Lugu 22:52 - Maktub gə́ To gə Kəmee

⁵² Tɔɓəi Jeju un ta ula mbai dɔ njékinjanéməsje-je gə mbai dɔ njéŋgəm kəi-Alaje gə ŋgatɔgje gə́ ree gə mba kwá lé pana: Seḭ teḛje gə kiambasje gə ɗuguru-kagje ji sí’g kel-kel gə mba kwamje ne asəna gə gayim-ɓogo bèe.

Lugu 22:52 ပူးပေါင်းရင်းမြစ်များ

2 Mbaije 11:15

Yen ɓa Jeojoda, njekinjanéməs un ndia ar ɓé-njérɔje gə́ tɔl-tɔl (100) gə́ to njékaa dɔ njérɔje lai lé pana: Areeje ḭ loo-kaar sí’g teḛ raga ndá nana ɓa gə́ aw gée’g lé seḭ a tɔleeje gə kiambas ya. Mbata njekinjanéməs lé pana: Maji kar dee tɔlee mee kəi’g lə Njesigənea̰ el.

Matiyo 26:47

Loo gə́ yeḛ si pa təa’g bèe-bèe ndá Judas gə́ njekɔm dee’g dɔg-gir-dee-joo lé teḛ wai gə boo-dəwje budu-budu gə kiambas gə ɗuguru-kagje ji dee’g kel-kel. Mbai dɔ njékinjanéməsje gə ŋgatɔgje lə dəwje ɓa gə́ njékula deeje lé.

Matiyo 26:55

Yen ŋga Jeju ula boo-dəwje neelé pana: See teḛje gə kiambasje gə ɗuguru-kagje ji sí’g kel-kel mba kwamje ne asəna gə gayim-ɓogo bèe wa. Gə ndɔm-ndɔm m’isi mbuna sí’g m’ndoo sí né mee kəi-Ala’g lə sí, nɛ seḭ wamje keneŋ peb el.

Lugu 22:37

Mbata ma m’ula sí təsərə, lé riri kara ta gə́ deḛ ndaŋg mee maktub’g pana: Yeḛ neelé deḛ turá na̰’d gə njéramajelje lé d’a tɔl taree dɔm’g bém ya. Tɔgərɔ ya né gə́ wɔji dɔm lé nai tebdé bèe ba gə mba karee teḛ ŋga.

Lugu 22:4

Judas ɔd aw iŋga mbai dɔ njékinjanéməsje-je, gə mbai dɔ njéŋgəmlooje-je mba kwɔji sə dee rəw kula Jeju ji dee’g.

Lugu 22:51

Nɛ Jeju un ta ula dee pana: Ǝwje rɔ sí aarje naŋg! Ndá yeḛ ɔrɔ mbi dəw neelé aree tel to kari.

Lugu 22:53

Gə ndɔm-ndɔm m’isi sə sí mee kəi-Ala’g nɛ seḭ wamje gə ji sí keneŋ peb el. Nɛ ɓasinè lé to kàree ka̰ sí gə siŋgamoŋ lə loondul ɓa.

Tagə́maji gə́ Ja̰ ndang 17:12

Loo gə́ ma m’nai sə dee dɔ naŋg nee ɓəi lé ma m’ŋgəm dee gə rii nja. Deḛ gə́ i am dee lé ma m’ŋgəm dee m’ar dəw kára kara ndəm igi el nɛ ŋgon lə njetuji ɓa igi gə mba kar ta gə́ ndaŋg mee maktub gə́ to gə kəmee lé aw ne lée’g béréré ya.

Néra Njékaḭkulaje 5:26

Yen ŋga ɓé-njérɔje lé ɔr njéŋgəmlooje ɔm dee dəa’g aw wa dee tel ree sə dee nɛ gə siŋgamoŋ el mbata deḛ ɓəl nà banelə koso-dəwje d’a kḭ tila dee gə kɔri-ər.