Lugu 6:42 - Maktub gə́ To gə Kəmee

⁴² Esé see i a kula ŋgokɔḭ pana: Ŋgokɔm, am m’ɔr njawala gə́ to kəmi’g kən m’ari ŋga see guburu kag gə́ o̰ kəmi mbèd kən lé see i oo el wa. Njehulai, ɔr guburu kag gə́ o̰ kəmi mbèd kən lé kédé ɓad ɓa i a koo loo gə mba kɔr ne njawala gə́ to kəm ŋgokɔḭ’g lé ɓəi.

Lugu 6:42 ပူးပေါင်းရင်းမြစ်များ

Gosota-Kəmkàrje 18:17

Yeḛ gə́ pata ləa kédé loo gaŋg rəwta’g lé D’oo gə́ ta gə́ tɔgərɔ, Nɛ yeḛ gə́ njeta ləa ree pa kea̰ ndá D’ur gelee maji tɔ.

Matiyo 26:75

Léegəneeya kona no̰ wəl ndá mee Piɛrə aḭ har teḛ dɔ ta gə́ Jeju ulá kédé pana: Kona a no̰ el nja ɓəi ndá i a maḭ dɔm’g gɔl munda ya. Yen ŋga, yeḛ unda loo teḛ raga no̰ ɓugudu-ɓugudu.

Matiyo 7:3

See ban ɓa i oré kəmi dɔ ŋgwɔi né gə́ to kəm ŋgokɔḭ’g ŋga see guburu-kag gə́ to kəmi’g lé see i oo ɓa el wa.

Matiyo 7:4

Yen ŋga see guburu-kag gə́ to kəmi’g lé see ban ɓa i ula ŋgokɔḭ pana: Am m’ɔr ŋgwɔi né gə́ to kəmi’g ɓəi wa.

Lugu 13:15

Mbaidɔmbaije ilá keneŋ pana, Njéhulaije, see seḭje kára kára lai lé seḭ tuduje bɔ maŋg lə sí əsé mulayḛ̀je lə sí kəi-kulee’g ndɔreje awje səa mán gə mba karee ai mán gə ndɔ-kwa-rɔ’g el wa.

Lugu 22:32

Nɛ ma lé ma m’ra tamaji mbata ləi mba kar kúla meekun ləi gaŋg el. Bèe ndá loo gə́ i a kun kəmi rəw dɔ rəm’g ləi ndá maji kari ula diŋgam meḛ ŋgakɔḭje’g ya.

Lugu 6:41

See ban ɓa i unda kəmi dɔ njawala gə́ to kəm ŋgokɔḭ’g ŋga see guburu kag gə́ o̰ kəmi mbèd kən lé see i oo el wa.

Lugu 6:43

Kag gə́ tɔg ɓṵdu-ɓṵdu lé a kandə majel nda̰ el ləm, kag gə́ ŋgon ŋgɔsɔrɔ-ŋgɔsɔrɔ lé a kandə maji nda̰ el ləm tɔ.

Néra Njékaḭkulaje 13:10

Yen i dəw gə́ gosɔyèr gə njuma̰ rusu məəi njḭ-njḭ ləm, i ŋgon lə njekurai gə́ njekunda ba̰, tuji ne gel néraje lai-lai gə́ ra gə dɔ najee ləm tɔ lé rəw lə Mbaidɔmbaije gə́ to danasur gə́ i wa ɗugu koŋ-koŋ lé see ndɔ gə́ ra ɓa i a kəw rɔi ra togə́bè ɓəi wa.

Néra Njékaḭkulaje 2:38

Piɛrə ila dee keneŋ pana: Waje ndòo rɔ sí dɔ kaiya’g lə sí ləm, ar deeje ra sí batɛm gə ri Jeju Kristi ləm tɔ mba kar mée ti mbidi dɔ kaiyaje’g lə sí. Bèe ɓa seḭ a kiŋgaje ne Ndilmeenda gə́ d’wɔji-kwɔji kar sí gə́ kar lé ya.

Néra Njékaḭkulaje 8:21

Siŋgamoŋ neelé yeḛ gə́ tḛ́-tḛ́ bèe ya a kuba jii ndag el, mbata i nda məəi gə Ala el.

Njé gə́ Rɔmə 2:1

I dəw gə́ ban-ban kara gə́ wa rɔi gə́ njegaŋ-rəwta dɔ marije’g lé loo kari taa ne dɔi godo. Mbata loo gə́ i gaŋg rəwta dɔ dee’g lé i nja kara ila ne ta dɔ rɔi’g ya to mbata i gə́ njegaŋ-rəwta dɔ dee’g lé i nja kara to gə́ njera néje neelé to gə́ deḛ bèe tɔ.

2 Njé gə́ Kɔrḭtə 5:18

Néje lai neelé ḭ rɔ Ala’g ya. Mbɔl dɔ Kristi ɓa Ala lé ɔm sí ne səa na̰’d ləm, yeḛ ɔm ne kula kɔm dəwje na̰’d yəg gə Ala ji sí’g ləm tɔ.

2 Timote 2:21

Bèe ndá ɓó lé dəw kára aa dɔ rəa kər-kər ləm, sa rəa rəw dɔ né gə́ mina̰’g ləm tɔ ndá yeḛ a to asəna gə jo ra mbai-kula gə́ d’unda gə kəmee doi ləm, yeḛ a to gel néra kula lə ɓéeje gə́ yeḛ a kaskəm ra ne kula gə́ maji gə́ rara kara gə lée-lée ləm tɔ.

2 Piɛrə 1:9

Nɛ yeḛ gə́ lal néje neelé ndá yeḛ to dəw gə́ mée wəi dɔ rəa’g sel ləm, kəmee tɔ sum-sum ləm tɔ, tɔɓəi won kaiya gə́ d’ɔr mée’g kédé lé mée wəi dɔ’g sel tɔ.