Lugu 4:23 - Maktub gə́ To gə Kəmee

²³ Jeju ila dee keneŋ pana: Seḭ a kawje saar a kɔrje gosota nee gə́ pana: I njekuma̰-kaji lé aji darɔi-i nja ar sí j’oo səi. Seḭ a kɔrje kwɔjije ne dɔm paje ne səm pana: Néje lai gə́ m’ra Kapernawum gə́ seḭ ooje taree lé maji karm m’ra mee ɓee-kojim’g nee m’ar sí ooje səm tɔ.

Lugu 4:23 ပူးပေါင်းရင်းမြစ်များ

Matiyo 13:54

Yeḛ aw mee ɓee gə́ yeḛ tɔg keneŋ ndoo dee né mee kəi-kwa-dɔ-na̰’g lə dee. Deḛ gə́ d’oo ta gə́ yeḛ ndoo dee lé kaar dee wa dee paḭ ar dee pana: Kəmkàr ləa gə siŋgamoŋ gə́ yeḛ ra ne némɔrije bèe lé see yeḛ ḭ ne ra wa.

Matiyo 4:13

Yeḛ ḭ Najaret aw si Kapernawum mbɔr baa-boo’g dəb, mee ɓeeko̰ gə́ Jabulo̰ gə Neptali

Matiyo 4:23

Jeju gugu mee ɓeeko̰ gə́ Galile ndá yeḛ ɔr goo tagə́maji gə́ wɔji ne dɔ ɓeeko̰ lé ndoo dee ne mee kəi-kwa-dɔ-na̰je’g lə dee ləm, rɔko̰ gə́ rara gə néyooje gə́ rara gə́ ra dəwje lé kara yeḛ ɔr rɔ dee’g ləm tɔ.

Mark 6:1

Jeju ḭ lée’g neelé ɔd aw gə́ ɓee-kojee’g. Njékwakiláje d’ɔm na̰ gée’g d’aw səa tɔ.

Lugu 2:39

Loo gə́ deḛ tɔl ta néje gə́ godndu lə Mbaidɔmbaije wɔji bém mba̰ ndá Jisəb gə Mari tel d’aw Galile mee ɓee lə deḛ gə́ Najaret.

Lugu 2:51

Yen ɓa, yeḛ tədkag dee uba naŋg ḭ aw sə dee ɓee lə dee gə́ Najaret lé ɓəi. Ta neelé kea̰je wa mée’g bururu tɔ.

Lugu 4:16

Jeju ḭ keneŋ aw Najaret, ɓee gə́ yeḛ tɔg keneŋ ndá yeḛ andə aw mee kəi-kwa-dɔ-na̰’g gə ndɔ-kwa-rɔ gə goo nérea gə́ yeḛ ra ta-ta. Yeḛ uba naŋg ḭta gə mba tura maktub

Lugu 4:31

Yeḛ ɔd keneŋ aw Kapernawum dɔ naŋg gə́ Galile ndoo dee ta keneŋ gə ndɔ-kwa-rɔ.

Lugu 4:35

Jeju ɔs təa’g rəw pana: Wa tai gə́ raŋg ndá unda loo ɓad ya teḛ mee dəw’g neelé gə́ gogo. Ndil gə́ yèr lé biri dəw neelé widi ilá naŋg dan koso-dəwje gə́ d’wa dɔ na̰ lé ɓa unda loo teḛ mée’g ɓəi ɓó ra səa né gə́ majel kára kara el.

Lugu 6:42

Esé see i a kula ŋgokɔḭ pana: Ŋgokɔm, am m’ɔr njawala gə́ to kəmi’g kən m’ari ŋga see guburu kag gə́ o̰ kəmi mbèd kən lé see i oo el wa. Njehulai, ɔr guburu kag gə́ o̰ kəmi mbèd kən lé kédé ɓad ɓa i a koo loo gə mba kɔr ne njawala gə́ to kəm ŋgokɔḭ’g lé ɓəi.

Tagə́maji gə́ Ja̰ ndang 4:28

Dené neelé ya̰ ku-jo ləa naŋg ɔd aw mee ɓee-boo’g ula dəwje gə́ mee ɓee’g neelé pana:

2 Njé gə́ Kɔrḭtə 5:16

Togə́bè ɓa un ginee ɓasinè lé jeḛ n’gər dəw kára kara gə goo darəa el. Kristi kara ɓó lé jeḛ n’gəree gə goo darəa kédé lé ndá ɓasinè j’a gəree togə́bè el tɔ.