Lugu 24:39 - Maktub gə́ To gə Kəmee

³⁹ Aaje loo ooje jim gə gɔlm, ooje to gə́ darɔm-ma nja, ɔrɔje rɔm ooje, ndil dəw lé darəa gə siŋgarea to keneŋ to gə́ seḭ oomje nee bèe lé el.

Lugu 24:39 ပူးပေါင်းရင်းမြစ်များ

Njekillamber 12:7

Kédé ɓa kar nduji naŋg tel aw naŋg gogo to gə́ ḭ ne naŋg kédé ləm, kar ndil dəw tel aw rɔ Ala’d gə́ njekaree lé ləm tɔ.

Bula lə Israɛlje 16:22

Moyis gə Aaro̰ d’oso naŋg bəbərə-bəbərə dəb kəm dee naŋg, deḛ pana: Ǝi Ala! i gə́ ar dəwje lai d’isi kəmba lé! Dəw kára ba ɓa ra kaiya ndá ŋga, see oŋg ləi a kḭ səi pu dɔ koso-dəwje’g ləi lai to gə́ ban wa.

Lugu 23:46

Yen ŋga Jeju ila boo-ndia naŋg ra né wəl pana: Bɔm, m’ya̰ ndiləm meḛ jii’g ya. Loo gə́ yeḛ pa bèe ndá təa udu rub ya tɔ.

Lugu 24:38

Nɛ yeḛ dəji dee pana: See ban ɓa takə̰ji gə́ togə́bè kinja na̰ meḛ sí’g bèe wa.

Lugu 24:40

Loo gə́ yeḛ pa togə́bè mba̰ ndá yeḛ tɔji dee jia gə gɔlee tɔ.

Tagə́maji gə́ Ja̰ ndang 20:20

Loo gə́ yeḛ ula dee togə́bè mba̰ ndá yeḛ tɔji dee jia gə ŋgel mée. Loo gə́ njékwakiláje d’oo to gə́ yeḛ to gə́ Mbaidɔmbaije ya ndá deḛ ra rɔlel.

Tagə́maji gə́ Ja̰ ndang 20:25

Njékwakila Jejuje gə́ raŋg d’ulá pana: Jeḛ j’oo Mbaidɔmbaije lé mba̰. Nɛ yeḛ ila dee keneŋ pana: Ɓó lé ma m’oo tor ŋgawlar gə́ jia’g el ləm, əsé m’ula ŋgaw jim ta doo ŋgawlar’g el ləma, əsé m’ula jim ta doo niŋga gə́ ŋgel mée’g el ləm tɔ ndá m’a taa ta lə sí nda̰ bèe el.

Tagə́maji gə́ Ja̰ ndang 20:27

Tɔɓəi yeḛ tel ula Tomas pana: Maji kari ula ŋgaw jii gə́ kédé oo ne jim ləm, ula ŋgaw jii gə́ kédé gə́ ŋgel məəm’g oo ne ləm tɔ, ɓó gə əw ne rɔi maḭta ləi ɔm ne məəi dɔ’g.

Néra Njékaḭkulaje 1:3

Loo gə́ yeḛ ula rəa ndubu saar yeḛ wəi ne ndá yeḛ tel teḛ kəm dee’g wai kəmba tɔɓəi yeḛ nai sə dee ndəa rɔ-sɔ riba sə dee dɔ rəa’g gɔl bula ar loo maḭyee godo ləm, tɔji dee ta néje gə́ wɔji dɔ ɓeeko̰ lə Ala lé ləm tɔ.

1 Njé gə́ Tesalonikə 5:23

Maji kar Ala nja gə́ njeyelko meelɔm lé ɔr sí unda sí gə kəmee ləm, maji karee ŋgəm sí bura, ndil sí ləm, gə kankəmrɔ sí ləma, gə darɔ sí ləm tɔ, mba kar ndɔ gə́ Mbaidɔmbaije lə sí Jeju Kristi a tel ree lé ndá ta kára kara a kwa dɔ sí el.

Ǝbrəje 12:9

Tɔɓəi, to gə́ bɔ síje gə́ d’oji darɔ sí lé d’wɔji sí kəmkàr ɓa j’ila ne ŋgonkoji dɔ dee’g, nɛ ɓəd ɓa see j’a koso kul no̰ Bɔ ndil sí’g mba si ne kəmba el wa.

1 Ja̰ 1:1

Né gə́ to keneŋ gən kédé gə́ dɔtar saar lé né gə́ jeḛ j’oo taree gə mbi sí ləm, né gə́ jeḛ j’oo gə kəm sí ləm, né gə́ kəm sí wəi dɔ’g sḭ ləma, né gə́ j’wa gə ji sí peb ləm tɔ gə́ wɔji dɔ Ta kəmə lé