Lugu 4:35 - Maktub gə́ To gə Kəmee

³⁵ Jeju ɔs təa’g rəw pana: Wa tai gə́ raŋg ndá unda loo ɓad ya teḛ mee dəw’g neelé gə́ gogo. Ndil gə́ yèr lé biri dəw neelé widi ilá naŋg dan koso-dəwje gə́ d’wa dɔ na̰ lé ɓa unda loo teḛ mée’g ɓəi ɓó ra səa né gə́ majel kára kara el.

Lugu 4:35 ပူးပေါင်းရင်းမြစ်များ

Pakɔsje 50:16

Ala pata ar njemeeyèr pana: See gə mba ɗi ɓa i tura tornduje lə neḛ ləm, I ar ta manrɔ lə neḛ to tai’g ya bèe ləm tɔ wa.

Jakari 3:2

Njesigənea̰ ula Njekurai pana: Njekurai, maji kar Njesigənea̰ ila ta dɔi’g. Maji kar Njesigənea̰ yeḛ gə́ njekɔr Jerusalem kundá gə kəmee lé ila ta dɔi’g ya. See dəw neelé to asəna gə dɔdum kag gə́ d’ɔree ta pər’g el wa.

Matiyo 17:18

Jeju wa ta ndil gə́ yèr neelé aree teḛ mee ŋgon’g lé. Mee kàree’g neelé nja rɔ ŋgon lé to kari péd-péd tɔ.

Matiyo 8:26

Yeḛ dəji dee pana: See ban ɓa ɓəlje wa, seḭ njémeekunje gə́ əḭ el. Yen ŋga yeḛ uba naŋg ḭta ndaŋg lel ləm, gə mán baa-boo ləm tɔ ar loo to ndiŋ.

Mark 1:26

Ndil gə́ yèr lé teḛ mee dəw’g neelé ndá yeḛ oree lərərə-lərərə aree no̰ wəl-wəl ɓa unda loo teḛ mée’g ɓəi.

Mark 4:39

Yeḛ ḭ dɔ ɓi’g ndá ḭ gə lel ndaŋgee ləm, yeḛ pa gə paŋgəm mán baa-boo ləm tɔ pana, Mbim udu, ar loo to mundu ləm tɔ! Léegəneeya lel lé əw rəa kula ləm, dɔ mán toso ɗəḭ-ɗəḭ ləm tɔ.

Mark 9:26

Yen ŋga ndil gə́ yèr neelé wa ŋgon lé mbiree mba̰-mba̰, ra né wəl ɓa unda loo teḛ mée’g ɓəi. Ŋgon lé to sel asəna gə dəw gə́ wəi bèe, ar njé gə́ na̰je pana: Yeḛ wəi mba̰.

Lugu 11:22

Nɛ ɓó lé dəw gə́ njesiŋgamoŋ gə́ ur dəa-yeḛ’g lé ree teḛ dəa’g tədee rém-rém dumee ndá a kiri nérɔje ləa gə́ yeḛ ɔm mée dɔ dee’g rigim ləm, tɔɓəi néje gə́ maree unda banrɔ neelé a kai dəwje pə-pə ləm tɔ.

Lugu 4:23

Jeju ila dee keneŋ pana: Seḭ a kawje saar a kɔrje gosota nee gə́ pana: I njekuma̰-kaji lé aji darɔi-i nja ar sí j’oo səi. Seḭ a kɔrje kwɔjije ne dɔm paje ne səm pana: Néje lai gə́ m’ra Kapernawum gə́ seḭ ooje taree lé maji karm m’ra mee ɓee-kojim’g nee m’ar sí ooje səm tɔ.

Lugu 4:39

Jeju aar dəa’g, rugu naŋg ndaŋg rɔko̰ neelé ndá rɔko̰ lé ḭ dəa’g kə̰geŋ. Léegəneeya məəm Simo̰je gə́ dené lé uba naŋg ḭta ndá ra né ar dee d’usɔ.

Lugu 4:41

Ndilje gə́ yèr d’unda loo teḛ meḛ dəwje’g bula gə kii ta dee’g wəl-wəl pana: I to Ŋgon-Ala lé nja. Nɛ yeḛ ɔs ta dee’g rəw, ɔg dee loo pea’g mbata deḛ gər gao yeḛ to Kristi lé nja.

Lugu 8:24

Deḛ rəm pər gə́ rəa’g ndelee d’ulá pana: Mbai, mbai, jeḛ lé n’saḭ mba̰. Yeḛ teḛ kəmee yərərə ndá ḭ gə lel ndaŋgee ləm, yeḛ pa gə paŋgəm mán lé ləm tɔ. Léegəneeya lel lé əw rəa kula ləm, dɔ mán kara toso ɗəḭ-ɗəḭ ləm tɔ.

Lugu 9:39

Ndil gə́ yèr lé uba ŋgon pḛ́ wá mbiree mba̰-mba̰ ləm, ar əm uba təa’g mbugu-mbugu ləma, aree ra né pénéné aw səa saar tədee rug-rug ləm tɔ ɓa ubá wɔg yá̰ ɓəi.

Lugu 9:42

Loo gə́ ŋgon lé unda dɔ Jeju dəb ndá ndil gə́ yèr lé wá ilá naŋg birig, mbiree mba̰-mba̰. Nɛ Jeju ndaŋg ndil gə́ yèr neelé paḭ ndá aji ne ŋgon lé ɓa wá ulá ji bɔbeeje’g ɓəi.

Loo gə́ killa rea kəm Ja̰’g 12:12

Gelee gə́ nee ɓa dara, maji kari al rɔi ləm, seḭ gə́ sije keneŋ lé maji kar sí alje rɔ sí tɔ. Némeeko̰ a nai dɔ naŋg nee ləm, gə dɔ baa-boo’g ləm tɔ mbata njekurai lé risi uru naŋg rɔ sí’g mba̰ ndá mée ḭ jugugu mbata yeḛ gər gao, ndəa nai dəb ba ŋga.