Lugu 5:22 - Maktub gə́ To gə Kəmee

²² Jeju gər takə̰ji lə dee gə́ meḛ dee’g gao, bèe ɓa yeḛ un ta ula dee ne pana: See ta ɗi ɓa seḭ ə̰jije meḛ sí’g nḛ wa.

Lugu 5:22 ပူးပေါင်းရင်းမြစ်များ

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

Pakɔsje 139:2

I oo loo kisi naŋg ləm ləm, gə loo kḭ tar ləm ləm tɔ, Takə̰ji ləm gə́ nai əw ɓəi lé i oo gao ya.

Gosota-Kəmkàrje 15:26

Takə̰jije gə́ majel to né gə́ mina̰ kəm Njesigənea̰’g, Nɛ taje gə́ maji lé to né gə́ àr ŋgad-ŋgad kəmee’g tɔ.

Esai 66:18

Ma m’gər kula ra dee gə takə̰jije lə dee tɔ. Ndɔ mbo̰ ginkoji dəwje gə raŋg lai gə takɔji dəwje lai dɔ na̰’d teḛ mba̰ ndá d’a ree koo rɔnduba ləm,

Ejekel 38:10

Mbaidɔmbaije gə́ Njesigənea̰ pa togə́bè pana: Mee ndəa’g neelé takə̰jije d’a kḭ məəi’g ndá i a kwɔji néje gə́ majel məəi’g gə mba ra.

Matiyo 12:15

Jeju oo gao ndá yeḛ ḭ keneŋ aw gə́ raŋg. Boo-dəwje ndolè gée. Yeḛ aji njérɔko̰je lai ar rɔ dee to kari péd-péd

Matiyo 12:25

Jeju gər takə̰ji lə dee gə́ nai meḛ dee’g ɓəi lé ndá yeḛ ula dee pana: Ɓeeko̰ gə́ rara kara ɓó lé d’ɔm meḛ dee na̰’d el ndá d’a kḭ gə na̰ tuji na̰. Ɓee-boo gə́ rara əsé kəi gə́ rara kara ɓó lé d’ɔm meḛ dee na̰’d el ndá d’a si el tɔ.

Matiyo 9:4

Jeju gər takə̰ji lə dee gao ndá yeḛ dəji dee pana: See ban ɓa seḭ ə̰jije ta gə́ yèr meḛ sí’g, ɔmje dɔm’g wa.

Mark 8:17

Jeju oo ndá yeḛ ila dee keneŋ pana: See ban ɓa ulaje na̰ ta gə ŋgan gwɔs sí njigi-njigi pajena: M’pata m’wɔji ne dɔ muru gə́ godo ji sí’g wa. See kəm sí inja el nja dɔrɔ ɓəi wa. See seḭ gərje ginee njai el nja ɓəi wa.

Lugu 24:38

Nɛ yeḛ dəji dee pana: See ban ɓa takə̰ji gə́ togə́bè kinja na̰ meḛ sí’g bèe wa.

Lugu 5:21

Njéndaji-maktubje gə Parisiḛje d’un kudu kḛji ta meḛ dee’g pana: See dəw neelé to gə́ na̰ ɓa yeḛ ila ndɔl dɔ loo’g togə́bè wa. See na̰ ɓa askəm kɔr kaiya dɔ dəwje’g wa. See Ala lé nja kára ba el wa.

Lugu 5:23

See yee gə́ ra ɓa a to kəm pa ɓəi wa, kaiya ləi ɔr dɔi’g əsé ḭta njaa ɓa kəm pa ɓəi wa.

Néra Njékaḭkulaje 5:3

Yen ŋga Piɛrə dəjee pana: Gelee ban ɓa Njekurai taa məəi pəl-pəl ari ula ne Ndilmeenda taŋgɔm, ari kai ne ta lar ndɔ ləi wəs ba ɓa ree ne bèe wa.

Ǝbrəje 4:12

Mbata ta lə Ala lé to ta gə́ kəmba gə́ ɓar mḭ yaa̰, adə yaa̰ unda kiambas gə́ rara gə́ ŋgaŋgee joo ndá yee ta̰ mbuna kankəmrɔ gə ndil ləm, mbuna siŋga gə ubee mée’g ləm tɔ, yee teg takə̰ji lə dəw gə́ mée’g tɔ.

Loo gə́ killa rea kəm Ja̰’g 2:23

M’a kar ŋganee d’wəi mburug, ndá Eglisəje lai d’a koo to gə́ ma m’to nje naa meekuru lə dəwje ləm, ma m’to njenaa takə̰ji gə́ meḛ dee’g ləm tɔ ndá ma nja m’a kuga sí kára-kára lai gə goo néra sí ya.