Lugu 22:35 - Maktub gə́ To gə Kəmee

³⁵ Yeḛ ula dee tɔɓəi pana: Loo gə́ ma m’ula sí m’ar sí awje lal ɓɔl-lar gə ɓɔl-kawmbá gə markob gə́ gɔl sí’g lé see seḭ lalje né keneŋ wa. Deḛ d’ilá keneŋ pana: Jeḛ n’lal né kára kara el.

Lugu 22:35 ပူးပေါင်းရင်းမြစ်များ

Gḭ-Néje 48:15

Yeḛ tɔr ndia dɔ Jisəb’g pana: Maji kar Ala gə́ bɔmje-je gə́ Abrakam gə Isaak njaa nea̰’g lé Ala gə́ njekɔrnɔm kédé gə́ ləw saar ɓogənè lé

1 Mbaije 11:22

Parao̰ dəjee pana: See ɗi ɓa lali rɔm’g nee ɓa i ndigi tel kaw ne ɓee ləi gə mbəa wa. Yeḛ ilá keneŋ pana: Né kára lalm el nɛ ya̰ loo am m’aw ya.

Pakɔsje 23:1

Pakɔs lə Dabid. Njesigənea̰ lé to njekulbadje gə́ ulm-ma ya, Né kára kara a naa̰m el.

Pakɔsje 37:3

Maji kari ɔm məəi dɔ Njesigənea̰’g ra ne né gə́ maji, Yee ɓa i a si ne mee ɓee’g ləm, a si ne lɔm ləm tɔ.

Lugu 10:4

Maji kar sí unje ɓɔl-lar əsé ɓɔl-mbá ji sí’g el ləm, əsé markob kula gɔl sí’g el ləm tɔ. Maji kar sí raje dəw kára kara lapia gə kag-rəw el.

Lugu 22:34

Jeju tel ilá keneŋ pana: Piɛrə, ma m’ulai təsərə, ɓogənè lé kona a no̰ el nja ɓəi ndá i a maḭ dɔ rɔi dɔ loo gərm’g ləi el as gɔl munda.

Lugu 22:36

Yeḛ tel ula dee pana: Nɛ ɓasinè lé yeḛ gə́ ɓɔl-lar ləa to keneŋ gən ndá maji karee un jia’g ləm, yeḛ gə́ ɓɔl-kawmbá ləa to keneŋ gən ndá maji karee un jia’g ləma, yeḛ gə́ kiambas ləa godo lé ndá maji karee un kubu ləa gə́ boi yul ndogo ya̰ laree ndogo ne kiambas ləm tɔ.

Lugu 9:3

Yeḛ ula dee pana: Loo gə́ a gə kunje rəw lé ndá unje né kára kara ji sí’g el, unje kag tɔs əsé ɓɔl əsé muru əsé lar el ləm, kubu kara kawje ne gin joo-joo el ləm tɔ.

2 Njé gə́ Kɔrḭtə 8:15

To gə́ deḛ ndaŋg mee maktub’g pana: Yeḛ gə́ daa nésɔ odo yaa̰ lé al dəa el ləm, Yeḛ gə́ daa nésɔ odo lam ba kara nea el ləm tɔ.

Tel tura Godndu 8:16

yeḛ gə́ ar sí muru gə́ ḭ dara gə́ bɔ síje-je gər el dɔdilaloo’g o̰je, gə mba kar sí ndooje kulje ne ləm, gə mba kaḭ ne meḛ sí mba̰ ɓa gə mba ra sə sí né gə́ maji gogo ɓəi ləm tɔ.