Lugu 5:13 - Maktub gə́ To gə Kəmee

¹³ Jeju ula jia par wa ne rəa peb ulá pana: Ma m’ndigi bèe ya, maji kar ba̰ji ɔr rɔi’g ndɔs-ndɔs. Léegəneeya ba̰ji lé ɔr rəa’g ndɔs-ndɔs ya tɔ.

Lugu 5:13 ပူးပေါင်းရင်းမြစ်များ

Gḭ-Néje 1:3

Ala pana: Maji kar loo àr! Ndá loo àr ya tɔ.

Gḭ-Néje 1:9

Ala pana: Maji kar manje gə́ to gel dara’g lé mbo̰ na̰ loo kára mba kar loo gə́ tudu teḛ gə lé tɔ. Ndá to lée’g togə́bè ya.

2 Mbaije 5:10

Ndá Elije ula ŋgon njekula rəa’g aree ulá pana: Aw ula rɔi mán baa gə́ Jurdɛ̰ gɔl siri ndá ba̰ji a kɔr rɔi’g kar rɔi àr ŋgad-ŋgad.

2 Mbaije 5:14

Yen ŋga Naaman risi ur dan baa gə́ Jurdɛ̰’g ula rəa keneŋ gɔl siri to gə́ dəw lə Ala ulá ne lé ndá rəa tel àr ŋgad-ŋgad asəna gə rɔ ŋgonkas bèe.

Pakɔsje 33:9

Mbata yeḛ pata ndá Née teḛ gə torndia ya ləm, Yeḛ un ndia ndá Née to keneŋ bèe ya ləm tɔ.

Ejekel 36:29

N’a kɔr sí dan néje’g lə sí lai gə́ mina̰ lé. N’a ɓar kó karee taa loo pəl-pəl, n’a kula gə ɓoo-boo dɔ sí’g el ŋga.

Ojee 14:4

Asirije d’a kaji sí el ləm, Kunda-kaw-rɔje lé j’a kuba dee el ləma, Néje gə́ jeḛ n’raje gə ji sí lé kara J’a kula dee pana: Deḛ to gə́ Ala lə sí bèe el ləm tɔ. Mbata I ɓa to gə́ njekookəmto̰doo lə ŋgonal ya.

Matiyo 8:3

Jeju ula jia paar ɔrɔ ne rəa pana: Ma m’ndigi səi ya, maji kar rɔi ɔr ɓə̰dərə-ɓə̰dərə ya. Léegəneeya ba̰ji ɔr rəa’g ɓə̰dərə-ɓə̰dərə ya tɔ.

Lugu 4:39

Jeju aar dəa’g, rugu naŋg ndaŋg rɔko̰ neelé ndá rɔko̰ lé ḭ dəa’g kə̰geŋ. Léegəneeya məəm Simo̰je gə́ dené lé uba naŋg ḭta ndá ra né ar dee d’usɔ.

Lugu 5:12

Loo gə́ Jeju sí mee ɓee-boo gə́ kára bèe ndá diŋgam kára gə́ ba̰ji ila bina rəa’g mbə̰gərə-mbə̰gərə aa loo ée ndá rəm oso naŋg bəbərə dəb kəmee naŋg nea̰’g, un ta ulá oso ne ndòo pana: Mbaidɔmbaije, ɓó lé məəi ndigi ndá i askəm kar rɔm ɔr ɓə̰dərə-ɓə̰dərə ya.

Lugu 5:14

Jeju tɔ təa ká mba kar taree teḛ təa’g ar dəw oo el ɓəi. Nɛ yeḛ ulá pana: Maji kari ɔd aw ɓee lə njekinjanéməs aw unda rɔi aree oo ndá un nékinjaməs gə́ godndu Moyis wɔji mba kɔr won rɔi lé mba karee to gə́ nékɔrkəmta ləi kəm dəwje’g.