Lugu 7:27 - Maktub gə́ To gə Kəmee

²⁷ Yeḛ lé nja ɓa ndaŋg ta d’wɔji ne dəa mee maktub’g pana: Aa oo, ma m’ula njekaḭkula ləm nɔḭ’g, Yeḛ a gɔl rəw ləi nɔḭ’g ya tɔ.

Lugu 7:27 ပူးပေါင်းရင်းမြစ်များ

Esai 40:3

Ndu dəw ɓar pana: Gɔlje rəw lə Njesigənea̰ dɔdilaloo’g Gɔlje rəw mbata lə Ala lə sí Areeje to dana njoroŋ mee looje gə́ tudu kurum-kurum’g .

Malasi 3:1

Aa ooje, m’a kula njekaḭkula ləm ndá yeḛ ɓa a gɔl rəw nɔm’g ndá Mbaidɔmbaije gə́ seḭ sa̰geeje lé a teḛ wai kandə kəi-siée’g. Aa ooje, njekaḭkula gə́ ka̰ manrɔ gə́ seḭ ndiŋgaje lé yeḛ si ree ya. Njesigənea̰ gə́ njeboo-néje lé ɓa pa bèe.

Matiyo 11:10

Mbata to yeḛ gə́ maktub pata wɔji ne dəa pana: Aa ooje, m’ula njekaḭkula ləm nɔḭ’g ndá yeḛ a gɔl rəw ləi nɔḭ’g ya.

Mark 1:2

To gə goo ta gə́ deḛ ndaŋg mee maktub’g lə Esai, njetegginta lé pana: Aa oo, ma m’ula njekaḭkula ləm nɔḭ’g Ndá yeḛ ɓa a gɔl rəw ləi.

Lugu 1:76

Nɛ i ŋgonkas lé d’a ɓari njetegginta lə Njekurdɔloo’g Mbata i a njaa no̰ Mbaidɔmbaije’g mba gɔl ne rəw kabee ləm,

Lugu 7:26

Ŋga see ɗi ɓa seḭ awje gə mba kooje ɓəi wa. See awje gə mba kooje njetegginta wa. Oiyo, ma m’ula sí, yeḛ lé ur dɔ njetegginta’g pubug ya.

Lugu 7:28

Ma m’ula sí təsərə, deḛ gə́ denéje d’oji dee lé dəw kára gə́ njekur dɔ Ja̰’g lé godo. Nɛ lé bèe kara yeḛ gə́ to gə́ ŋgon gə́ gɔ ɓeeko̰’g lə Ala lé yeḛ nja ɓa ur dəa’g tɔ.

Tagə́maji gə́ Ja̰ ndang 1:23

Yeḛ ula dee pana: Ma nja m’to ndu yeḛ gə́ njekilamber gə́ dɔdilaloo’g pana: Gɔlje rəw lə Mbaidɔmbaije lé areeje aar dana njoroŋ. (Njetegginta gə́ ria lə Esai lé pa bèe.)