 - Maktub gə́ To gə Kəmee

⁷ Yee gə́ bèe ɓa m’oo ne rɔm gə́ dəw gə́ askəm kaw njal teḛ rɔi’g el. Nɛ maji kari pata gə tai kára ba nja ndá kura ləm a kaji ne ya.

Lugu 7:7 ပူးပေါင်းရင်းမြစ်များ

Pakɔsje 107:20

Yeḛ ula gə ta ləa ɔr ne rɔko̰ rɔ dee’g ləm, Ɔr dee ne ta bwa-yoo’g ləm tɔ.

Pakɔsje 33:9

Mbata yeḛ pata ndá Née teḛ gə torndia ya ləm, Yeḛ un ndia ndá Née to keneŋ bèe ya ləm tɔ.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Mark 1:27

Deḛ gə́ d’aar keneŋ lé ta igi dee sel, d’aar jim. Tɔɓəi d’ula ta dee dəji na̰ mbuna na̰’d pana: See né neelé to gə́ ri ɓa bèe wa. See to ta gə́ sigi wa. Yeḛ nja ɓa wa ta ndilje gə́ yèr kara ar dee tel rɔ dee goo ta’g ləa.

Lugu 4:36

Deḛ lai gə́ d’aar keneŋ lé ta igi dee sel ar dee d’ula na̰ pana: See ta neelé to ban ɓa bèe wa. Yeḛ wa ta ndilje gə́ yèr daŋ’d ndá deḛ d’unda loo teḛ ya tɔ.

Lugu 5:13

Jeju ula jia par wa ne rəa peb ulá pana: Ma m’ndigi bèe ya, maji kar ba̰ji ɔr rɔi’g ndɔs-ndɔs. Léegəneeya ba̰ji lé ɔr rəa’g ndɔs-ndɔs ya tɔ.

Lugu 7:6

Jeju ɔd aw sə dee ya to nɛ loo gə́ d’unda dɔ kəi lé dəb ndá ɓé-njérɔje lé ula baokuraje ləa ar dee ree d’ula Jeju pana: Mbai, jɔg rɔi gə mḭdé el, mbata ma lé m’askəm mba kari ula dɔi mee kəi’g ləm el.

Lugu 7:8

Mbata ma lé m’to gə́ njera torndu dəw dɔmje ləm, njérɔje kara d’isi gelm’g d’isi ra torndum ləm tɔ. Ɓó lé m’ula yeḛ gə́ kára m’pana: Aw! ndá yeḛ ɔd aw ya tɔ. Ɓó lé m’ula yeḛ gə́ raŋg m’pana: Gə́ ree! ndá yeḛ ɔd ree ya tɔ, əsé m’ula kura ləm m’pana: Ra né gə́ nee! ndá yeḛ ra nja tɔ.

Tel tura Godndu 32:39

Maji kar sí gərje gao To gə́ ma nja m’to Ala, Yeḛ gə́ raŋg gə́ njekorè dɔm’g godo, M’ar dəw si kəmba ləm M’ar dəw wəi ləm tɔ. M’ar dəw doo ləm M’ar doo ləa ər kəmsə ləm tɔ. Ɓó dəw kára kara askəm kɔree jim’g el.

1 Samel 2:6

Njesigənea̰ to njekar dəw wəi ləm, To njekar dəw si kəmba ləm tɔ. Yeḛ ar dəw aw ɓee’d lə njé gə́ d’wəi ləm, Yeḛ aree unda loo teḛ ləm tɔ.