Lugu 6:25 - Maktub gə́ To gə Kəmee

²⁵ Seḭ gə́ meḛ sí ndan tub-tub lé meeko̰ a koso dɔ sí’g Mbata seḭ a kwəije yoo-ɓoo ɓəi. Seḭ gə́ síje gə ŋgaŋ-kogo ɓasinè lé meeko̰ a koso dɔ sí’g Mbata seḭ a kwaje ndòo rɔ sí loo-yoo’g ləm, A sije dan mán-no̰’g ɓəi ləm tɔ.

Lugu 6:25 ပူးပေါင်းရင်းမြစ်များ

Pakɔsje 49:19

Loo gə́ yeḛ si kəmba lé Yeḛ ɔs gaji rəa dɔ rɔlel’g pi ləm, Néje gə́ ari rɔlel lé D’a pidii ne pi ləm tɔ.

Gosota-Kəmkàrje 14:13

Lé dəw si kogo ya kara Askəm lɔm dɔ meeko̰ ləa, Nɛ gée gə́ gogo rɔlel neelé Askəm tel to néurti ya.

Gosota-Kəmkàrje 30:9

Nà banelə loo gə́ m’a si dan néje’g bèdèg ndá M’a mbadi pa ne pana: see Njesigənea̰ ɓa to nawa. Esé loo gə́ m’a si dan ndòo’g ndá M’a ɓogo kila ne ndɔl dɔ ri Ala’g lé ləm tɔ.

Njekillamber 2:2

Ma m’pata m’wɔji ne dɔ kogo m’pana: To némbə! Tɔɓəi m’pata m’wɔji ne dɔ rɔlel m’pana: See ɗi ɓa gə́ majee wa.

Njekillamber 7:3

Si gə meeko̰ maji unda kogo. Mbata si dan kəmtondoo’g lé A kar rɔ dəw lelee ɓəi.

Njekillamber 7:6

Mbata to gə́ kunje gə́ ndubu rududu Gel əb-kɔb-né’g bèe lé Kogo lə mbəje kara to togə́bè ya tɔ. Yee gə́ nee kara to gə́ né gə́ gə mḭdé ba ya ɓəi.

Esai 28:7

Nɛ deḛ nja kara d’ai mán-nduú d’aw ne jogè-jogè ləm, Nékai gə́ mḭ ar dɔ dee tel ne wagəsa ləm tɔ, Njékinjanéməsje gə njéteggintaje d’aw jogè-jogè dan nékai gə́ mḭ’g ləm, Man-nduú taa rɔ dee pəl-pəl ləm tɔ. Nékai gə́ mḭ ar dɔ dee tel wagəsa ləm, Deḛ d’aw jogè-jogè loo gə́ deḛ tegginta ləm, Deḛ ləŋg dɔ gaŋg rəwta’g ləm tɔ.

Esai 65:13

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, kuraje ləm d’a sɔ né, Nɛ ɓó a ra sí-seḭ, Aa ooje, kuraje ləm d’a kai mán, Nɛ seḭ lé kṵdaman a ra sí, Aa ooje kuraje ləm d’a kal rɔ dee, Nɛ seḭ lé rɔkul a dəb dɔ sí’g,

Esai 8:21

D’a kila mbir-mbir mee ɓee’g ləm, Kəm dee a to ndòo ləma, ɓó a tɔl dee ləm tɔ. Loo gə́ ɓó a tɔl dee ndá meḛ dee a kḭ sə dee pu Kar dee d’ila ndɔl dɔ mbai’g lə dee gə dɔ Ala’g lə dee ləm, D’a tel kəm dee gə́ dara ləm tɔ.

Esai 9:20

Manasə d’oma̰ gə Eprayimje ləm, Eprayimje d’oma̰ gə Manasə ləm tɔ, Tɔɓəi deḛ joo bɔr d’oma̰ gə Judaje. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ ya ɓəi ləm tɔ.

Amɔs 8:10

N’a kar loo-ra-naḭje lə sí tel to gə́ loo-yoo ləm, Pakɔsje lə sí lai a tel to gə́ no̰ yoo ləm, N’a kar sí ulaje kubu-kwa-ndòo reŋ sí’g lai ləma, N’a kar dɔ sí lai àr ŋgori-ŋgori ləm tɔ. N’a kar ɓee neelé wa ndòo To gə́ d’wa ne ndòo lə ŋgon kára lə kea̰ bèe Ndá rudee a to kasəna gə ndɔ meekad mbag-mbag bèe.

Nahum 1:10

Mbata deḛ to d’asəna gə kunje gə́ d’ula na̰’d siŋ-siŋ ləm, To d’asəna gə dəwje gə́ kido tɔl dee ləm tɔ Ndá pər a roo dee dula-dula To gə́ mu gə́ tudu kurum-kurum bèe.

Lugu 12:20

Nɛ Ala ulá pana: I mbə-dəw, mee til’g nee ya d’a ree kuba kankəmrɔi kwa, ŋga néje ləi lai gə́ i wa dɔ gɔl dee jəb-jəb mba̰ lé see d’a tel to ka̰ nawa.

Lugu 13:28

Lée neelé a to loo no̰ gə mán-no̰ kəm’g ləm, gə loo sɔ ŋgaŋ pəgərə-pəgərə ləm tɔ loo gə́ seḭ a kooje Abrakam gə Isaak gə Jakob gə njéteggintaje lai mee ɓeeko̰’g lə Ala lé ya nɛ seḭje lé d’a kɔm sí gir loo’g raga tɔ.

Lugu 6:24

Seḭ bao-nékiŋgaje lé meeko̰ a koso dɔ sí’g, Mbata seḭ iŋgaje nérɔlel gə́ ka̰ sí-seḭ lé mba̰.

Lugu 6:26

Seḭ gə́ dəwje lai d’ɔr ta lə sí maji lé meeko̰ a koso dɔ sí’g mbata ka deeje lé to gə́ njéra né togəbèje gə njéteggintaje gə́ ŋgɔm lé bèe tɔ.

Lugu 8:53

Deḛ kogee dɔ ŋgaŋ dee’g ŋgwɔi-ŋgwɔi mbata deḛ gər gao ŋgon lé wəi jib mba̰.

Njé gə́ Epesə 5:4

Ta rɔkul ləm, gə sor mbə ləma, gə kəsta kula sul dɔ na̰’g ləm tɔ lé néje gə́ mina̰ togə́bè lé to kəm to̰ tamee pai el, nɛ ta ra Ala oiyo ɓa areeje teḛ ta sí’g.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.

Maktub gə́ Jak ula ne ar ngan-Allaje 4:9

Waje ndòo rɔ sí, síje gə kəmndooyoo ləm, gə mán-no̰ kəm sí’g ləm tɔ. Ŋgaŋ kogo lə sí lé mbélje ne kəmndooyoo ləm, rɔlel lə sí lé kara mbélje ne nékəmndoo ləm tɔ.

Loo gə́ killa rea kəm Ja̰’g 3:17

Mbata i ə̰ji ta məəi’g pana: I to gə́ bao ləm, i ar nébaoje taa rɔi pəl-pəl ləma, i aw ndòo né kára kara el ləm tɔ. Nɛ némeeko̰ rai ləm, kəmi to ndòo ləm, i si dan ndòo’g ləm, i to gə́ njekəmtɔ ləma, i aw gə kudi dum ləm tɔ nɛ i gər bèe el.

1 Samel 2:5

Deḛ gə́ kédé nésɔ as dee nag-nag lé D’un rɔ dee tona ne goŋ muru ləm, Deḛ gə́ ɓó tɔl dee kédé lé Yeḛ ar dee d’wa rɔ dee ləm tɔ. Kaokad kara oji ŋganje gɔl siri, Yeḛ gə́ oji ŋganje bula lé rəa jura ne həgədə.