Lugu 22:41 - Maktub gə́ To gə Kəmee

⁴¹ Tɔɓəi yeḛ sa rəa rɔ dee’g ɔd aw gə kuree rəgəsə asəna gə kɔri-ər gə́ kun kila piriri bèe ndá yeḛ rəm ɔs no̰ kəjee naŋg ra tamaji pana:

Lugu 22:41 ပူးပေါင်းရင်းမြစ်များ

Matiyo 26:39

Loo gə́ yee ɔd aw gə kuree rəgəsə ndá yeḛ oso naŋg bəbərə dəb kəmee naŋg ra ndòo ta Ala’g pana: Bɔm, ɓó lé to kəm ra ndá taa ŋgo-kai meeko̰ neelé jim’g rəw gə́ raŋg. Ɓó lé to gə́ ndigi el ndá kara ra né gə́ məəi-i nja wɔji ɓó to gə́ məəm-ma ɓa wɔji el.

Mark 14:35

Tɔɓəi yeḛ ɔd aw gə kuree rəgəsə ndá yeḛ oso naŋg bəbərə dəb kəmee naŋg ra tamaji mba kar ɓó lé to kəm ra ndá kar kàr né gə́ a gə teḛ dəa’g lé sa rəa rəw gə́ raŋg.

Lugu 18:11

Parisiḛ lé ḭ aar tar gə ŋgalee dana ɗigi-ɗigi, pata gə mée pana: Oiyo Ala, ma m’rai oiyo mbata ma m’to asəna gə gar dəwje gə́ raŋg el. Deḛje neelé to gə́ njétɔ kó mar deeje ləm, gə njéra né gə́ gə goo rəbee elje ləm, gə njéndal mɔdkaiyaje ləma, əsé m’to asəna gə njétaa lar-gədɓee neelé el ləm tɔ.

Lugu 18:13

Nɛ njetaa lar-gədɓee lé unda rəa ŋgərəŋ, yeḛ ɓəl koo loo kun kəmee tar gə́ dara nɛ yeḛ unda kaaree gə jia rii pana: Wai Ala, ma gə́ m’to gə́ njekaiya lé ar məəi oso lemsé dɔm’g ya kari.

Néra Njékaḭkulaje 20:36

Loo gə́ yeḛ pata nee ar dee mba̰ ndá yeḛ ɔs kəjee naŋg ra sə deḛ lai tamaji.

Néra Njékaḭkulaje 21:5

Nɛ Loo gə́ ndɔ sí aḭ siri mba̰ ndá j’ḭ j’ɔm na̰ rəbə gə mba kaw ndá deḛ lai gə denéje lə dee gə ŋgan deeje dan sí saar d’unda sí gir ɓee gə́ raga. Jeḛ j’ɔs kəji sí naŋg dɔ koŋgo, jeḛ n’ra tamaji lé na̰’d.

Néra Njékaḭkulaje 7:60

Tɔɓəi yeḛ ɔs kəjee naŋg pata gə ndia gə́ boi wəl pana: Mbaidɔmbaije, maji kari ila ta kaiya neelé dɔ dee’g el. Loo gə́ yeḛ pata togə́bè mba̰ ndá yeḛ təd sərəg ya.

Néra Njékaḭkulaje 9:40

Piɛrə ar dəwje lai teḛ ɗaga budu-budu ndá yeḛ ɔs kəjee naŋg ra ndòo rɔ Ala’g. Tɔɓəi yeḛ tel rəa gə́ dɔ nin’g ulá pana: Tabida, uba naŋg ḭta! Ndá yeḛ teḛ kəmee yərərə dɔ Piɛrə’g orè twa ḭ si tar.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.