Lugu 3:9 - Maktub gə́ To gə Kəmee

⁹ Tina to ŋgira kagje’g béréré-béréré mba̰. Kag gə́ rara ɓa gə́ andə gə ka̰dee gə́ maji el ndá d’a tuga badə gaŋg kila pər’d.

Lugu 3:9 ပူးပေါင်းရင်းမြစ်များ

Ejekel 31:18

See na̰ ɓa rɔnduba ləa gə boo ləa as səi mbuna kagje gə́ Edḛ wa. D’a kɔsi kalaŋ kilai kari aw gin naŋg’d bər gə kagje gə́ Edḛ na̰’d ləm, i a to dan njépole-magəje’g gə deḛ gə́ d’wəi yoo-kiambas ləm tɔ. Yee ɓa gə́ né gə́ a teḛ dɔ Parao̰’g gə dɔ njé’g ləa gə́ bula digi-digi lé! Mbaidɔmbaije gə́ Njesigənea̰ ɓa pa bèe.

Loo gə́ killa rea kəm Daniel’g 4:14

Rəwta-gaŋg neelé to godndu kuraje gə́ dara. Né gə́ d’wɔji-kwɔji ra neelé to ndukun lə deḛ gə́ to gə kəmee mba kar dəwje gə́ d’isi kəmba lé gər ne to gə́ Njekurdɔloo o̰ ɓee dɔ ko̰ɓee’g lə dəwje lai ləm, dəw gə́ yeḛ wɔjee mée’g ɓa yeḛ aree ɓeeko̰ ləma, dəw gə́ oso kul unda mareeje lai kara lé yeḛ ɔree undá keneŋ ləm tɔ.

Loo gə́ killa rea kəm Daniel’g 4:23

Ndukun gə́ wɔji dɔ kar dee d’ya̰ jigi kag dɔ ŋgira’g lé ginee wɔji dɔ ɓeeko̰ ləi gə́ a nai jii’g loo gə́ kəmi a kinja kari gər to gə́ yeḛ gə́ to Njedum dɔ loo lé sí dara.

Matiyo 3:10

Tina to ŋgira kagje’g béréré-béréré mba̰. Kag gə́ rara ɓa gə́ andə gə ka̰dee gə́ maji el ndá d’a tuga badə gaŋg kila pər’d.

Matiyo 7:19

Kag gə́ rara gə́ andə gə ka̰dee gə́ maji el ndá d’a tuga badə gaŋg kila pər’d.

Lugu 13:6

Jeju un ta ula dee gə gosota pana: Diŋgam kára ma̰a kodé mee ndɔ-nduú’g ləa. Yeḛ ree gə mba saŋg ka̰dee keneŋ nɛ yeḛ iŋga kára kara el.

Lugu 13:7

Yen ɓa yeḛ ula njeŋgəm ndɔ-nduú lé pana: Aa oo, as ləb munda ma m’ree keneŋ ta-ta gə mba saŋg kandə kodé lé nɛ m’iŋga ka̰dee keneŋ kára kara el nja saar. Bèe ndá tuga gaŋg mən, gelee ban ɓa aree to bə dɔ naŋg kari ba togə́bè wa.

Lugu 13:9

Banelə ləb gə́ gogo yee a kandə gə́ kandə ya, ɓó lé bèe el ndá m’a tuga badə gaŋg ɓəi.

Tagə́maji gə́ Ja̰ ndang 15:6

Nana ɓa gə́ nam kaarm’g el ndá d’a kilá kɔrɔ asəna gə barkəm nduú ndá yeḛ a tudu kurum-kurum. Tɔɓəi d’odo barkəm nduúje gə́ tudu lé d’ɔm dee dɔ na̰’d roo dee dula-dula tɔ.

Ǝbrəje 10:28

Yeḛ gə́ al dɔ godndu Moyis lé ta wa dəa gə goo ta gə́ njékɔrgootaje jooje munda jén d’ɔm dəa’g ndá d’a kun kəm dee tim-tim karee uga ne gə rəa.

Ǝbrəje 12:29

mbata Ala lə sí lé to pər gə́ roo loo ya.