Lugu 6:41 - Maktub gə́ To gə Kəmee

⁴¹ See ban ɓa i unda kəmi dɔ njawala gə́ to kəm ŋgokɔḭ’g ŋga see guburu kag gə́ o̰ kəmi mbèd kən lé see i oo el wa.

Lugu 6:41 ပူးပေါင်းရင်းမြစ်များ

1 Mbaije 2:32

Njesigənea̰ a kar ta məsee nai dəa-yeḛ’g ya mbata yeḛ tɔl dəwje joo gə́ to njémeekarabasurje ləm, gə́ maji d’undá ləm tɔ ndá yeḛ tɔl dee gə kiambas lal kar bɔm Dabid oo taree: to Abner, ŋgolə Ner, ɓé-njérɔje gə́ Israɛl ləm, gə Amasa, ŋgolə Jeter, ɓé-njérɔje gə́ Juda ləm tɔ.

1 Sôrta Gḭka-Israɛlje 21:6

Joab tura Ləbije gə Bḛjamije mbuna dee’g el mbata ndukun lə mbai lé to né gə́ majel yaa̰ kəmee’g.

Pakɔsje 36:2

Ta gə́ ərm lə njeramajel lé To dɔɓəŋgəree’g kəi kɔrɔg, Ɓəl Ala yeḛ oo gə́ né kəmee’g el.

Jeremi 17:9

Mee dəw ɓa ulá na̰’d Unda néje gə́ raŋg lai, Meeyèr taa loo keneŋ pəl-pəl, See na̰ askəm gər né gə́ to keneŋ wa.

Ejekel 18:28

Ɓó lé kəmee inja dɔ rəa’g aree uba goo kaltaje ləa lai gə́ yeḛ al lé ya̰ ndá yeḛ a si kəmba ya ɓó a kwəi el.

Matiyo 7:1

Maji kar sí gaŋgje ta dɔ mar síje’g el, gə mba kar Ala gaŋgta dɔ sí’g el tɔ.

Mark 8:7

Ŋgan ka̰jije gə́ na̰je to keneŋ bəl tɔ, loo gə́ Jeju ra oiyo dɔ’g ndá yeḛ odo ar dee kai dee tɔ.

Lugu 6:40

Njekwakila mbai a kur dɔ ɓéeje’g el, njekwakila mbai gə́ gɔl ta néreaje gɔl-gɔl ndá yeḛ a to kasəna gə ɓéeje ya tɔ.

Lugu 6:42

Esé see i a kula ŋgokɔḭ pana: Ŋgokɔm, am m’ɔr njawala gə́ to kəmi’g kən m’ari ŋga see guburu kag gə́ o̰ kəmi mbèd kən lé see i oo el wa. Njehulai, ɔr guburu kag gə́ o̰ kəmi mbèd kən lé kédé ɓad ɓa i a koo loo gə mba kɔr ne njawala gə́ to kəm ŋgokɔḭ’g lé ɓəi.

Tagə́maji gə́ Ja̰ ndang 8:7

Loo gə́ deḛ dəjee ta togə́bè kəgəgə-kəgəgə ɓəi ndá yeḛ ɔr dəa gə́ tar ɓad ɔs dee ne bawn pana: Dəw gə́ rara ɓa mbuna sí’g nee gə́ lal ra kaiya ndá maji karee un kɔri-ər unda ilá ne ar sí j’oo nà.

Njé gə́ Rɔmə 2:1

I dəw gə́ ban-ban kara gə́ wa rɔi gə́ njegaŋ-rəwta dɔ marije’g lé loo kari taa ne dɔi godo. Mbata loo gə́ i gaŋg rəwta dɔ dee’g lé i nja kara ila ne ta dɔ rɔi’g ya to mbata i gə́ njegaŋ-rəwta dɔ dee’g lé i nja kara to gə́ njera néje neelé to gə́ deḛ bèe tɔ.

Maktub gə́ Jak ula ne ar ngan-Allaje 1:24

yeḛ tən kəmee keneŋ tɔɓəi yeḛ ɔd aw ndá lée igee el.