Lugu 5:19 - Maktub gə́ To gə Kəmee

¹⁹ Nɛ deḛ d’oo kəm loo gə́ kára bèe gə mba kandə kaw səa kaw teḛ ne rɔ Jeju’g lé el mbata boo-dəwje rusu loo tub-tub ndá d’unee bura d’al səa dɔ kəi’g tar, d’ɔr kəm loo d’ulá keneŋ gə tira ləa bura risi səa d’unda naŋg no̰ Jeju’g mbuna koso-dəwje’g neelé.

Lugu 5:19 ပူးပေါင်းရင်းမြစ်များ

2 Samel 11:2

Kàrkemetag gə́ kára bèe ndá Dabid ḭ loo-tée’g. Loo gə́ yeḛ aw njaa dɔ kəi’g ləa gə́ tar gə́ to kəi-mbai lé ndá yeḛ oo dené kára gə́ aar ndogo mán, yeḛ to dené gə́ ma̰də yaa̰ tɔ.

Jeremi 19:13

Kəije gə́ Jerusalem ləm, gə kəije lə mbaije gə́ Juda ləm, dɔ kəije lai gə́ d’aw roo né gə́ ə̰də sululu keneŋ d’ar boo-nékundaje lai gə́ dara ləma, gə d’un nékar gə́ ka̰ saga naŋg d’ar magəje ləm tɔ lé d’a mina̰ to gə́ loo gə́ Topet bèe.

Matiyo 10:27

Ta gə́ m’ula sí dan loo’g ndá paje dan kàrá, ta gə́ m’pa wédé-wédé mbi sí’g ndá ubaje ne dɔ kəije ilaje ne mber.

Matiyo 24:17

kar yeḛ gə́ si dɔ kəi’g tar lé rəm uru naŋg odo néje ləa gə́ to mee kəi’g el ləma,

Mark 2:4

Nɛ d’oo kəm loo mba kandə kaw ne səa rɔ Jeju’g el mbata dəwje rusu loo tub-tub. Togə́bè ɓa deḛ d’al tar dɔ kəi’g, d’ɔr kəm loo gə́ wɔji dɔ loo gə́ Jeju si keneŋ lé. Loo gə́ deḛ woḭ kəm loo mba̰ ndá deḛ d’unee gə tira ləa gə́ yeḛ to keneŋ lé bura risi səa naŋg rɔ Jeju’g tɔ.

Tel tura Godndu 22:8

Ɓó lé seḭ raje kəi gə́ sigi ndá seḭ a raje kag-gəd-rɔ gugu ne dɔ kəi sub gə mba kar dəw ḭ keneŋ oso ila ne məs dɔ kəi’g lə sí el.

1 Samel 9:25

Deḛ d’ḭ dɔdərloo’g lé d’ur naŋg d’aw mee ɓee-boo’g ndá Samel gə Sawul d’wɔji na̰ ta dɔ kəi’g tar gə́ raga.