Lugu 7:22 - Maktub gə́ To gə Kəmee

²² Yen ŋga yeḛ tel ila njékwakila Ja̰je’g lé pana: Tel aw iŋgaje Ja̰ lé uláje ta néje gə́ seḭ ooje gə kəm sí nee ləm, gə ooje gə mbi sí lé ləm tɔ: Kəm njékəmtɔje inja ləm, njémədje d’aw tar njam-njam ləm, njéba̰jije ba̰ji ɔr rɔ dee’g ndɔs-ndɔs ləm, njémbikuduje lé mbi dee inja bərəŋ-bərəŋ ləm, njé gə́ d’wəi lé teḛ loo-yoo’g ləma, njéndooje lé d’ila mber tagə́maji d’ar dee ya ləm tɔ.

Lugu 7:22 ပူးပေါင်းရင်းမြစ်များ

Maktub gə́ wɔji dɔ Jɔb 29:15

Ma m’to gə́ kəm mbata lə njekəmtɔ ləm, Ma m’to gə́ gɔl mbata lə njemədə ləm tɔ.

Pakɔsje 146:8

Njesigənea̰ lé ar kəm njékəmtɔje teḛ ləm, Deḛ gə́ d’wa koŋgoŋ lé Njesigənea̰ nja ndɔji dee Ar dee d’aar dana njoroŋ ləma, Njéra né gə́ gə dɔ najee-je lé kara Njesigənea̰ lé unda dee dan kəmee’g ya ləm tɔ.

Esai 42:16

M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Esai 43:8

Deḛ gə́ kəm dee to keneŋ Nɛ d’oo loo el ləm, Gə deḛ gə́ mbi dee to keneŋ Nɛ d’oo ne ta el ləm tɔ lé Maji kar dee d’unda loo teḛ raga.

Jeremi 31:8

A ooje, ma m’ar dee D’ḭ ɓee gə́ dɔgel tel ree ləm, Deḛ gə́ d’isi gwɔi naŋg lé kara M’a mbo̰ dee dɔ na̰’d ləm tɔ, Njékəmtɔje, gə njémədje, gə denéje Gə́ d’aw gə kèm Gə njé gə́ d’isi gə ndóo to mbuna dee’g, To dəwje gə́ bula digi-digi Ɓa tel ree lée’g neelé.

Soponi 3:12

N’a kya̰ koso-dəwje gə́ d’ula dɔ dee ləm, Gə njénékəmndooje ləm tɔ mbuna sí’g, Deḛ gə́ d’a saŋg njo̰loo kula dɔ lə dee gin ri Njesigənea̰’g lé.

Matiyo 11:5

njékəmtɔje d’oo loo ləm, njémədje njaa ləm, njéba̰jije rɔ dee ɔr ɓə̰dərə-ɓə̰dərə ləm, njégwɔskuduje d’oo ta ləm, njé gə́ d’wəi d’unda loo teḛ ləma, njéndooje kara d’oo tagə́maji lé ta njékilamberje ləm tɔ.

Matiyo 21:14

Yen ŋga, njékəmtɔje rəm pər gə́ rəa’g mee kəi-Ala’g ndá yeḛ aji dee.

Lugu 4:18

Ndil Mbaidɔmbaije dəb dɔm’g Mbata yeḛ nja wa dɔm gə ubu Mba karm m’ila mber tagə́maji lé m’ar njéndooje ya. Yeḛ ulam gə mba karm m’ila mber ta kɔr ɓər dɔ deḛ gə́ d’wa dee ɓər ləm, Mba karm m’ula njékəmtɔje ta kəm deḛ gə́ a gə kinja kar dee d’oo ne loo ləm, Mba kar deḛ gə́ d’udu dee kəi lé d’a kila rɔ dee ləma,

Lugu 7:21

Mee kàree’g neelé Jeju aji njérɔko̰je keneŋ bula ləm, gə yɔ-dəwje ləm, gə deḛ gə́ ndilje gə́ yèr ra dee ləma, yeḛ ar njékəmtɔje bula kara d’oo loo ləm tɔ.

Lugu 7:23

Dəw gə́ ma m’nai gə́ né gə́ njekun gɔlee karee oso el lé ndá rəa a lelee ya.

Tagə́maji gə́ Ja̰ ndang 1:46

Natanaɛl ulá pana: Najaret lé see né gə́ maji a kḭ keneŋ wa. Pilibə ulá pana: Ŋga ree oo ɓa nà.

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

Néra Njékaḭkulaje 8:7

Mbata ndilje gə́ yèr teḛ meḛ dəwje gə́ na̰je’g bula gə ro̰daŋ lə dee ləm, deḛ bula gə́ dəb rɔ dee wəi wɔ-wɔ gə deḛ gə́ to gə́ njémədje lé rɔ dee tel to kari péd-péd ləm tɔ.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.