Lugu 7:24 - Maktub gə́ To gə Kəmee

²⁴ Loo gə́ njékaḭkulaje lə Ja̰ lé d’ɔd d’aw mba̰ ndá Jeju un ta gə́ wɔji dɔ Ja̰ lé ula boo-dəwje lé pana: See ɗi ɓa seḭ undaje tar gə dɔdilaloo’g gə mba kooje wa. See awje gə mba kooje lel gə́ ula ar dɔ mu-kwaa biri rəa wédé-wédé lé wa.

Lugu 7:24 ပူးပေါင်းရင်းမြစ်များ

Gḭ-Néje 49:4

I lé ləŋg ta təji-təji to gə́ mán bèe Ndá i a teḛkɔr dɔ marije’g el! Mbata i uba dɔ tira-to bɔbije, I ula sul dɔ tira-to bɔbije’g loo gə́ i uba dəa lé.

Lugu 1:80

Ŋgon neelé ra tɔg pir-pir ar rəa to kəmba ŋgəŋ ŋgəŋ-ŋgəŋ lə ndil tɔ. Tɔɓəi yeḛ si dɔdilaloo’g saar teḛ ne ndɔ gə́ yeḛ nduba ne rəa gə́ raga kəm Israɛlje’g lé.

Lugu 3:2

To mee ləb gə́ An gə Kayipə to ne ŋgɔ-njékinjanéməsje ndá mee ləb’g neelé ɓa ta lə Ala oso mbi Ja̰, ŋgolə Jakari dɔdilaloo’g.

Lugu 7:23

Dəw gə́ ma m’nai gə́ né gə́ njekun gɔlee karee oso el lé ndá rəa a lelee ya.

Lugu 7:25

Nɛ see ɗi ɓa seḭ awje gə mba kooje wa. See gə mba koo dəw gə́ njekula kubu gə́ bḭ maji rəa’g wa. Aa ooje, deḛ gə́ njekula kubuje gə́ rɔndɔḭ rɔ dee’g gə́ d’isi dan némajije’g lé deḛ to mee kəi-mbaije’g lə mbaije ɓa.

Tagə́maji gə́ Ja̰ ndang 1:23

Yeḛ ula dee pana: Ma nja m’to ndu yeḛ gə́ njekilamber gə́ dɔdilaloo’g pana: Gɔlje rəw lə Mbaidɔmbaije lé areeje aar dana njoroŋ. (Njetegginta gə́ ria lə Esai lé pa bèe.)

Njé gə́ Epesə 4:14

Yee ɓa j’a to ne asəna gə ŋganje el ŋga, mbata ŋganje lé d’aw yo-yo nee-nee ləm, leltaje biri dee ləma, sutaje gə ta korije lə dəwje lé tel ne kəm dee ləm tɔ.

2 Piɛrə 2:17

Dəwje neelé to d’asəna gə kəm-rəw-mán gə́ mán yi keneŋ tə ləm, deḛ to gə́ ndi gə́ lel-boo ɔree aree unda dɔ ləm tɔ, duu-loo gə́ ndul njudu-njudu lé to wɔji dɔ dee-deḛ ya.

2 Piɛrə 3:17

Seḭ gə́ m’unda sí dan kəm’g lé kəm sí inja dɔ ta’g neelé mba̰ ndá maji kar sí tɔsje kəm sí dɔ rɔ sí’g bao-bao nà banelə njémeeyèrje neelé d’a yə sí dɔ loo-kaar-njaŋg’g lə sí, kar sí taaje goo dee ndəmje ne sə dee.