Lugu 5:8 - Maktub gə́ To gə Kəmee

⁸ Loo gə́ Simo̰ Piɛrə oo togə́bè ndá yeḛ rəm bəbərə oso naŋg no̰ Jeju’g ulá pana: Mbaidɔmbaije, ɔr rɔi rɔm’g gə́ gogo mbata ma m’to njekaiya.

Lugu 5:8 ပူးပေါင်းရင်းမြစ်များ

2 Samel 6:9

Dabid ɓəl Njesigənea̰ mee ndəa’g neelé aree pana: Bèe ŋga see sa̰duk-manrɔ lə Njesigənea̰ a ree rɔm’g to gə́ ban wa.

1 Mbaije 17:18

Dené neelé dəji Eli pana: See ta ɗi ɓa to mbuna síjeḛ səi-i’d gə́ to dəw lə Ala’g lé wa. See i ree kəi ləm gə mba kolé məəm dɔ néra kori-kori’g ləm gə mba kar ŋgonəm wəi ne wa.

Maktub gə́ wɔji dɔ Jɔb 40:4

Aa oo, ma m’to gə́ né el. See ta ɗi ɓa m’a tel kilai’g wa. Ma m’ila jim tam’g sud.

Teḛ-Raga 20:19

Deḛ d’ula Moyis pana: I nja ula sí ta ndá j’a kooje ya, nɛ maji kar Ala ɓa ula sí el nà banelə j’a kwəije.

Esai 6:5

Yen ŋga m’ula m’pana: Meeko̰ oso dɔm’g! Ma m’tuji mba̰ mbata m’to dəw gə́ tapam majel ləm, m’isi mbuna dəwje gə́ tapa dee majel’g ləm tɔ. Nɛ kəm oo Mbai gə́ to Njesigənea̰ gə́ njeboo-néje ya.

Matiyo 17:6

Loo gə́ d’oo ndu dəw gə́ ɓar neelé ndá njékwakiláje d’unda naŋg mburug dəb kəm dee naŋg ɓəl ndəb ne pəd-pəd.

Matiyo 2:11

Deḛ d’andə mee kəi’g ndá d’oo ŋgonkas gə kea̰je gə́ Mari lé. Deḛ d’unda barmba dəb kəm dee naŋg nea̰’g. Tɔɓəi deḛ teḛ gə nébaoje lə dee d’wa ne səa noji, d’aree larlɔr ləm, gə no̰ kag gə́ ə̰də sululu ləma, gə timbá ləm tɔ.

Matiyo 8:8

Nɛ ɓé-njérɔje lé tel ulá pana: Mbai, m’askəm kari andə gel jala’g ləm el. Maji kari pata gə tai ya kára ba ndá rɔ kura ləm a to kari péd-péd.

Lugu 5:7

Yen ŋga deḛ kəb ji dee ɓar ne njéboando̰je lə dee gə́ d’aw gə to gə́ raŋg mba kar dee ree la sə dee tɔ. Deḛje neelé ree d’iŋga dee ndá d’odo ka̰jije rusu toje lé joo bɔr ar ta toje kai mán pɔ-pɔ.

Lugu 5:9

Yeḛ gə deḛ lai gə́ d’aar səa lé ɓəl unda dee badə gaŋg dee mbata bura gə d’ila mán-njum nja ɓəi ndá teḛ ne gə ka̰jije ɓagəsa lé tɔ.

Tagə́maji gə́ Ja̰ ndang 11:32

Loo gə́ Mari ree loo gə́ Jeju aar keneŋ lé ndá yeḛ aa loo ée ndá rəm bəbərə oso naŋg ŋgira gɔlee’g ulá pana: Mbaidɔmbaije, ɓó lé i nja si loo gə́ nee’g ndá nan ŋganəmje a kwəi bèe el.

1 Njé gə́ Kɔrḭtə 13:12

Ɓogənè lé jeḛ j’oo loo puduru asəna gə dəw gə́ oo kəmee tatara’g ɓəi, nɛ ndɔ gə́ raŋg j’a koo loo njai-njai ya. Ɓogənè ma m’gər né m’aw dɔ’g puduru-puduru, nɛ ndɔ gə́ raŋg ndá m’a gər né təsərə to gə́ deḛ gərm ma lé tɔ.

Loo gə́ killa rea kəm Ja̰’g 1:17

Loo gə́ ma m’ée ndá m’oso naŋg gɔlee’g asəna gə dəw gə́ wəi bèe. yeḛ ila jikɔlee dɔm’g pana: Maji kam m’ɓəl el.

Njéga̰g-Rəwtaje 13:22

Ndá yeḛ ula dené ləa pana: Jeḛ lé j’a gə kwəi mbata jeḛ j’ooje Ala.

1 Samel 6:20

Njé gə́ Bet-Semes lé pana: See na̰ ɓa askəm kaar no̰ Njesigənea̰’g, yeḛ gə́ to Ala gə́ njerɔkunda lé wa. See rɔ na̰ ɓa sa̰duk-manrɔ lé a kaw əw keneŋ kya̰ sí wa.