Lugu 3:11 - Maktub gə́ To gə Kəmee

¹¹ Yeḛ tel ila dee keneŋ pana: Nana ɓa gə́ kubu kula rəa’g joo ɓa ka̰ ŋgokea̰ gə́ dəw godo ndá maji karee un kára bəl aree. Nana ɓa gə́ to njekiŋga nésɔ kara maji karee ra togə́bè ya tɔ.

Lugu 3:11 ပူးပေါင်းရင်းမြစ်များ

Ejekel 18:7

yeḛ buguru dəw kára kara el ləm, yeḛ tel gə nékɔsnaŋ ar njea ləm, yeḛ taa né gə ɓogo el ləm, yeḛ un muru ləa ar dəw gə́ ɓó tɔlee ləm, yeḛ ula kubu rɔ dəw gə́ aw kudee dum’g ləm,

Loo gə́ killa rea kəm Daniel’g 4:27

ndá mbai lé un ta pa pana: Babilɔn gə́ boo gə́ to neelé see to ma nja gə́ m’unda gelee mba karee to ɓee-si mbai gə goo boo-siŋgamoŋ ləm-ma ləm, gə goo boo-ronduba lə dɔmoŋ ləm-ma ləm tɔ el wa.

Matiyo 25:40

Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.

Lugu 11:41

Néje gə́ to ŋgaw meḛ sí’g ɓa waje arje njénékəmtondooje ɓa néje lai a to néje gə́ àr mbata lə sí ɓəi tɔ.

Lugu 18:22

Loo gə́ Jeju oo ta ləa togə́bè ndá yeḛ ulá pana: I lal ra né kára ɓəi. Ɔd aw ndogo néje ləi, ya̰ laree kai njéndooje, ɓa i a kiŋga nébao ləi lé mee ɓee gə́ dara ɓəi. Tɔɓəi ɔd ree goom’g tɔ.

Lugu 19:8

Jasee aar no̰ Mbaidɔmbaije’g ulá pana: Mbaidɔmbaije, aa oo, nékiŋgamje lé m’unda mée dana loo joo m’un loo kára m’ar njéndooje, ɓó lé m’tuji né lə dəw ndá m’a karee maree toree’g sɔ ya tɔ.

Tagə́maji gə́ Ja̰ ndang 13:29

ar njé na̰je d’ə̰ji to gə́ Judas lé to njeŋgəm ɓɔl-lar ndá banelə Jeju ulá gə mba karee aw ndogo né gə́ lal dee gə mba kar dee ra ne naḭ, əsé ulá gə mba karee un né gə́ ban un ɓó gə ar njéndooje ɓa.

Néra Njékaḭkulaje 10:2

Dəw neelé tədkag Ala ləm, ɓəlee ləm tɔ, yeḛ gə njénojije ləa lai ya.

Néra Njékaḭkulaje 10:31

Kɔrnəi, tamaji gə́ ma m’ra lé taa né am ya ar mee Ala to dɔ nojikwam’g bururu.

Néra Njékaḭkulaje 10:4

Yeḛ aa kəm dəw gə́ dara neelé gəl-gəl ləm, ɓəl undá badə gaŋgee ləm tɔ aree tel pana: Mbaidɔmbaije ban ŋga nee wa. Kura lə Ala gə́ dara tel ilá keneŋ pana: Tamaji gə́ i ra ləm, gə nojikwa ləi ləm tɔ uru loo teḛ no̰ Ala’g, yee ɓa ar mée olé ne dɔi’g gə mbəa ya.

Njé gə́ Epesə 4:28

Yeḛ gə́ to gə́ njeɓogo kédé lé maji karee to gə́ njeɓogo el ŋga, nɛ maji karee uru kula gə́ maji’g mbidi ra gə jia ya ndá yeḛ a koo loo gə mba la gə maree gə́ raŋg gə́ aw ndòo né lé tɔ.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

1 Timote 6:18

Ndəji dee mba kar dee ra né gə́ maji ləm, mba kar dee to bao-njémeemajije ləm, mba kar dee d’wa ne noji pə-pə ləma, mba kar dee d’ḭ ja̰jaŋ d’un ne ta néje lə dee d’ar deḛ gə́ né lal dee lé tɔ.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.

Maktub gə́ Jak ula ne ar ngan-Allaje 1:27

Tədkag Ala gə́ to kankəm né gə́ taa kəm Ala Ɓɔsíje lé yee ɓa nee: Aw la gə ŋganalje gə njékəisiŋgaje dan némeeko̰’g lə dee ləm, ar majel gə́ dɔ naŋg nee tibi mbɔri el ləm tɔ.

Maktub gə́ Jak ula ne ar ngan-Allaje 2:14

Ŋgakɔmje, yeḛ gə́ pana: Neḛ n’to gə́ njemeekun, nɛ nérea gə́ maji gə́ wɔji dɔ meekun ləa godo ndá see meekun ləa to né gə́ banwa. See meekun neelé askəm kajee wa.

1 Ja̰ 3:17

Ɓó lé dəw to gə́ njenékiŋga ɓa oo ŋgokea̰ gə́ aw ndòo né ɓa un kəmee dəa’g rəw lal karee né ndá see meenoji lə Ala to mée’g loo gə́ ra’g wa.

1 Ja̰ 4:20

Ɓó lé dəw kára pana: Neḛ n’unda Ala dan kəm neḛ’g, nɛ yeḛ wa ŋgokea̰ gə mée ndá yeḛ to gə́ njeŋgɔm. Mbata ŋgokea̰ gə́ yeḛ ée gə kəmee ɓa yeḛ unda dan kəmee’g el, nɛ ɓəd ɓa see Ala gə́ yeḛ ée gə kəmee el ɓa a kundá dan kəmee’g loo gə́ ra’g wa.