Lugu 23:34 - Maktub gə́ To gə Kəmee

³⁴ Jeju pana: Bɔm, ar məəi oso lemsé dɔ dee’g mbata né gə́ deḛ ra lé deḛ gər rəbee el. Tɔɓəi deḛ kai na̰ kubuje ləa d’ɔs ne mbarè.

Lugu 23:34 ပူးပေါင်းရင်းမြစ်များ

Gḭ-Néje 50:17

Maji kar sí j’ulaje Jisəb togə́bè pajena: Ǝi! ar məəi oso lemsé dɔ majel gə́ ŋgakɔḭje ra səi’g ləm, gə dɔ kaiya ra dee’g ləm tɔ mbata deḛ ra səi majel tɔgərɔ ya! Jeḛ n’raje ndòo rɔi’g mba kari ar məəi oso lemsé dɔ kaiya’g lə kuraje lə Ala lə bɔbije lé! Loo gə́ yeḛ oo ta nee gə́ d’ulá lé ndá Jisəb no̰.

Pakɔsje 22:18

M’askəm tura siŋgarɔmje lai ya ləm, Deḛ d’orè kəm dee dɔm’g ndəŋ d’oom ne gəl-gəl ləm tɔ.

Esai 53:12

Gelee gə́ nee ɓa m’a karee ne né gə́ wɔji dəa Gə dəwje gə́ boo-boo na̰’d, Yeḛ lé a kai nébanrɔ kar njésiŋgamoŋje Mbata yeḛ ḭ gə mée ya̰ rəa ar yoo ləm, Deḛ turá na̰’d gə njéramajelje ləm, Mbata yeḛ odo kaiya lə dəwje bula ɔm dəa’g ləma, Yeḛ ra tamaji mbata lə dəwje gə́ ta wa dɔ dee ləm tɔ.

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Matiyo 11:26

Oiyo, Bɔm, ma m’pidii mbata i ndigi ra togə́bè ya.

Matiyo 5:44

Nɛ ma nja m’ula sí, undaje njéba̰je lə sí dan kəm sí’g ləm, tɔrje ndu sí dɔ deḛ gə́ d’ɔr sə sí ləm, raje meemaji gə deḛ gə́ d’wa sí gə meḛ dee ləma, raje tamaji mbata lə deḛ gə́ d’ula kəm sí ndòo ləm tɔ.

Mark 15:24

Deḛ ɗaree mba̰ ndá deḛ kai na̰ kubuje ləa d’ɔs ne mbarè gə mba koo see na̰ ɓa a kwa maree wa.

Lugu 22:42

Bɔm, ɓó lé to gə́ məəi ndigi ndá ɔs ŋgo-kai-né lé rɔm’g rəw gə́ raŋg! Nɛ ra né gə́ məəi-i nja ɓa wɔji ɓó to gə́ məəm-ma ɓa wɔji el.

Tagə́maji gə́ Ja̰ ndang 17:9

Ma m’ra tamaji tai’g mbata lə dee-deḛ nja. Ma m’ra tamaji mbata lə njé gə́ naŋg nee el nɛ mbata deḛ gə́ i am dee lé mbata deḛ lé to kaḭ ya, deḛ to kaḭje nja tɔ.

Tagə́maji gə́ Ja̰ ndang 19:11

Jeju ilá keneŋ pana: Ɓó lé d’ḭ gə dɔmoŋ loo gə́ tar’g d’ula dɔi’g el ndá i a kaskəm ra səm né kára kara gə dɔrɔi el tɔ. Gelee gə́ nee ɓa yeḛ gə́ ulam jii’g lé kaiya ləa ur dɔ kaḭ’g ɓəi.

Néra Njékaḭkulaje 16:28

Nɛ Pool ila boo-ndia naŋg wəl pana: Tuji rɔi kari ba el, jeḛ lai j’aar keneŋ nee ya ɓəi.

Néra Njékaḭkulaje 3:17

Ŋgakɔmje, ɓasinè ma m’gər gao, né gə́ seḭ raje lé seḭ raje dɔ mbə’g ləm, mbaije lə sí kara deḛ ra dɔ mbə’g ya ləm tɔ.

Néra Njékaḭkulaje 7:60

Tɔɓəi yeḛ ɔs kəjee naŋg pata gə ndia gə́ boi wəl pana: Mbaidɔmbaije, maji kari ila ta kaiya neelé dɔ dee’g el. Loo gə́ yeḛ pata togə́bè mba̰ ndá yeḛ təd sərəg ya.

Njé gə́ Rɔmə 12:14

Deḛ gə́ d’ula kəm sí ndòo lé tɔrje ndu sí dɔ dee’g gə́ tɔr ɓó ɔrje sə dee el.

1 Njé gə́ Kɔrḭtə 2:8

Kəmkàr neelé dəw kára kara mbuna mbaije gə́ dɔ naŋg nee ɓasinè lé kəmee inja dɔ’g bərəŋ el mbata ɓó lé kəm dee inja dɔ’g ndá d’a ɗar Mbaidɔmbaije gə́ njero̰duba togə́bè el.

1 Njé gə́ Kɔrḭtə 4:12

Jeḛ n’ra kula gə ji sí n’dao ne dao-dao, deḛ taji sí nɛ jeḛ tɔr ndu sí dɔ dee’g ləm, deḛ d’ula kəm sí ndòo nɛ j’isi ne lɔm ləma,

1 Timote 1:13

Ma lé kédé m’to gə́ njekila ndɔl dəa’g ləm, gə njekula kəmee ndòo ləma, gə njera né gə́ ga̰gma̰d ləm tɔ. Nɛ yeḛ ar mée oso lemsé dɔm’g mbata né gə́ ma m’ra lé m’ra dɔ mbə’g loo gə́ ma m’nai gə́ njetaree gə́ tar ɓəi.

1 Piɛrə 3:9

Ɓó lé mar síje ra sə sí majel ndá tel raje sə dee majel godə maree’g el ləm, ɓó lé deḛ taji sí kara taji deeje godə maree’g el ləm tɔ. Néra gə́ kɔl ɓa nee: Tɔrje ndu sí dɔ deḛ gə́ ra sə sí majel mbata yee gə́ bèe ɓa, Ala ɓar sí ne gə mbəa mba kar sí iŋgaje ndu tɔr gə́ yeḛ a tɔr ne ndia dɔ sí’g kar dɔ sí ai ne səgərə.