Lugu 4:41 - Maktub gə́ To gə Kəmee

⁴¹ Ndilje gə́ yèr d’unda loo teḛ meḛ dəwje’g bula gə kii ta dee’g wəl-wəl pana: I to Ŋgon-Ala lé nja. Nɛ yeḛ ɔs ta dee’g rəw, ɔg dee loo pea’g mbata deḛ gər gao yeḛ to Kristi lé nja.

Lugu 4:41 ပူးပေါင်းရင်းမြစ်များ

Matiyo 26:63

Jeju ila təa maree’g ndag ya si. Ŋgɔ-njekinjanéməs lé un ta ulá pana: Ma mani gə ri Ala gə́ njesikəmba, ɓó lé i to Kristi, Ŋgon-Ala lé nja ndá ula sí woḭ.

Matiyo 4:3

Léegəneeya, njekər dəwje ree pər gə́ rəa’g ulá pana: Ɓó lé i to Ŋgon-Ala gə́ gəd ya ndá un ndui ar kɔr mbalje neelé tel muru ko̰ lé.

Matiyo 8:16

Loo gə́ kàr aar dɔ kam’g ler ndá deḛ d’odo njé gə́ ndilje gə́ majel ra dee d’uba sə dee yao-yao. Jeju pata gə ndia ya tuba ne ndilje gə́ majel meḛ dee’g ləm, yeḛ aji njérɔko̰je lai ləm tɔ.

Matiyo 8:29

Deḛ ra né ɓəgəgə-ɓəgəgə pana: I Ŋgon-Ala lé see ɗi ləi ɓa to rɔ sí’g wa. See i ree mba kula kəm sí ndòo kédé yal ɓa kar ndəa teḛ ɓəi wa.

Matiyo 8:4

Tɔɓəi Jeju ulá pana: Maji kari udu taree məəi’g ar dəw oo səi el ɓəi, nɛ aw rɔ njekinjanéməs’g tɔjee rɔi ɓó gə un nékar-Ala aree gə goo godndu Moyis gə mba karee to ne nékɔrkəmta ləi kəm dəwje’g ɓa.

Mark 1:25

Jeju ndaŋg ndil gə́ yèr neelé ɓəgəgə ulá pana: Wa tai! ndá teḛ mee dəw’g neelé gə́ raga.

Mark 1:32

Loo gə́ kàr andə mba̰ ndá d’odo njérɔko̰je gə deḛ gə́ ndilje gə́ yèr d’ula kəm dee ndòo ree sə dee rəa’g,

Mark 1:34

Yen ɓa yeḛ ɔr rɔko̰ gə́ gə ria-ria rɔ dəwje’g bula ləm, ndilje gə́ yèr kara yeḛ tuba dee meḛ dəwje’g ləm tɔ ndá yeḛ un ndia ar ndilje gə́ yèr neelé ɔg dee dɔ pa taree mbata deḛ gəree gao.

Mark 3:11

Loo gə́ ndilje gə́ yèr d’aa loo ɓèd d’ée ndá d’unda barmba dəb kəm dee naŋg nea̰’g ra né pénéné-pénéné pana: I lé to Ŋgon-Ala gə́ gəd nja.

Lugu 4:39

Jeju aar dəa’g, rugu naŋg ndaŋg rɔko̰ neelé ndá rɔko̰ lé ḭ dəa’g kə̰geŋ. Léegəneeya məəm Simo̰je gə́ dené lé uba naŋg ḭta ndá ra né ar dee d’usɔ.

Tagə́maji gə́ Ja̰ ndang 20:31

Nɛ ta néje neelé deḛ ndaŋg keneŋ gə mba kar sí ɔmje ne meḛ sí dɔ Jeju’g to gə́ yeḛ to Kristi, Ŋgon-Ala lé tɔ. Ɓó lé seḭ ɔmje meḛ sí dəa’g ndá mbɔl dɔ ria ɓa seḭ a sije ne gə kəmə lé tɔ.

Maktub gə́ Jak ula ne ar ngan-Allaje 2:19

I ə̰ji məəi’g pana: Ala kára ba kiao, yee ɓa i ra maji, nɛ ndilje gə́ majel kara d’ə̰ji meḛ dee’g togə́bè tɔ ndá dee ndəb ne pəd-pəd.