Lugu 7:16 - Maktub gə́ To gə Kəmee

¹⁶ Koso-dəwje lai neelé ɓəl unda dee badə gaŋg dee ar dee pidi Ala pana: Ŋgɔ-njetegginta gə́ dum ya to ŋga, unda loo teḛ mbuna sí’g. To Ala nja ɓa ila ne kəm koso-dəwje ləa toro’g.

Lugu 7:16 ပူးပေါင်းရင်းမြစ်များ

Pakɔsje 65:9

Deḛ gə́ d’isi gwɔi naŋg’d lé néraije gə́ dumkoo Ar ɓəl unda dee ne badə gaŋg dee, Boo-rɔkal ləi lé taa loo pəl-pəl par gə́ bər ləm, gə dɔ-gó ləm tɔ.

Teḛ-Raga 4:31

Togə́bè ɓa koso-dəwje lé d’ɔm ne meḛ dee dɔ’g. Deḛ d’oo gao to gə́ Njesigənea̰ ila kəmee dɔ Israɛlje’g ləm, yeḛ oo kəmtondoo lə dee ləm tɔ, ndá deḛ d’unda barmba dəb kəm dee naŋg tɔ.

Jeremi 33:9

Ɓee-boo neelé a to nérɔlel, gə népidi, gə nékula rɔnduba mbata ləm mbuna ginkoji dəwje gə raŋg lai dɔ naŋg nee gə́ d’a koo sor meemajije lai gə́ m’ra sə dee lé. Kaar dee a kwa dee paḭ kar dee d’unda bala mbata meemajije lai ləm, gə teḛ gə́ m’ar dee teḛkɔr ləm tɔ.

Matiyo 15:31

Boo-dəwje d’ila ji dee ta dee’g sud mbata deḛ d’oo njégwɔskuduje pata njai-njai ləm, deḛ gə́ dəb rɔ dee wəi wɔ-wɔ kara rɔ dee kila kɔd-kɔd ləm, njémədje kara d’aw tar njam-njam ləma, njékəmtɔje nja kara d’oo loo njai-njai ləm tɔ. Bèe ɓa boo-dəwje neelé d’ula ne rɔnduba dɔ Ala’g lə Israɛlje lé tɔ.

Matiyo 21:11

Boo-dəwje tel d’ila dee keneŋ pana: To Jeju, njetegginta gə́ Najaret mee ɓeeko̰ gə́ Galile.

Matiyo 28:8

Denéje neelé sa rɔ dee gə ŋgwɔd gə kəm ɓəl ləm, gə rɔlel gə́ boo ləm tɔ ndá d’aḭ d’aw d’ula njékwakiláje taree.

Matiyo 9:8

Loo gə́ koso-dəwje d’oo ndá deḛ ɓəl, d’ula ne rɔnduba dɔ Ala gə́ njekar rɔ dəwje ŋgəŋ togə́bè lé.

Lugu 1:65

Njéboatakəije lə deḛ lai lé ɓəl ra dee kədm-kədm, d’aw gə ta néje neelé ta dee’g wəg-wəg d’aree taa loo pəl-pəl ɔr ɓeeje gə́ dɔ mbal gə́ Jude’g lé tɔ.

Lugu 1:68

Maji kar dɔ ri Mbaidɔmbaije Ala lə Israɛlje lé ai səgərə Mbata yeḛ ila kəmee dɔ koso-dəwje’g ləa ɔr dee ne ɔm dee tar.

Lugu 19:44

D’a kya̰ mbal kára dɔ maree’g gə mba kari el mbata ree gə́ deḛ ree d’ooi ndəa gən lé i gər dee keneŋ el lé.

Lugu 2:20

Njéŋgəmbadje lé d’isi tel gə́ loo’g lə dee ndá d’ula rɔnduba dɔ Ala’g ləm, deḛ pidee ne ta-ta ləm tɔ, ɓa d’aw ɓəi mbata néje lai gə́ deḛ d’oo taree gə mbi dee ləm, gə d’oo gə kəm dee ləm tɔ, to gə́ d’ula dee lé ya.

Lugu 24:19

Deḛ tel d’ilá keneŋ pana: To né gə́ teḛ wɔji dɔ Jeju gə́ Najaret gə́ to njetegginta gə njesiŋgamoŋ dɔ kula reaje’g gə dɔ tapeaje’g no̰ Ala’g lé ləm, gə no̰ koso-dəwje’g lai ləm tɔ.

Lugu 5:26

Deḛ lai gə́ d’aar keneŋ lé kaar dee wa dee paḭ-paḭ ar dee pidi Ala lé tɔ. Ɓəl unda dee badə gaŋg dee ar dee pana: Ɓogənè lé jeḛ j’oo né gə́ dum loo gə́ doŋgɔ ya to ŋga.

Lugu 5:8

Loo gə́ Simo̰ Piɛrə oo togə́bè ndá yeḛ rəm bəbərə oso naŋg no̰ Jeju’g ulá pana: Mbaidɔmbaije, ɔr rɔi rɔm’g gə́ gogo mbata ma m’to njekaiya.

Lugu 7:15

Yeḛ gə́ wəi lé uba naŋg ḭ si pata. Yen ŋga Jeju wá ulá ji kea̰je’g.

Lugu 7:39

Parisiḛ gə́ ɓar Jeju lé loo gə́ yeḛ oo togə́bè yeḛ ə̰ji ta mée’g pana: Ɓó lé dəw neelé to gə́ njetegginta ndá a gər néra dené gə́ njekɔrɔ rəa neelé a gəree gə́ kaiya-dené gao ya.

Lugu 8:37

Yen ŋga njé gə́ mee ɓee gə́ Gerasaje lé lai to ta Jeju’g pəgə-pəgə, ra ndòo rəa’g gə mba karee sa rəa rɔ dee’g rəw gə́ raŋg mbata deḛ ɓəl kədm-kədm. Jeju uru mee to’g ɔs tel aw tɔ.

Lugu 9:19

Deḛ d’ilá keneŋ pana: I to Ja̰ Njera-batɛm. Njé gə́ raŋg pana: I to Eli. Njé gə́ raŋg pana: I to gə́ njetegginta gə́ kára gə́ mbuna mareeje gə́ ləw lé ɓa unda loo teḛ dan njé gə́ d’wəi’g.

Tagə́maji gə́ Ja̰ ndang 1:21

Deḛ dəjee tɔɓəi pana: Bèe ŋga see i to gə́ dəw gə́ banwa. See i ɓa to gə́ Eli lé wa. Yeḛ pana: Ma m’to yeḛ el. Deḛ dəjee pana: See i to gə́ njetegginta lé wa. Yeḛ ila dee keneŋ tɔɓəi pana: Ma m’to yeḛ el tɔ.

Tagə́maji gə́ Ja̰ ndang 1:25

Deḛ dəjee ta kára nja tɔɓəi pana: Ŋga i lé to gə́ Kristi el ləm, Eli el ləma, njetegginta el ləm tɔ, ŋga see ban ɓəi ɓa i ra dəwje batɛm ɓəi wa.

Tagə́maji gə́ Ja̰ ndang 4:19

Dené lé tel ulá pana: Mbai, kəm inja dɔi’g am m’ooi gə́ njetegginta nja.

Tagə́maji gə́ Ja̰ ndang 6:14

Loo gə́ koso-dəwje neelé d’oo némɔri gə́ Jeju ra lé ndá deḛ pana: Tɔgərɔ ya, yeḛ neelé to gə́ njetegginta gə́ a gə ree naŋg neelé ya.

Tagə́maji gə́ Ja̰ ndang 9:17

Yee ɓa ar ta tḭ-na̰ oso ne mbuna dee’g. Tɔɓəi deḛ tel dəji ne yeḛ gə́ kédé to njekəmtɔ lé pana: See i lé pa kaḭ ba̰ dɔ yeḛ gə́ njekar kəmi teḛ’g lé wa. Yeḛ ila dee’g pana: Yeḛ to gə́ njetegginta lé ya.

Néra Njékaḭkulaje 5:5

Loo gə́ ta neelé oso mbi Ananias’g ndá yeḛ oso naŋg vad wəi. Ɓəl unda deḛ lai gə́ d’oo né neelé badə gaŋg dee.

Néra Njékaḭkulaje 7:37

To Moyis neelé nja ɓa ula Israɛlje pana: Ala a kar njetegginta gə́ as səm-ma bèe ya ḭ mbuna ŋgako̰ síje’g mbata lə sí.

Njé gə́ Galati 1:24

Yen ŋga deḛ d’ula rɔnduba dɔ Ala’g gə mbàm tɔ.

Tel tura Godndu 18:15

Ala lə sí gə́ Njesigənea̰ a kɔr dəw kára mbuna ŋgako̰ síje’g karee to njetegginta to gə́ ma bèe ndá seḭ a kooje ta ləa!