Lugu 4:18 - Maktub gə́ To gə Kəmee

¹⁸ Ndil Mbaidɔmbaije dəb dɔm’g Mbata yeḛ nja wa dɔm gə ubu Mba karm m’ila mber tagə́maji lé m’ar njéndooje ya. Yeḛ ulam gə mba karm m’ila mber ta kɔr ɓər dɔ deḛ gə́ d’wa dee ɓər ləm, Mba karm m’ula njékəmtɔje ta kəm deḛ gə́ a gə kinja kar dee d’oo ne loo ləm, Mba kar deḛ gə́ d’udu dee kəi lé d’a kila rɔ dee ləma,

Lugu 4:18 ပူးပေါင်းရင်းမြစ်များ

Gḭ-Néje 3:15

M’a kar ba̰ to mbuna sí-seḭ gə dené’g ləm, Gə mbuna ŋgakaije gə ŋgakea-yeḛje’g ləm tɔ. Yeḛ a rəd dɔi naŋg Ndá i a to̰ gel gɔlee tɔ.

2 Sôrta Gḭka Israɛlje 34:27

Mbata ɓəŋgəri ti dus ləm, mbata i wa ndòo no̰ Ala’g lé dɔ ta gə́ pa dɔ loo gə́ nee’g gə dɔ dəwje gə́ d’isi keneŋ ləm, mbata i oso kul no̰m’g ləma, mbata i til kubuje ləi rɔi’g no̰m’g ləm tɔ ndá ma kara m’oo ndui ya tɔ. Njesigənea̰ ɓa pa bèe.

Pakɔsje 102:20

Mbata yeḛ si loo ləa gə́ to tar sab gə́ wɔji dɔ meenda ləa Aa ne loo gərərə ləm, Njesigənea̰ lé si sém dara gə́ tar nu ya Ila kəmee oo ne loo gə́ dɔ naŋg nee ləm tɔ

Pakɔsje 147:3

Yeḛ aji deḛ gə́ ɓəŋgərə dee ti dus ləm, Yeḛ tɔ ta dooje lə dee ləm tɔ.

Pakɔsje 2:2

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Njesigənea̰ gə yeḛ gə́ yeḛ wa dəa gə ubu lé.

Pakɔsje 2:6

Yeḛ pana: Yeḛ gə́ n’undá gə́ mbai lé Neḛ nja n’wa dəa gə ubu. Dɔ mbal’g lə neḛ gə́ Sio̰ gə́ to gə kəmee doi!

Pakɔsje 34:18

Loo gə́ njémeekarabasurje no̰ wəl ndá Njesigənea̰ oo ndu dee ya, Yeḛ ɔr dee ne dan néurtije’g lə deḛ lai.

Pakɔsje 45:7

Ǝi Ala, kalimbai ləi lé to saar gə no̰, Kag-mbai gə́ ka̰ ko̰ɓee ləi lé to kag-mbai gə́ ka̰ meekarabasur lé.

Pakɔsje 51:17

Mbaidɔmbaije, maji kari wa tam teḛ Ndá tam a kila mber ta pidiije.

Esai 32:3

Deḛ gə́ d’oo loo lé Kəm dee a tel libi el ŋga ləm, Deḛ gə́ d’oo ta lé D’a kur mbi dee gèŋ ləm tɔ.

Esai 35:5

Yen ɓa kəm njékəmtɔje a kinja ləm, Mbi njémbikuduje kara d’a kinja bərəŋ ləm tɔ,

Esai 42:7

Gə mba kar kəm njékəmtɔje teḛ ləm, Gə mba kar deḛ gə́ d’wa dee ɓər lé D’unda loo teḛ ləma, Kar deḛ gə́ d’udu dee duu-loo gə́ loondul’g lé D’unda loo teḛ ləm tɔ.

Esai 45:13

Ma ɓa m’ar Sirus ḭ gə goo meekarabasur ləm Ndá m’a gɔl rəwje ləa lai kar dee d’asəna rai-rai, Yeḛ a tel gɔl ɓee-boo ləm gogo ləm, Yeḛ a kɔr ɓər dɔ dəwje’g Gə́ d’wa dee gə́ ɓər lé ləm tɔ Lal dəji nékoga dɔ dee ləm, Lal dəji néndogo-gel ləm tɔ, Njesigənea̰ gə́ njeboo-néje ɓa pa bèe.

Esai 49:9

Mba kula dee gə́ d’wa dee ɓər lé pana: Undaje loo teḛje ləm, Mba kula dee gə́ d’isi dan loondul’g pana: Aarje raga ndəgəsə ləm tɔ. Ndá d’a sɔ né dan kag-rəwje’g ləm, D’a kiŋga nékulrɔ dee dɔdərlooje’g lai ləm tɔ.

Esai 50:4

Mbaidɔmbaije gə́ Njesigənea̰ ulam ta Gə́ kəm karm m’pa Gə mba kam m’gər loo pata M’gəd ne yeḛ gə́ unda ndolè. Teḛ gə ndɔ gə ndɔje kára-kára lai lé Yeḛ ndelm, Yeḛ ar mbim to tag gə mba koo ne ta Gə mba kam m’oo ta To gə́ njékwakiláje d’oo bèe.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 59:21

Njesigənea̰ pana: Aa ooje, manrɔ gə́ ma man ne rɔm m’ar dee ɓa nee: Ndiləm gə́ ɔm dɔ sí’g lé ləm, gə taje ləm gə́ m’ɔm ta sí’g ləm tɔ lé d’a lal ta sí el ləm, d’a lal ta ŋgan síje el ləma, d’a lal ta ŋgan meḛ ŋgan síje el ləm tɔ, un kudee ɓasinè saar gə no̰. Njesigənea̰ ɓa pa bèe.

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Ejekel 9:4

Njesigənea̰ ulá pana: Aw dan mee ɓee-boo’d gə́ Jerusalem, aw tɔs né ŋgono̰ dəwje gə́ meḛ dee tila ŋgaḭla-ŋgaḭla’g ar deḛ tuma̰ ŋgururu-ŋgururu mbata néje gə́ mina̰ lai gə́ ra mee ɓee-boo’g neelé.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Soponi 3:12

N’a kya̰ koso-dəwje gə́ d’ula dɔ dee ləm, Gə njénékəmndooje ləm tɔ mbuna sí’g, Deḛ gə́ d’a saŋg njo̰loo kula dɔ lə dee gin ri Njesigənea̰’g lé.

Jakari 11:11

Manrɔ neelé tuji mee ndəa’g neelé ndá badje gə́ kəm dee to ndòo gə́ d’unda meḛ dee yel dɔm’g lé deḛ gər gao to gə́ to ta lə Njesigənea̰ ya.

Matiyo 11:5

njékəmtɔje d’oo loo ləm, njémədje njaa ləm, njéba̰jije rɔ dee ɔr ɓə̰dərə-ɓə̰dərə ləm, njégwɔskuduje d’oo ta ləm, njé gə́ d’wəi d’unda loo teḛ ləma, njéndooje kara d’oo tagə́maji lé ta njékilamberje ləm tɔ.

Matiyo 12:18

Aa oo, kura ləm nee gə́ m’ɔree kəm’g lé M’undá dan kəm’g m’ar məəm lelm dəa’g tɔ. M’a kɔm ndiləm dəa’g yəm Ndá yeḛ a kila mber ta gə́ to gə dɔ najee lé kar ginkoji dəwje gə raŋg.

Matiyo 12:20

Ŋgawlal gə́ mbəl lé yeḛ a korè tɔ el ləm, Kúla pər gə́ o̰ jḛ̀ lé kara yeḛ a kunda tɔl el ləm tɔ Saar mba kar ta gə́ to gə dɔ najee a dum ne dɔ loo dɔ naŋg nee ya.

Matiyo 4:16

Dəwje neelé gə́ d’isi dan loondul’g lé Deḛ nja d’oo loo gə́ ndogó wər-wər ləm, Deḛ neelé gə́ ndil yoo dəb dɔ dee’g bigim lé Loo un kudu ndogó dɔ dee’g ləm tɔ.

Matiyo 5:3

Deḛ gə́ d’ula dɔ dee lé rɔ dee lel dee, Mbata ɓeeko̰ gə́ dara to ka̰ dee-deḛ ya.

Lugu 4:17

ndá deḛ d’un maktub lə Esai, njetegginta ɓa d’aree. Loo gə́ yeḛ tudu wərərə ndá yeḛ teḛ dɔ ta gə́ deḛ ndaŋg keneŋ loo kára pana:

Lugu 6:20

Yen ŋga Jeju ɔr dəa gə́ tar ɓad gə́ rɔ njékwakiláje’g ula dee pana: Seḭ njéndooje lé rɔ sí lel sí Mbata ɓeeko̰ lə Ala lé to ka̰ sí-seḭ ya!

Lugu 7:22

Yen ŋga yeḛ tel ila njékwakila Ja̰je’g lé pana: Tel aw iŋgaje Ja̰ lé uláje ta néje gə́ seḭ ooje gə kəm sí nee ləm, gə ooje gə mbi sí lé ləm tɔ: Kəm njékəmtɔje inja ləm, njémədje d’aw tar njam-njam ləm, njéba̰jije ba̰ji ɔr rɔ dee’g ndɔs-ndɔs ləm, njémbikuduje lé mbi dee inja bərəŋ-bərəŋ ləm, njé gə́ d’wəi lé teḛ loo-yoo’g ləma, njéndooje lé d’ila mber tagə́maji d’ar dee ya ləm tɔ.

Tagə́maji gə́ Ja̰ ndang 1:41

Yeḛ dar ŋgokea̰ Simo̰ Piɛrə bus ulá pana: Jeḛ j’iŋga Mesi (gə́ ɓaree Kristi lé) mba̰.

Tagə́maji gə́ Ja̰ ndang 12:46

M’ree dɔ naŋg nee asəna gə lookàr mba kar nana ɓa gə́ ɔm mée dɔm’g ndá a nai dan loondul’g el.

Tagə́maji gə́ Ja̰ ndang 3:34

mbata yeḛ gə́ Ala ulá lé tapa Ala lé ɓa yeḛ pa mbata Ala lé aree Ndilee gə́ kar ɓó wɔji el.

Néra Njékaḭkulaje 10:38

Seḭ gərje gao, Ala lé ar siŋgamoŋ lə Ndilmeenda ɔm dɔ Jeju gə́ Najaret’g lé aree aw gə loo-loo ra ne néje gə́ maji ləm, aree aji ne deḛ lai gə́ d’isi gin ɓee’g lə njekurai’g lé ləm tɔ mbata Ala lé nai səa ya.

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

Néra Njékaḭkulaje 4:26

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Mbaidɔmbaije gə yeḛ gə́ wa dəa gə ubu lé.

Néra Njékaḭkulaje 4:27

Tɔgərɔ ya Herɔdə gə Po̰sə Pilatə d’ɔm na̰’d téréré gə ginkoji dəwje gə raŋg gə Israɛlje gə́ mee ɓee’g neelé mba kḭ gə kura ləi Jeju gə́ i wa dəa gə ubu ɔree unda ne gə kəmee doi lé ya

Njé gə́ Kolosə 1:13

Yeḛ nja wa sí wɔgədɔ ɔr sí ji siŋgamoŋ ka̰ loondul gə́ ndul njudu-njudu ləm, yeḛ odo sí ɔm sí ɓeeko̰’g lə Ŋgonee gə́ to ŋgonkəmee lé ləm tɔ.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.