Lugu 6:49 - Maktub gə́ To gə Kəmee

⁴⁹ Nɛ yeḛ gə́ oo tapam ɓa ra née el ndá yeḛ to asəna kára ba gə dəw gə́ unda kəi ləa dɔ naŋg’d lal kuru bwa ɓa tum ne ginee. Loo gə́ mán bélm aw ula unda kaar kəi pəji-pəji ndá léegəneeya kəi lé təd kuyum oso naŋg tɔ ndá tuji gə́ oso dɔ kəi’g neelé to tuji gə́ boo ya.

Lugu 6:49 ပူးပေါင်းရင်းမြစ်များ

Gosota-Kəmkàrje 28:18

Yeḛ gə́ njaa gə goo rəbee lé a kaji ne, Nɛ yeḛ gə́ un rəwje joo gə́ nduni lé a koso yeḛ gə́ kára’g.

Ejekel 33:31

Deḛ d’aw rɔi’g bula ndá koso-dəwje lə neḛ d’isi naŋg nɔḭ’g, d’oo taje gə́ ḭ tai’g nɛ deḛ ra née el mbata ta dee ɓa deḛ su ne kəm loo ləm, d’ya̰ meḛ dee yag gə́ dɔ mal néje’g gə goo rəbee el ləm tɔ.

Ojee 4:14

M’a kar bo̰ néra ŋgan síje gə́ dené ɔs ta dee’g Mbata mɔdkaiya lə dee el ləm, Esé məəm síje-je gə́ dené gə́ ra kaiya lé el ləm tɔ. Mbata seḭ nja kara awje na̰’d əw gə njémɔdkaiyaje ləm, Seḭ injaje néməsje na̰’d gə kaiya-denéje ləm tɔ. Koso-dəwje gə́ to njégərnéelje lé d’aḭ gə́ loo-tuji’g ɓa.

Matiyo 23:3

Néje lai gə́ d’ula sí lé aaje kər-kər ləm, gə raje areeje ɔr rɔd ləm tɔ nɛ ndajije néra dee el. Mbata deḛ pa taree ndá lal ra née.

Matiyo 24:10

Yen ŋga mee ndəa’g neelé dəwje bula d’a tel gogo ndá d’a kun dɔ na̰ ləm, d’a kḛji na̰ bəḭ-bəḭ ləm tɔ.

Mark 4:17

nɛ ŋgira ta neelé ɔm jamee meḛ dee’g el ndá d’aw ne waga el mbata meḛ dee mbɔrè. Loo gə́ néurti əsé néɓəl teḛ dɔ dee’g mbata ta neelé gə́ deḛ taa ndá d’oso kas d’ila ta kɔrɔ yal mba̰.

Lugu 12:47

Kura gə́ gər godndu mbai ləa nɛ yeḛ wa dɔ gɔl rəa el ləm, ra torndia el ləm tɔ ndá d’a kundá yaa̰ kar rəa ila ɓiriri-ɓiriri.

Lugu 19:14

Nɛ njéɓeeje ləa d’ə̰jee bəḭ-bəḭ ndá d’ula njékaḭkulaje gée’g mba kar dee pana: Jeḛ ndigi kar dəw neelé o̰ ɓee dɔ sí’g el.

Lugu 19:27

Ges ta gə́ nai ɓa nee: Njéba̰je ləm gə́ ndigi karm m’o̰ ɓee dɔ dee’g el lé wa deeje gə́ nee amje ndá tɔl deeje kəm’g nee ya.

Lugu 6:46

See ban ɓa seḭ ɓarmje Mbaidɔmbaije, Mbaidɔmbaije ndá seḭ mbad raje né gə́ ma m’ula sí lé ɓəi wa.

Lugu 6:48

Yeḛ to asəna kára ba gə dəw gə́ tum gin kəi nɛ yeḛ uru bwa ila naŋg ndad-ndad gə́ teḛ dɔ mbal’g tum gin kəi dɔ’g tɔ. Loo gə́ mán bélm aw ula unda kaar kəi pəji-pəji ndá kəi lé yə rəa yəgə el mbata njekunda kəi lé unda maji péd-péd ya.

Lugu 7:1

Loo gə́ gin taje nee lai gə́ Jeju ndoo koso-dəwje neelé gaŋg ŋgaji mba̰ ndá yeḛ ɔd aw Kapernawum.

Tagə́maji gə́ Ja̰ ndang 15:2

Barkəm nduú gə́ rara gə́ uba kaarm’g ɓa andə el ndá yeḛ tuga badə-badə gaŋg, nɛ barkəm gə́ rara ɓa gə́ andə ndá yeḛ rəa bur-bur gə mba karee andə unda njé gə́ kédé.

Néra Njékaḭkulaje 20:29

Ma m’gər gao loo gə́ m’a kuba naŋg kḭ kya̰ sí lé ndá jagmjərje gə́ njetɔr kwɔi néje d’a kuru mbuna sí’g ndá d’a busu badə-kosoje busu-busu ləm,

Néra Njékaḭkulaje 26:11

Gɔl bula ya m’un goo dee kəi-kwa-dɔ-na̰je’g lə deḛ lai m’ra sə dee né gə́ kədərə ləm, m’ɔs dee m’ar dee d’ila ndɔl dɔ Ala’g ləm tɔ. Oŋg ləm gə́ nuŋga kəd-kəd dɔ dee’g lé am m’aw m’ula kəm dee ndòo saar dɔ ɓeeje’g raŋg’d tɔ.

1 Njé gə́ Tesalonikə 3:5

Togə́bè ɓa, loo gə́ m’oo loo mba kila məəm po̰ el ŋga ndá m’ula kula goo sí’g mba koo see meekun lə sí to ban wa. Ma m’ɓəl nà banelə njesula dəwje lé a sula sí ɓa a kar kula ra sí lé tel to né gə́ gə mḭdé ba.

2 Piɛrə 2:20

Tɔgərɔ ya, deḛ gə́ gər Mbaidɔmbaije lə sí Jeju Kristi, yeḛ gə́ Njekaji sí ɓa d’ḭ ne dan néje gə́ mina̰ gə́ dɔ naŋg nee d’unda ne loo teḛ lé ɓó lé deḛ tel d’unda rɔ dee keneŋ d’aree dum dee tɔɓəi ndá tel dɔ néra dee gə́ gogo lé a ree majel dɔ dee’g unda nje gə́ kédé ŋga.

1 Ja̰ 2:19

Deḛ d’ḭ mbuna sí’g teḛ mba̰, nɛ deḛ to gə́ ka̰ síjeḛ el, mbata ɓó lé deḛ to gə́ ka̰ síjeḛ ndá d’a nai sə sí. Né neelé teḛ dɔ sí’g mba kar sí n’gər deḛ gə́ to gə́ ka̰ síjeḛ el təsərə.