Lugu 5:17 - Maktub gə́ To gə Kəmee

¹⁷ Ndɔ kára bèe Jeju si ndoo dee ta ndá Parisiḛje gə njéteggin godnduje gə́ d’ḭ ŋgan-ɓeeje gə́ Galile ləm, gə Jude ləma, gə Jerusalem ləm tɔ lé d’isi keneŋ tɔ. Siŋgamoŋ lə Mbaidɔmbaije nai səa aree ɔr rɔko̰ gə́ rɔ njérɔko̰je’g.

Lugu 5:17 ပူးပေါင်းရင်းမြစ်များ

Matiyo 11:5

njékəmtɔje d’oo loo ləm, njémədje njaa ləm, njéba̰jije rɔ dee ɔr ɓə̰dərə-ɓə̰dərə ləm, njégwɔskuduje d’oo ta ləm, njé gə́ d’wəi d’unda loo teḛ ləma, njéndooje kara d’oo tagə́maji lé ta njékilamberje ləm tɔ.

Matiyo 15:1

Parisiḛje deḛ gə njéndaji-maktubje d’ḭ Jerusalem ree rɔ Jeju’g dəjee pana:

Mark 1:45

Nɛ loo gə́ diŋgam neelé ɔd aw ndá yeḛ un kudu tɔs taree mbi dəwje’d gə́ kédé-kédé, ar Jeju oo loo kila rəa mee ɓee’g neelé el nja saar. Togə́bè ɓa yeḛ aw si dɔdilaloo’g walá ndá dəwje d’ḭ gə ɓee-ɓee ree rəa’g.

Mark 16:18

d’a kwa ne lije gə ji dee peb-peb ləm, lé d’ai kuma̰ yoo lé a ra dee majel el ləma, d’a kila ji dee dɔ njérɔko̰je’g ndá njérɔko̰je lé d’a kaji kəbərə-kəbərə ya ləm tɔ.

Mark 3:22

Njéndaji-maktubje gə́ d’ḭ Jerusalem’g ree lé deḛ pana: Ndil Beeljebul taa mée, ar mbɔl dəa ɓa yeḛ tuba ne ndilje gə́ yèr neelé.

Mark 5:30

Léegəneeya Jeju gər gao to gə́ siŋgá teḛ rəa’g bəl. Yeḛ turu kəmee wagəsa gə́ dɔ boo-dəwje’g neelé dəji dee pana: See na̰ ɓa wa ta kubu ləm wa.

Mark 7:1

Parisiḛje gə njéndaji-maktubje gə́ na̰je gə́ d’ḭ Jerusalem lé ree mbo̰ dɔ na̰ rɔ Jeju’g.

Lugu 15:2

Parisiḛje gə njéndaji-maktubje wédé na̰ ta pana: Dəw neelé wa kaiya-dəwje gə́ rəa’g sɔ sə dee né.

Lugu 2:46

Ndɔ munda lə dee ɓa d’iŋgá mee kəi-Ala’g, yeḛ ta̰ pə̰ njégərgosɔ godnduje si dan dee’g si oo tapa dee ləm, yeḛ kara dəji dee ta ləm tɔ.

Lugu 5:21

Njéndaji-maktubje gə Parisiḛje d’un kudu kḛji ta meḛ dee’g pana: See dəw neelé to gə́ na̰ ɓa yeḛ ila ndɔl dɔ loo’g togə́bè wa. See na̰ ɓa askəm kɔr kaiya dɔ dəwje’g wa. See Ala lé nja kára ba el wa.

Lugu 5:30

Parisiḛje gə njéndaji-maktubje jém ta gə ŋgan gwɔs dee dəji ne njékwakila Jejuje pana: See ban ɓa seḭ sɔje gə aije né gə njétaa lar-gədɓee gə kaiya-dəwje togə́bè wa.

Lugu 6:19

Boo-dəwje lai-lai lé saŋg loo gə mba kɔrɔ rəa gə́ ji dee peb-peb ya mbata siŋgamoŋ teḛ rəa’g uru rɔ dee’g ndá aji dee lai-lai ya tɔ.

Lugu 7:30

Nɛ Parisiḛje gə njéteggin godnduje lé mbad karee ra dee batɛm, d’ɔg ne loo né gə́ Ala wɔji gə mba kar dee lé saar tɔ.

Lugu 8:46

Nɛ Jeju ila dee keneŋ pana: Dəw kára ɔrɔ rɔm ya mbata ma m’gər to gə́ siŋgam teḛ ɓəl.

Tagə́maji gə́ Ja̰ ndang 3:10

Jeju tel ilá keneŋ pana: See i gə́ njendoo Israɛlje né lé ya, see ta nee dumi ari gər ginee el wa.

Tagə́maji gə́ Ja̰ ndang 3:21

Nɛ yeḛ gə́ nérea wa bua kankəmta lé ndá yeḛ ree lookàr’g ya mba kar nérea kinja gə́ raga mba kar dee d’oo mbata yeḛ ra né gə goo siŋgamoŋ lə Ala ya.

Néra Njékaḭkulaje 19:11

Ala unda némɔrije gə́ doŋgɔ ji Pool’g aree ra,

Néra Njékaḭkulaje 4:30

ula jii ndiŋ ar dee gə mba kar dee d’ɔr ne rɔko̰je ləm, gə ra ne némɔrije ləma, gə ra ne néje gə́ dumkoo ləm tɔ gə ri Jeju, kura ləi gə́ i undá gə kəmee lé ya.

Néra Njékaḭkulaje 5:34

Nɛ dəw kára mbuna dee’g ria lə Gamaliel, yeḛ to Parisiḛ gə́ njeteggin godndu ləm, koso-dəwje lai d’ɔr ta ləa maji ləm tɔ. Yeḛ ḭta loo-gaŋg-rəwta’g lə Jibje un ndia gə mba kar dee d’ar njékaḭkulaje lé d’unda loo teḛ raga bəl ɓa.