Lugu 6:21 - Maktub gə́ To gə Kəmee

²¹ Seḭ gə́ ɓó tɔl sí ɓasinè lé Rɔ sí lel sí mbata meḛ sí a ndan tub-tub ɓəi! Seḭ gə́ no̰je jəm-jəm ɓasinè lé Rɔ sí lel sí mbata seḭ a ndubaje rɔ sí raŋg-raŋg ɓəi to!

Lugu 6:21 ပူးပေါင်းရင်းမြစ်များ

Gḭ-Néje 17:17

Abrakam oso naŋg bəbərə dəb kəmee naŋg. Yeḛ kogo ndá pa mée’g pana: See diŋgam gə́ ra ləb tɔl (100) a koji ŋgon loo gə́ ra tɔɓəi wa. Sara kara ləbee aḭ rɔ-jinaikara (90) tɔ, nɛ see yeḛ a koji ŋgon ya tɔɓəi wa.

Gḭ-Néje 21:6

Ndá Sara pana: Ala am m’isi gə ŋgaŋ kogo. Nana ɓa gə́ a koo soree kara a kogo səm na̰’d tɔ.

Pakɔsje 107:9

Mbata dəw gə́ si wəi yoo-kunda lé Yeḛ nja aree né gə́ yeḛ aw ndée ləm, Dəw gə́ wəi yoo-ɓoo lé kara Yeḛ ar némajije ləa taa rəa pəl-pəl ləm tɔ.

Pakɔsje 119:136

Man-no̰ ruba kəm’g asəna gə kəm-rəw-mán gə́ aḭ kuji-kuji bèe Mbata dəwje d’aa dɔ godndui el.

Pakɔsje 143:6

M’odo jim m’ula ndiŋ gə́ rɔi’g ya ləm, Ŋgaw məəm əmə biriri-biriri gooi’g Asəna gə dɔ naŋg gə́ tudu kurum-kurum Gə́ ndiŋga mán keneŋ bèe ləm tɔ.

Pakɔsje 17:15

Ma lé mbɔl dɔ meekarabasur ləm lé ɓa M’a koo ne kəmi ya, Loo gə́ m’a teḛ kəm gə ndɔ rad lé ndá Ndili ɓa kəm a kwəi dəa’g sḭ ləm, a tuga ne sib ləm tɔ.

Pakɔsje 28:7

Njesigənea̰ to siŋgam ləm, Yeḛ to dər-rɔ ləm ləm tɔ. Ma m’ɔm məəm dəa’g ndá M’iŋga ne njela səm ya, M’aw gə boo-rɔlel dɔɓəŋgərəm’g ləm, M’ɔs pa m’pidee ne ləm tɔ.

Pakɔsje 65:4

Néra gə́ kori-korije lé al dɔm sula ya, I a kar məəi ti mbidi dɔ kaltaje’g lə sí.

Esai 25:6

Njesigənea̰ gə́ njeboo-néje gɔl muru-gad Gə́ wɔji dɔ nésɔje gə́ lel ləm, Gə mán-nduú gə́ àr ŋgad-ŋgad ləm tɔ Dɔ mbal’g neelé mbata koso-dəwje lai, To nésɔje gə́ lel gə́ to ubu yaa̰ ləm, Gə mán-nduú gə́ kuree əw Gə́ àr ŋgad-ŋgad ləm tɔ.

Esai 30:19

Oiyo, seḭ koso-dəwje gə́ Sio̰ gə́ síje Jerusalem lé Seḭ a no̰je gə mán-no̰ kəm sí’g el ŋga! Yeḛ a koo ndu no̰ lə sí ndá Yeḛ a ra sə sí meemaji ləm, Léegəneeya gə́ yeḛ oo ndu sí ndá Yeḛ a tel kila sí keneŋ ləm tɔ.

Esai 66:10

Seḭ lai gə́ undaje Jerusalem dan kəm sí’g lé Raje səa rɔlel ləm, Areeje to gə́ nékalrɔ lə sí ləm tɔ. Seḭ lai gə́ waje ndòo-yée lé Talje səa jagəra-jagəra gə rɔlel,

Jeremi 13:17

Ɓó lé seḭ ooje ta el ndá N’a no̰ gə goo ŋgəḭ mbata beelé lə sí, Man no̰ a ruba kəm neḛ’g pɔ-pɔ, Mbata koso-dəwje gə́ to nékulje Le Njesigənea̰ lé d’a kaw sə dee ɓee-ɓər’g.

Jeremi 31:25

Mbata yeḛ gə́ ɔr kɔd-kɔd lé m’a karee siŋgá ləm, nana ɓa gə́ unda ndolè kara m’a karee né gə́ yeḛ aw ndée ləm tɔ.

Jeremi 31:9

Deḛ ree gə mán-no̰ kəm dee’g Ndá ma m’ɔr no̰ dee Dan no̰ ndòo’g lə dee, Ma m’aw sə dee Par gə́ kəm-rəw-manje gə́ ula yal-yal, Gə rəw gə́ kára ba bərəŋ Gə́ né tuga gɔl dee keneŋ el, Mbata ma m’to gə́ bɔ-Israɛlje ləm, Eprayimje to ŋgondərm ləm tɔ.

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Ejekel 7:16

Njékaḭ taa ne rɔ deeje, deḛ d’isi dɔ mbalje’g asəna gə dərndaje gə́ d’isi kəm wəl-looje’g bèe. Deḛ lai no̰ tuma̰ ŋgururu-ŋgururu, ar nana kara no̰ mbata néra kori-kori ləa-ləa.

Ejekel 9:4

Njesigənea̰ ulá pana: Aw dan mee ɓee-boo’d gə́ Jerusalem, aw tɔs né ŋgono̰ dəwje gə́ meḛ dee tila ŋgaḭla-ŋgaḭla’g ar deḛ tuma̰ ŋgururu-ŋgururu mbata néje gə́ mina̰ lai gə́ ra mee ɓee-boo’g neelé.

Matiyo 5:4

Deḛ gə́ d’isi dan kəmndooyoo’g lé rɔ dee lel dee, Mbata d’a gɔl meḛ dee ɓəi.

Matiyo 5:6

Deḛ gə́ mal ra né gə́ gə dɔ najee ra dee asəna gə kṵdaman gə́ tɔl dee əsé ɓoo gə́ ra dee lé rɔ dee lel dee, Mbata meḛ dee a ndan tub-tub ɓəi.

Lugu 1:53

Yeḛ ar njéɓooje kila kɔd-kɔd loo ɓoo’g lə dee. Nɛ yeḛ un baoje tuba dee ji dee kari kari-kari.

Lugu 6:20

Yen ŋga Jeju ɔr dəa gə́ tar ɓad gə́ rɔ njékwakiláje’g ula dee pana: Seḭ njéndooje lé rɔ sí lel sí Mbata ɓeeko̰ lə Ala lé to ka̰ sí-seḭ ya!

Lugu 6:22

Loo gə́ dəwje d’a kḛji sí bəḭ-bəḭ ləm, loo gə́ d’a kun sí tuba sí ra sə sí néurti ləma, loo gə́ d’a mbad sí kunda sí gə́ ram-dəwje ləm tɔ gə mba Ŋgon-dəw lé ndá rɔ sí a lel sí ɓəi.

Lugu 6:25

Seḭ gə́ meḛ sí ndan tub-tub lé meeko̰ a koso dɔ sí’g Mbata seḭ a kwəije yoo-ɓoo ɓəi. Seḭ gə́ síje gə ŋgaŋ-kogo ɓasinè lé meeko̰ a koso dɔ sí’g Mbata seḭ a kwaje ndòo rɔ sí loo-yoo’g ləm, A sije dan mán-no̰’g ɓəi ləm tɔ.

Tagə́maji gə́ Ja̰ ndang 11:35

Jeju oso gə no̰ biriŋ.

Tagə́maji gə́ Ja̰ ndang 4:10

Jeju ilá keneŋ pana: Ɓó lé i gər nojikwa gə́ Ala lé a kwa gə dəwje ɓa gər yeḛ gə́ kwɔii mán pana: Ar neḛ mán n’ai ndá i nja a kḭ kédé kwɔiyee mán-kai, bèe lé yeḛ kara a kari mán gə́ àr yal-yal gə́ aḭ teḛ kuji-kuji tɔ.

Tagə́maji gə́ Ja̰ ndang 6:35

Jeju ila dee keneŋ pana: Ma m’to muru ko̰ gə́ dəw a si ne gə kəmə lé. Nana ɓa gə́ ree rɔm’g ndá ɓoo a tibi mbɔree pai el ləm, nana ɓa gə́ ɔm mée dɔm’g ndá kṵdaman a tibi mbɔree pai el ləm tɔ.

1 Njé gə́ Kɔrḭtə 4:11

Jeḛ lé saar ɓasinè kara ɓoo biri sí ləm, gə kṵdaman ula kəm sí ndòo ləma, j’aw gə kudu sí dum ləm tɔ: deḛ kunda kwɔji sí ləm, j’ila tar mbir-mbir gə́ yo gə nee ləm tɔ.

2 Njé gə́ Kɔrḭtə 11:27

M’ula rɔm ndubu m’ra ne kula gə́ kədərə ləm, gɔl bula ɓi wa kəm loondul’g el ləm, m’wəi yoo-ɓoo gə yoo-kunda-mán ləm, m’ɔg məəm ɓoo gɔl bula ləm, m’wəi yoo-kul ləma, nékɔn-rɔ ləm godo ləm tɔ.

2 Njé gə́ Kɔrḭtə 12:10

Gelee gə́ nee ɓa, m’isi gə məəm gə́ kulɔm dan rəm’g lé ləm, gə dan tajikil gə́ deḛ tajim ləm, gə dan némeeko̰ gə́ ram’g lé ləm, gə dan kəm gə́ deḛ d’ula ndòo’g ləma, gə dan néyooje gə́ d’aḭ dɔm sub ləm tɔ, yee ɓa to néram gə mba Kristi, mbata loo gə́ m’isi loo rəm’g lé kara yen ɓa, ma m’tel m’to ne njesiŋgamoŋ ya.

2 Njé gə́ Kɔrḭtə 6:10

jeḛ lé meḛ sí lel sí ta-ta nɛ deḛ d’oo sí gə́ dəwje gə́ d’isi dan némeeko̰’g ləm, jeḛ n’to gə́ njékṵda dəwje bula maji’gje nɛ deḛ d’oo sí gə́ njéndooje ləma, jeḛ j’isi gə néje lai ji sí’g nɛ deḛ d’oo sí gə́ dəwje gə́ né godo ji dee’g ləm tɔ.

Maktub gə́ Jak ula ne ar ngan-Allaje 1:12

Dəw gə́ wa mée mbidi ti dɔ nékər gə́ a gə neán ndá rəa a lelee, mbata loo gə́ yeḛ dum dɔ nékər mba̰ ndá yeḛ a kiŋga dɔgugu gə́ ka̰ kəmə gə́ Mbaidɔmbaije un ndia mba kar deḛ gə́ d’undá dan kəm dee’g lé.

Loo gə́ killa rea kəm Ja̰’g 21:3

Ma m’oo ndu dəw ɓar boi wəl gə́ par gə́ loo kalimbai’g lé pana: Aa ooje, kəi-Ala lé to mbuna dəwje ləa. Yeḛ a sí sə dee ləm, deḛ kara d’a to dəwje ləa ləma, yeḛ kara a to Ala lə dee ləm tɔ.

Loo gə́ killa rea kəm Ja̰’g 7:16

Ɓó a tɔl dee nda̰ bèe el ləm, kṵdaman a tɔl dee nda̰ el ləm, kàr a kɔs dee nda̰ el ləma, né gə́ nuŋga kəd-kəd gə́ rara kara a nuŋga dee el ləm tɔ.