Lugu 23:28 - Maktub gə́ To gə Kəmee

²⁸ Jeju tel kəmee wagəsa gə́ rɔ dee’g ula dee pana: Ŋgama̰dje gə́ dené gə́ Jerusalem, no̰je no̰’m el, nɛ no̰je no̰ rɔ sí-seḭ ya ləm, no̰je no̰ ŋgan síje ləm tɔ.

Lugu 23:28 ပူးပေါင်းရင်းမြစ်များ

Pa gə́ ur dɔ paje 1:5

Ŋganje gə́ dené gə́ Jerusalem, Ma lé m’ndul konono To gə́ kəi-kubuje gə́ Kedar bèe Nɛ ma maji péd-péd To gə́ pal-kubu-gaŋg-mee-kəi lə Salomo̰ bèe tɔ.

Pa gə́ ur dɔ paje 2:7

Ŋgama̰dje gə́ Jerusalem, M’ra ndòo rɔ sí’g gə ri ndooije ləm, Gə ri arkasje ləm tɔ, Ɓad ɓa kar yeḛ gə́ m’undá dan kəm’g Ndel dɔ ɓi’g ɓəi lé Gə goo mee ndigi ləa lé Maji kar sí ndeleeje kédé el, Ndeleeje dɔ ɓi’g el.

Pa gə́ ur dɔ paje 3:10

Yeḛ ra kageeje gə larnda ləm, Gə loo-nduna-dunee gə larlɔr ləma, Gə loo-siée gə kubu gə́ kas njir-njir ləm tɔ. Ŋgama̰dje gə́ Jerusalem d’ɔs kubu D’aree bə̰dərə bə̰ d’ula mée’g Mbata ndigi gə́ deḛ ndigee yaa̰ lé

Pa gə́ ur dɔ paje 3:5

Ŋgama̰dje gə́ Jerusalem, M’ra ndòo rɔ sí’g gə ri ndooije ləm, Gə ri arkasje gə́ wala ləm tɔ, Ɓad ɓa kar yeḛ gə́ m’ndigee M’undá dan kəm’g lé Ndigi ndel dɔ ɓi’g ɓəi lé Maji kar sí ndeleeje kédé el, Ndeleeje dɔ ɓi’g el.

Pa gə́ ur dɔ paje 5:16

Tea kul yururu ləm, Dareaje lai taa kəm rəgm ləm tɔ. Yeḛ gə́ m’undá dan kəm’g lé to togə́bè, Njemɔr ləm lé to togə́bè ya, Seḭ ŋgama̰dje gə́ Jerusalem lé.

Pa gə́ ur dɔ paje 5:8

Seḭ ŋgama̰dje gə́ Jerusalem, Ma m’ra ndòo rɔ sí’g Ɓó lé seḭ iŋgaje yeḛ gə́ m’undá dan kəm’g lé Ndá see ta ɗi ɓa a kuláje wa. Maji kar sí uláje to gə́ m’to rɔko̰ ndigi na̰.

Pa gə́ ur dɔ paje 8:4

Ŋgama̰dje gə́ Jerusalem, Ma m’ra ndòo rɔ sí’g Ndeleeje dɔ ɓi’g el. Ɓad ɓa kar yeḛ gə́ M’undá dan kəm’g ndel dɔ ɓi’g ɓəi lé Maji kar sí ndeleeje kédé el,

Lugu 23:27

Koso-dəwje gə́ bula digi-digi d’ɔm na̰ goo Jeju’g ləm, denéje kara ndolè gée kunda ne kaar dee no̰ ne no̰ Jeju wəl-wəl ləm tɔ.

Lugu 23:29

Mbata aa ooje, mee ndəaje d’a gə teḛ lé d’a pana: Rɔlel nai gə kawkadje ləm, rɔlel nai gə́ deḛ gə́ d’oji ŋgon kəm kára el gə deḛ gə́ d’ar ŋganje d’il mbà dee kəm kára el ləm tɔ.

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.