Lugu 6:13 - Maktub gə́ To gə Kəmee

¹³ Loo gə́ loo àr mba̰ ndá yeḛ ɓar njékwakiláje gə́ rəa’g mbər dee dɔg-gir-dee-joo unda dee gə́ njékaḭkulaje as bèe:

Lugu 6:13 ပူးပေါင်းရင်းမြစ်များ

Matiyo 10:2

Ri njékaḭkulaje gə́ dɔg-gir-dee-joo lé ɓa nee: Simo̰, gə́ yeḛ ɓaree Piɛrə, deḛ gə Andre, ŋgokea̰ ləm, Jak, ŋgolə Jebede, deḛ gə Ja̰, ŋgokea̰ ləm,

Matiyo 19:28

Jeju tel ila dee keneŋ pana: Ma m’ula sí təsərə, ndɔ gə́ d’a gə kar néje lai tel to lée’g béréré lé ɓa Ŋgon-dəw a kuba dɔ kalimbai ndubarɔ ləa gao si’g ndá seḭ gə́ unje goom lad-lad lé seḭje kara a kubaje dɔ kalimbaije gə́ dɔg-giree-joo neelé gao si keneŋ mba gaŋgta dɔ ginkoji Israɛlje gə́ dɔg-giree-joo neelé tɔ.

Matiyo 9:36

Loo gə́ yeḛ oo koso-dəwje ndá mée aw taḭ-taḭ mbata yeḛ oo dee asəna gə ŋgan badje gə́ lab ɔr dee ləm, njekul dee kara godo ləm tɔ.

Mark 6:30

Njékaḭkulaje lé tel ree mbo̰ dɔ na̰ rəa’g d’ɔr sor néje lai gə́ deḛ ra ləm, gə taje lai gə́ deḛ ndoo dəwje lé ləm tɔ.

Mark 6:7

Yen ŋga Jeju ɓar deḛ gə́ dɔg-gir-dee-joo lé ndá yeḛ wa dee joo-joo ula dee, un ndia ar dee gə mba kar dee dum ne dɔ ndilje gə́ yèr.

Lugu 11:49

Gelee gə́ nee ɓa Ala pa ne ta kəmkàr ləa pana: N’a kula njéteggintaje gə njékaḭkulaje rɔ dee’g ndá d’a tɔl njé gə́ na̰je ləm, d’a kula kəm njé gə́ na̰je ndòo ləm tɔ.

Lugu 22:30

mba kar sí sije ta nésɔ’g sɔje gə ta nékai’g aije mee ɓeeko̰’g ləm ləm, gə mba kar sí sije dɔ kalimbaije’g gə mba gaŋgje rəwta lə ginka Israɛlje gə́ dɔg-gir-dee-joo lé ləm tɔ.

Lugu 6:14

Simo̰ gə́ yeḛ unda ria lə Piɛrə gə ŋgokea̰ Andre, gə Jak gə Ja̰ gə Pilibə gə Bartelemi

Tagə́maji gə́ Ja̰ ndang 4:33

Njékwakiláje d’ula ta dee naŋg dəji na̰ ta wédé-wédé pana: See dəw ree gə né aree gə mba karee sɔ wa.

Néra Njékaḭkulaje 1:13

Loo gə́ deḛ teḛ ɓée ndá deḛ d’al d’aw mee kəi gə́ tar gə́ rɔd dɔ maree’g loo gə́ d’wa dɔ na̰ keneŋ ta-ta, deḛje neelé to Piɛrə, gə Ja̰, gə Jak, gə Andre, gə Pilibə, gə Tomas, gə Bartelemi, gə Matiyo, gə Jak ŋgolə Alpe, gə Simo̰ gə́ to Jelotə, gə Jude ŋgolə Jak tɔ.

Njé gə́ Epesə 2:20

Seḭ toje kəi gə́ deḛ rɔd dɔ njékaḭkulaje gə njéteggintaje gə́ to gin kəi ləm, Jeju Kristi lé to mbal gə́ moŋg kəi gə́ d’unda ne dɔ kum kəi lé ləm tɔ.

Njé gə́ Epesə 4:11

Yeḛ nja ɓa ar njé gə́ na̰je to gə́ njékaḭkulaje ləm, ar njé gə́ raŋg to gə́ njéteggintaje ləm, ar njé gə́ raŋg to gə́ njékilamber tagə́majije ləma, ar njé gə́ raŋg ya ɓəi to gə́ njékul dəwje gə njékɔrgootaje ləm tɔ,

Ǝbrəje 3:1

Togə́bè ŋgakɔmje gə́ njémeendaje, né gə́ deḛ ɓar sí na̰’d gə mbəa lé ḭ dara bèe ndá maji kar sí ə̰jije tor Jeju meḛ sí’g, yeḛ gə́ to njekaḭkula gə́ gəd ləm, gə ŋgɔ-njekinjanéməs gə́ jeḛ j’un meḛ sí j’aree ləm tɔ.

2 Piɛrə 3:2

mba kar sí arje meḛ sí olé ne dɔ ta gə́ njéteggintaje gə́ to njémeendaje lé pa kédé ləm, gə dɔ godndu Mbaidɔmbaije gə́ Njekaji sí gə́ njékaḭkulaje lə sí ndoo sí lé ləm tɔ.

Loo gə́ killa rea kəm Ja̰’g 12:1

Né gə́ to ɓəl kədm-kədm teḛ dara: Kàr dəb dɔ dené’g aree ɔm gɔlee dɔ naḭ’g ləm, ar kéréméje dɔg-gir-dee-joo to dɔgugu kula dəa’g ləm tɔ.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.

Loo gə́ killa rea kəm Ja̰’g 21:14

Ndògo gə́ gugu dɔ ɓee-boo lé deḛ tum gelee dɔg-giree-joo ya ndá deḛ ndaŋg ri njékaḭkulaje lə Ŋgonbad gə́ dɔg-gir-dee-joo lé keneŋ.