Lugu 3:2 - Maktub gə́ To gə Kəmee

² To mee ləb gə́ An gə Kayipə to ne ŋgɔ-njékinjanéməsje ndá mee ləb’g neelé ɓa ta lə Ala oso mbi Ja̰, ŋgolə Jakari dɔdilaloo’g.

Lugu 3:2 ပူးပေါင်းရင်းမြစ်များ

Esai 40:3

Ndu dəw ɓar pana: Gɔlje rəw lə Njesigənea̰ dɔdilaloo’g Gɔlje rəw mbata lə Ala lə sí Areeje to dana njoroŋ mee looje gə́ tudu kurum-kurum’g .

Jeremi 1:2

Njesigənea̰ ulá ta mee ndəa’g lə Jojias, ŋgolə Amo̰, mbai gə́ Juda mee ləb ko̰ɓee ləa gə́ njekɔm’g dɔg-giree-munda ləm,

Jeremi 2:1

Njesigənea̰ ulam ta gə rɔtaje nee pana:

Ejekel 1:3

Njesigənea̰ ula Ejekiel, ŋgolə Buji gə́ njekinjanéməs lé ta, mee ɓee’g lə Kaldeje mbɔr Kebar’g. Lée gə́ neelé ɓa ji Njesigənea̰ to dəa’g keneŋ ya.

Junas 1:1

Njesigənea̰ ula Junas, ŋgolə Amitai pana:

Misee 1:1

Njesigənea̰ ula Mise, dəw gə́ Moreset ta mee ndəaje gə́ Jotam gə Ahas gə Ejekias, to ne mbaije gə́ Juda lé. To ta gə́ wɔji dɔ Samari gə Jerusalem gə́ yeḛ oo gə némḭdi lé.

Soponi 1:1

Ta gə́ Njesigənea̰ ula Soponi, ŋgolə Kusi, gə́ to ŋgolə Gedalia, gə́ to ŋgolə Amaria, gə́ to ŋgolə Ejekias, mee ləb gə́ Jojias, ŋgolə Amo̰ to ne mbai gə́ Juda lé.

Matiyo 11:7

Loo gə́ d’ḭ loo gə́ nee’g d’ɔd d’aw mba̰ ndá Jeju dəji koso-dəwje ta gə́ wɔji dɔ Ja̰ lé pana: See ɗi ɓa seḭ awje dɔdilaloo’g gə mba kooje wa. See awje gə mba kooje mu-kwaa gə́ lel ula keneŋ aree yə lé wa.

Matiyo 26:3

Yen ŋga mbai dɔ njékinjanéməsje-je gə ŋgatɔgje lə dəwje mbo̰ dɔ na̰ dan mee ndògo’d lə ŋgɔ-njekinjanéməs gə́ ria lə Kayipə.

Mark 1:2

To gə goo ta gə́ deḛ ndaŋg mee maktub’g lə Esai, njetegginta lé pana: Aa oo, ma m’ula njekaḭkula ləm nɔḭ’g Ndá yeḛ ɓa a gɔl rəw ləi.

Lugu 1:80

Ŋgon neelé ra tɔg pir-pir ar rəa to kəmba ŋgəŋ ŋgəŋ-ŋgəŋ lə ndil tɔ. Tɔɓəi yeḛ si dɔdilaloo’g saar teḛ ne ndɔ gə́ yeḛ nduba ne rəa gə́ raga kəm Israɛlje’g lé.

Tagə́maji gə́ Ja̰ ndang 1:23

Yeḛ ula dee pana: Ma nja m’to ndu yeḛ gə́ njekilamber gə́ dɔdilaloo’g pana: Gɔlje rəw lə Mbaidɔmbaije lé areeje aar dana njoroŋ. (Njetegginta gə́ ria lə Esai lé pa bèe.)

Tagə́maji gə́ Ja̰ ndang 18:24

Yen ŋga An ar dee tel səa gə kúla rəa’g bèe ya, d’aw səa rɔ Kayipə’g ŋgɔ-njekinjanéməs’g lé.

Néra Njékaḭkulaje 4:6

ar An gə́ to gə́ ŋgɔ-njekinjanéməs gə Kayipə gə Ja̰ gə Aleja̰drə gə deḛ lai gə́ to gə́ ɓee lə mbai dɔ njékinjanéməsje-je lé d’isi keneŋ ya tɔ.