Lugu 23:25 - Maktub gə́ To gə Kəmee

²⁵ Pilatə ɔr yeḛ gə́ d’ilá daŋgai’g mbata sula gə́ yeḛ sula dəwje gə́ mee ɓee’g ar dee d’ḭ gə njéko̰ɓeeje ləm, gə mbata tɔl gə́ yeḛ tɔl dəw ləm tɔ lé ilá tar ar dee to gə́ deḛ dəjee, nɛ yeḛ ula Jeju ji dee’g mba kar dee ra səa né to gə́ meḛ dee ndigi.

Lugu 23:25 ပူးပေါင်းရင်းမြစ်များ

Este 3:11

Tɔɓəi mbai ula Aman pana: Larnda lé m’ya̰ gée m’ari ləm, koso-dəwje nee kara m’ya̰ goo dee m’ari ləm tɔ. Maji kari ra ne né to gə́ məəi ndigi ya.

Matiyo 27:26

Yen ŋga Pilatə ɔr Barabas ar dee ndá yeḛ ar dee d’unda Jeju gə ndəi-kɔb sab-sab, wá ulá ji dee’g mba kar dee ɗaree kaar kag’d.

Mark 15:15

Pilatə ndigi kar rɔ boo-dəwje lé lel dee dəa’g ndá yeḛ ila Barabas tar ar dee, tɔɓəi yeḛ ar dee kunda Jeju gə ndəi-kɔb ɓa yeḛ wá ulá ji dee’g gə mba kar dee d’aw ɗaree.

Lugu 23:2

Deḛ d’un ta səgee ne pana: Jeḛ j’iŋga dəw neelé loo sula gə́ yeḛ si sula njé’g lə sí gə mba kar dee d’ḭ gə njeko̰ɓee, ɔg dee dɔ kuga lar-gədɓee gə Sesar ləm, yeḛ pana: Neḛ nja n’to Kristi gə́ n’to mbai gə́ boi lé ləm tɔ.

Lugu 23:24

Togə́bè ɓa Pilatə un ndia ar dee ra səa to gə́ deḛ dəjee lé ya.

Lugu 23:26

Loo gə́ d’isi d’aw səa ndá deḛ dar Simo̰, dəw gə́ Sirèn bus, gə́ ḭ ndɔ, deḛ d’ɔsee d’aree un kag-dəs lə Jeju orè ne gée.

Lugu 23:5

Nɛ deḛ d’wa ta dee kɔgərɔ pana: Yeḛ ndoo dəwje ta sula dee ne dɔ naŋg gə́ Jude lai, un kudee Galile saar teḛ ne loo gə́ nee’g.

Tagə́maji gə́ Ja̰ ndang 18:40

Yen ŋga deḛ tel ra ne u-u-u gɔl kára tɔɓəi pana: Wah! Yeḛ el, nɛ Barabas ɓa. Nɛ Barabas neelé to gə́ gayim-ɓogo.

Tagə́maji gə́ Ja̰ ndang 19:16

Yen ŋga yeḛ ula Jeju ji dee’g gə mba kar dee d’aw ɗaree. Deḛ d’uba Jeju d’wá ndɔree d’aw səa.

Néra Njékaḭkulaje 3:14

Seḭ nja seḭ mbadje yeḛ gə́ to Njemeenda ləm, gə Njemeekarabasur ləm tɔ nɛ seḭ dəjije njetɔl dəw mareeje ɓa gə mba kar dee d’ilá tar d’ar sí.

1 Samel 12:13

Ɓasinè aa ooje, mbai gə́ seḭ oreeje ləm, dəjije ləm tɔ lé aa’n. Aa ooje, Njesigənea̰ unda gə́ mbai dɔ sí’g ya.