Lugu 6:26 - Maktub gə́ To gə Kəmee

²⁶ Seḭ gə́ dəwje lai d’ɔr ta lə sí maji lé meeko̰ a koso dɔ sí’g mbata ka deeje lé to gə́ njéra né togəbèje gə njéteggintaje gə́ ŋgɔm lé bèe tɔ.

Lugu 6:26 ပူးပေါင်းရင်းမြစ်များ

Gosota-Kəmkàrje 27:21

Bai-kɔr wɔji dɔ larnda ləm, Bwa-bṵda wɔji dɔ larlɔr ləm tɔ, Nɛ dəw lé deḛ neán gə goo riɓar ləa.

Esai 30:10

Deḛ d’ula njénékooje pana: Maji kar sí toje njénékooje el! Tɔɓəi d’ula njéteggintaje pana: Tegje gintaje gə́ tɔgərɔ ar síje el tɔ. Nɛ taje gə́ ka̰ su kəm loo ɓa ula síje ləm, Tegje gintaje gə́ rii ar síje ləm tɔ!

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Misee 2:11

Ɓó lé dəw aiŋgwɔd goo lel’g ləm, Un kudu pa taŋgɔmje ləm tɔ pana: Neḛ ndigi tegginta gə́ wɔji dɔ mán-nduú ləm, Gə nékaije gə́ mḭ yaa̰ ləm tɔ! Ndá koso-dəwje d’a koo debee neelé gə́ njetegginta ya.

Matiyo 7:15

Maji kar sí aaje rɔ sí dɔ njéteggintaje gə́ ŋgɔm gə́ d’a kḭ mbuna sí’g nee ya tel rɔ dee asəna gə badje nɛ meḛ dee gə́ kəi to asəna gə jagmjərje gə́ njétɔ kó dəwje.

Lugu 6:25

Seḭ gə́ meḛ sí ndan tub-tub lé meeko̰ a koso dɔ sí’g Mbata seḭ a kwəije yoo-ɓoo ɓəi. Seḭ gə́ síje gə ŋgaŋ-kogo ɓasinè lé meeko̰ a koso dɔ sí’g Mbata seḭ a kwaje ndòo rɔ sí loo-yoo’g ləm, A sije dan mán-no̰’g ɓəi ləm tɔ.

Tagə́maji gə́ Ja̰ ndang 15:19

Ɓó lé seḭ toje gə́ naŋg nee ndá naŋg neelé né kea̰ ɓa a ndigi ya, nɛ seḭ toje gə́ naŋg nee el mbata ma nja ma m’kɔd sí mbuna njé gə́ naŋg nee’g, yee ɓa njé gə́ naŋg nee d’wa sí gə meḛ dee gə mbəa.

Tagə́maji gə́ Ja̰ ndang 7:7

Njé gə́ dɔ naŋg nee d’ə̰ji sí bəḭ-bəḭ el, nɛ ma lé deḛ d’ə̰jim mbata ma lé m’to gə́ njekɔrgoo néra gə́ majel lə dee gə́ deḛ ra lé gə́ raga.

Njé gə́ Rɔmə 16:18

Mbata dəwje neelé ra kula gə́ wɔji dɔ meḛ dee-deḛ ɓó deḛ ra kula gə mba kar Mbaidɔmbaije lə sí lé el. Ta gə́ rii ləm gə ta lèbè ne kəm dəwje ləm tɔ ɓa deḛ pəl ne meḛ njémeekwɔilɔje.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.