Lugu 5:14 - Maktub gə́ To gə Kəmee

¹⁴ Jeju tɔ təa ká mba kar taree teḛ təa’g ar dəw oo el ɓəi. Nɛ yeḛ ulá pana: Maji kari ɔd aw ɓee lə njekinjanéməs aw unda rɔi aree oo ndá un nékinjaməs gə́ godndu Moyis wɔji mba kɔr won rɔi lé mba karee to gə́ nékɔrkəmta ləi kəm dəwje’g.

Lugu 5:14 ပူးပေါင်းရင်းမြစ်များ

Ləbije 13:2

Loo gə́ dəw kára né tiee to gə́ lu bèe, əsé tilá ar rəa ḭ ŋgwɔi əsé rəa tila ndá asəna gə́ doo ba̰ji gə́ to ndar rəa’g bèe ndá d’a kaw səa rɔ Aaro̰ gə́ njekinjanéməs’g, əsé rɔ ŋgonee’g kára mbuna ŋganeeje gə́ to njékinjanéməsje lé karee a tən doo

Ləbije 13:49

ɓó lé moro neelé to gə́ kam gə́ ɔb wə əsé kas gəḭ dɔ kubu’g əsé dɔ ndar’g, dɔ kúla kubu gə́ tḭja yao-yao’g əsé kúla gə́ tula mbuna’g əsé dɔ né gə́ rara gə́ ra gə ndar ndá to moro gə́ loo kɔree godo, né neelé d’a tɔji njekinjanéməs ya.

Matiyo 10:18

D’a ndɔr sí kɔm sí ji njéguburuɓeeje’g ləm, gə ji mbaije ləm tɔ gə mba kar sí ɔrje ginta ləm kəm dee’g ləm, gə kəm njépole-magəje’g ləm tɔ.

Matiyo 12:16

ndá yeḛ ndəji dee bər-bər pana: D’a pa taree kar dəw kára kara oo el,

Matiyo 8:4

Tɔɓəi Jeju ulá pana: Maji kari udu taree məəi’g ar dəw oo səi el ɓəi, nɛ aw rɔ njekinjanéməs’g tɔjee rɔi ɓó gə un nékar-Ala aree gə goo godndu Moyis gə mba karee to ne nékɔrkəmta ləi kəm dəwje’g ɓa.

Matiyo 9:30

Léegəneeya kəm dee teḛ. Jeju ndəji dee pana: Yen, maji kar dəw kára kara oo né neelé el.

Mark 1:44

Yen, i lé maji kari tɔs kəmi dɔ rɔi’g ɓó ar tai gə́ ja̰ kara teḛ ar dəw oo el. Nɛ aw gə darɔi aw tɔji njekinjanéməs ndá un né gə́ godndu Moyis wɔji lé mba karee to ne nékɔrkəmta mbata lə dee.

Mark 6:11

Ɓó lé loo gə́ rara ɓa gə́ seḭ a teḛje keneŋ ɓa deḛ ndigi kwa sí gə́ rɔ dee’g el ləm, deḛ ndigi koo ta lə sí el ləm tɔ ndá ḭ saaje rɔ sí keneŋ gə́ gogo ləm, kundaje kor gə́ gɔl sí’g kɔd-kɔd dɔ ɓee’g neelé ləm tɔ mba karee to gə́ nékɔrkəmta gə́ a kwa dɔ dee lé kɔmje dɔ dee’g.

Lugu 17:14

Loo gə́ yeḛ oo dee ndá yeḛ ula dee pana: Awje aw undaje rɔ sí arje njékinjanéməsje d’oo. Nɛ loo gə́ d’ɔd d’isi d’aw lé ndá ba̰ji ɔr rɔ dee’g ndɔs-ndɔs.

Lugu 5:13

Jeju ula jia par wa ne rəa peb ulá pana: Ma m’ndigi bèe ya, maji kar ba̰ji ɔr rɔi’g ndɔs-ndɔs. Léegəneeya ba̰ji lé ɔr rəa’g ndɔs-ndɔs ya tɔ.

Lugu 9:5

Ɓó lé njéɓeeje lé d’wa sí gə́ rɔ dee’g el ndá undaje loo teḛje mee ɓee’g neelé ɓa kundaje kor gə́ gɔl sí’g kɔd-kɔd undaje ne naji lə sí ɔmje dɔ dee’g.