Lugu 5:38 - Maktub gə́ To gə Kəmee

³⁸ Nɛ mán-nduú gə́ sigi ɓəi lé maji kɔm mee ɓɔl-ndarje gə́ sigi’g ya tɔ.

Lugu 5:38 ပူးပေါင်းရင်းမြစ်များ

Ejekel 36:26

N’a kar sí ɓəŋgərə gə́ sigi ləm, n’a kar ndil gə́ sigi to meḛ sí’g ləm tɔ. Ɓəŋgərə sí gə́ to asəna gə mbal lé n’a kɔr meḛ sí’g ndá n’a kar sí ɓəŋgərə dəw.

Matiyo 9:17

Dəwje d’ɔm mán-nduú gə́ sigi mee ɓɔl-ndar gə́ ləw’g el mbata ɓɔl-ndar lé a kinja bim ndá mán-nduú gə́ sigi a kɔm naŋg ləm, ɓɔl-ndar a tuji ləm tɔ. Man-nduú gə́ sigi lé d’ɔm mee ɓɔl-ndar gə́ sigi’g tɔ ndá mán-nduú ləm, gə ɓɔl-ndar ləm tɔ lé d’a kwa naŋg jəb ya.

Lugu 5:37

Dəw kára kara a kɔm mán-nduú gə́ sigi mee ɓɔl-ndarje gə́ ləw el, ɓó lé a ra togə́bè ndá mán-nduú gə́ sigi lé a kḭ kar barɓɔlje lé ndubu kum kar mán-nduú gə́ sigi lé ula naŋg kəŋgəŋ-kəŋgəŋ ləm, ɓɔl-ndarje lé kara d’a tuji ləm tɔ.

Lugu 5:39

Dəw gə́ to njekai mán-nduú gə́ kal ɓa aw ai ɓəi ndá yeḛ a dəji goo yee gə́ sigi el ŋga mbata yeḛ lé pana: Yee gə́ kal lé ɓa maji.

2 Njé gə́ Kɔrḭtə 5:17

Ɓó lé dəw ɔm na̰’d gə Kristi ndá yeḛ to dəw-kunda lə Ala gə́ sigi ya. Ɓuga néje gə́ ləw lé sané kad mba̰, aa ooje, néje lai tel to néje gə́ sigi ya.

Njé gə́ Galati 2:4

Ta neelé oso mbata lə njé gə́ na̰je gə́ d’wa rɔ dee gə́ ŋgako̰ síje nɛ deḛ to gə́ njéhulaije gə́ d’andə mbuna sí’g gə ŋgəḭ ɓa, mba ŋgəḭ sí koo ŋgonkoji gə́ Jeju ɔm sí ne ta lé, yee ɓa deḛ ra gə mba kwa sí ne gə́ ɓər gogo ɓəi tɔ.

1 Timote 4:8

Kwa Ala məəi’g gə goo rəbee lé ɓa maji kari aar keneŋ jigiri, mbata ndɔji ŋgira rɔi lé to gə́ né ya, nɛ maji ɔr njal el, kwa Ala məəi’g gə goo rəbee gə́ i aar keneŋ jigiri ra lé maji ɔr njal ya. Yee ɓa wɔji dɔ kəmə gə́ j’isi ne kəmba ɓasinè ləm, gə yeḛ gə́ a gə teḛ ləm tɔ.

Loo gə́ killa rea kəm Ja̰’g 21:5

Yeḛ gə́ si kalimbai’g lé pana: Aa ooje, neḛ n’tum gin néje lai sigi. Tɔɓəi yeḛ ulam pana: Maji kam m’ndaŋg ta neelé mee maktub’g mbata ta neelé to kankəmta gə́ to njaŋg.