Lugu 5:5 - Maktub gə́ To gə Kəmee

⁵ Simo̰ tel ilá keneŋ pana: Mbai, jeḛ lé j’ɔs ka̰ji loondul’g ya saar j’ar loo àr dɔ sí’g təsərə, j’wa ka̰ji gə́ rḛdeŋ el, nɛ ɓó lé i nja ulam bèe ndá m’a kula bura mán pá koo ya.

Lugu 5:5 ပူးပေါင်းရင်းမြစ်များ

Ejekel 47:10

Njékɔs-ka̰jije d’a kaar dɔ koŋgeeje’g, d’a naji buraje un kudee En-Gedi saar teḛ En-Eglayim, ka̰jije gə́ gə gel dee gel dee d’a to keneŋ asəna gə ka̰jije gə́ to baa-boo-kad gə́ boi bèe ndá d’a bula digi-digi.

Lugu 17:13

Mbai, Jeju, oo kəmtondoo lə sí ya kari!

Lugu 8:24

Deḛ rəm pər gə́ rəa’g ndelee d’ulá pana: Mbai, mbai, jeḛ lé n’saḭ mba̰. Yeḛ teḛ kəmee yərərə ndá ḭ gə lel ndaŋgee ləm, yeḛ pa gə paŋgəm mán lé ləm tɔ. Léegəneeya lel lé əw rəa kula ləm, dɔ mán kara toso ɗəḭ-ɗəḭ ləm tɔ.

Lugu 8:45

Yen ŋga Jeju dəji dee pana: See na̰ ɓa ɔrɔ ta kubu ləm nee wa. Deḛ lai maḭ, nɛ Piɛrə gə deḛ gə́ d’aar səa lé pana: Mbai, i oo boo-dəwje gə́ d’usi wuduru-wuduru nee el ɓəi ɓa see i dəji dəw gə́ njekɔrɔ rɔi tɔɓəi wa.

Lugu 9:33

Loo gə́ dəwje joo neelé sa rɔ dee rɔ Jeju’g d’ɔd d’aw mba̰ ndá Piɛrə ula Jeju pana: Mbai, loo gə́ neelé maji kar sí j’isije keneŋ ya, ar sí n’laaje kəi-kubuje munda, j’wa kára gə kaḭ ləm, kára gə́ ka̰ Moyis ləma, gə kára gə́ ka̰ Eli ləm tɔ. Ta gə́ yeḛ pa lé yeḛ gər rəbee el.

Lugu 9:49

Ja̰ un ta ulá pana: Mbai, jeḛ j’oo dəw kára gə́ ɓar rii ɓa tuba ne ndilje gə́ yèr, nɛ jeḛ j’ɔgee dɔ’g ya mbata yeḛ to gə́ njeboalookaw lə síjeḛ el.

Tagə́maji gə́ Ja̰ ndang 15:14

Torndum gə́ ma m’un m’ar sí lé ɓó lé seḭ raje areeje ɔr rɔd ndá seḭ toje gə́ baokuraje ləm ya.

Tagə́maji gə́ Ja̰ ndang 2:5

Kea̰je ula kuraje lé pana: Néje lai gə́ yeḛ a gə kula sí lé maji kar sí raje ya.

Tagə́maji gə́ Ja̰ ndang 21:3

Simo̰ Piɛrə ula dee pana: M’a kaw kɔs ka̰ji. Deḛ d’ilá keneŋ pana: Jeḛ kara j’a kaw səi na̰’d tɔ. Deḛ d’unda loo teḛ d’aw d’uru mee to’g nɛ mee tilee’g neelé deḛ d’wa ka̰ji gə́ rḛdeŋ kára kara bèe el.