Lugu 7:39 - Maktub gə́ To gə Kəmee

³⁹ Parisiḛ gə́ ɓar Jeju lé loo gə́ yeḛ oo togə́bè yeḛ ə̰ji ta mée’g pana: Ɓó lé dəw neelé to gə́ njetegginta ndá a gər néra dené gə́ njekɔrɔ rəa neelé a gəree gə́ kaiya-dené gao ya.

Lugu 7:39 ပူးပေါင်းရင်းမြစ်များ

2 Mbaije 5:20

Gehaji gə́ to kura lə Elije gə́ dəw lə Ala pa mée’g pana: Aa oo, ɓémje ya̰ Naaman, dəw gə́ Siri gə́ ree gə néje gə mba karee lé gə́ kya̰ ya. Njesigənea̰ to Njesikəmba! M’a kaḭ kaw gée’g taa né gə́ ba̰ un jén jia’g.

Gosota-Kəmkàrje 23:7

Mbata gə goo takə̰jije ləa gə́ mée’g lé yeḛ to dəw gə́ bèe ya. Yeḛ a kulai pana: Sɔ gə ai ya, nɛ mée ɔm səi na̰’d el.

Esai 65:5

Deḛ pana: Aarje nu! Tibije mbɔr sí el Mbata jeḛ n’toje deḛ gə́ to gə kəmee! Néje gə́ togə́bè lé To asəna gə sa pər gə́ teḛ əm’g ləm, To pər gə́ o̰ gə́ kédé-kédé ləm tɔ.

Matiyo 20:16

Togə́bè ɓa deḛ gə́ goo loo gə́ gogo lé d’a kaw gə́ ŋgaw ta dee kédé, tɔɓəi deḛ gə́ d’aw gə́ ŋgaw ta dee kédé lé d’a tel to njé gə́ goo loo gə́ gogo tɔ.

Matiyo 21:11

Boo-dəwje tel d’ila dee keneŋ pana: To Jeju, njetegginta gə́ Najaret mee ɓeeko̰ gə́ Galile.

Mark 7:21

Mbata né gə́ ḭ mee dəw’g lé ḭ dɔɓəŋgəree’g ɓa teḛ raga ɓəi, néeje lé ɓa to nee, takə̰ji gə́ yèr ləm, gə mɔdkaiya ləm, gə kaw gə́ balgogé ləm, gə tɔl dəw ləm,

Lugu 12:17

Yeḛ ə̰ji ta mée’g pana: See n’a ra ba̰ ŋga wa. Mbata neḛ n’oo loo as gə mba mbula kó lə neḛ keneŋ el.

Lugu 15:2

Parisiḛje gə njéndaji-maktubje wédé na̰ ta pana: Dəw neelé wa kaiya-dəwje gə́ rəa’g sɔ sə dee né.

Lugu 16:3

Njekaa dɔ néje neelé pata mée’g pana: See m’a ra ban ŋga wa mbata ɓémje ɔr kula kaa dɔ néje ləa jim’g mba̰. Ndɔ lé kara ma m’askəm to gə́ njḛdəa el ləm, né gə́ kwɔi gə́ kəmndoo lé kara to rɔkul am-ma yaa̰ ləm tɔ.

Lugu 18:4

Nɛ yeḛ mbad ra rəwta ləa saar ar kuree əw kəŋ. Nɛ yeḛ nja ḭ tel ə̰ji ta mée’g gə dɔrea pana: Lée m’ɓəl Ala el ləm, m’ndəb gə mba kəm dəw kára kara el ləm kara

Lugu 3:8

Ɓó lé seḭ waje ndòo rɔ sí dɔ kaiya’g lə sí ndá teḛje gə kée gə́ raga ɓó pajena Abrakam ɓa gə bɔ síje, paje bèe el! mbata ma m’ula sí təsərə ya, kɔr mbalje gə́ nee ya Ala lé askəm tel dee gə́ ŋganje kar Abrakam ya.

Lugu 7:16

Koso-dəwje lai neelé ɓəl unda dee badə gaŋg dee ar dee pidi Ala pana: Ŋgɔ-njetegginta gə́ dum ya to ŋga, unda loo teḛ mbuna sí’g. To Ala nja ɓa ila ne kəm koso-dəwje ləa toro’g.

Lugu 7:37

Dené kára gə́ to gə́ kaiya-dené gə́ si mee ɓee’g neelé oo to gə́ Jeju si ta ka-nésɔ’g mee kəi’g lə Parisiḛ neelé ndá yeḛ un ubu gə́ ə̰də sululu aree rusu ŋgoro gə́ ra gə jər gə́ ɓaree albatrə lé ree ne,

Lugu 7:38

yeḛ aar ne gir Jeju’g par gə́ gin gɔlee’g gogo. Yeḛ no̰, nɛ waga ndá mán kəmee lé ndəi dɔ gɔl Jeju’g ndá yeḛ tel bɔr gɔl Jeju lé gə́ yiŋga dəa, to̰ gɔlee, tel wá gə ubu gə́ ə̰də sululu tɔ.

Lugu 7:40

Jeju un ta ulá pana: Simo̰, m’a gə kulai ta kára kari oo. Simo̰ ilá keneŋ pana: Mbai, pa am m’oo ya.

Tagə́maji gə́ Ja̰ ndang 4:19

Dené lé tel ulá pana: Mbai, kəm inja dɔi’g am m’ooi gə́ njetegginta nja.

Tagə́maji gə́ Ja̰ ndang 7:12

Boo-dəwje lai pata ləa wəg-wəg. Njé gə́ na̰je pana: Yeḛ to dəw-noji ya. Nɛ njé gə́ na̰je pana: Wah! yeḛ sula dəwje ar dee ndəm yaa̰ boi.

Tagə́maji gə́ Ja̰ ndang 9:24

Parisiḛje tel ɓar yeḛ gə́ kédé to njekəmtɔ neelé gɔl joo d’ulá pana: Maji kari ula rɔnduba dɔ Ala’g, jeḛ n’gər gao dəw neelé to gə́ njekaiya ya.